තම දියණිය කිසිවකු විසින් පැහැරගෙන ගොස් ඇතැයි පියා පොලිසියට පැමිණිලි කරන අතරේදී මිතුරන් දෙදෙනකු සමග සූර්වී ඇය නිවෙසට පැමිණීමේ සිද්ධියක් පසුගියදා වාර්තා විය.

සොළොස් හැවිරිදි විය ඉක්මවූ තරුණියකි. ඇය එදින නිවෙසින් පිටව ගොස් ඇත්තේ උපකාරක පන්තියකට යන බව පවසාය. නියමිත වේලාවට ඇය නිවෙසට පැමිණ නැත. මේ නිසා ඇගේ පියා කලබලයට පත්වී තමන් දන්නා හඳුනන දේශපාලනඥයකුටද මේ බව දන්වා පොලිසියට ගොස් ඇත්තේ දියණියගේ අතුරුදන්වීම ගැන පැමිණිල්ලක් කරන්නටය.

තම දේශපාලන බලය පොලිසියට පෙන්වූ පියා දියණිය කිසිවකු විසින් පැහැරගෙන ගොස් ඇතැයි කියමින් ඇය ඉක්මනින් සොයා දෙන ලෙස පොලිසියට කරදර කරන්නට වී ඇත. පොලිසිය කරුණු විමසද්දී පැහැර ගැනීමකට තුඩු දෙන කිසිදු තොරතුරක් අනාවරණය වී නැති අතර දියණිය එදින උපකාරක පන්තියට ගොස් නැති බවටද තොරතුරු ලැබී තිබේ.

මේ අතර පියාට ගෙදරින් ඇමතුමක් ලැබිණි. දුව ගෙදර ආවා. එම පණිවිඩය දැන ගන්නට ලැබුණු නිසා පොලිස් පිරිසක්ද සමග පියා නිවසට ගියේය.
පන්ති යන බව කියා ගිය දියණිය මිතුරන් දෙදෙනකු සමග ප‍්‍රදේශයේ පාරක් අයිනට වී සිට ඇති බව මේ ගැන පොලිසිය කළ සොයා බැලීමේදී අනාවරණය වූයෙන් තරුණිය වෛද්‍ය ප‍්‍රතිකාරදීම සඳහා රෝහල් ගතකර අදාළ තරුණයන් කැඳවා ඔවුන්ගේද ප‍්‍රකාශ සටහන් කරන්නට පොලිසිය පියවර ගත්තේය.