(තිහගොඩ – උපසේන ලියනගම)
ගාලු දිස්ත්‍රික්කයේ උප නගරයක් ආසන්නයේ පදිංචි වී සිටි විශ්‍රාමික ගුරු යුවලකි. අගනුවර වෛද්‍ය අංශයේ සේවය කළ දරුවන් දෙදෙනා තම මව් පියන්ට උදව් පිණිස ඥාතිත්වයක් ඇති ගමේ පරිසරයක මෙහෙකාර දැරියක එහි නතර කළ අතර පසුගිය දා පැතිරී ගිය කොරෝනා උවදුර නිසා දැරියට සෞඛ්‍ය උපදෙස් රැසක් දී දෙමාපියන් දැනුම්වත් කළහ.


විශේෂයෙන් කෑම බීම වර්ග ගැනීමේ දී කළ යුතු චාරිත්‍ර වාරිත්‍ර පැහැදිළි කළ ඔවුහු ඒවා පිරිසුදුව භාවිත කිරීමේ වැදගත්කම ඔවුන්ට පවසා තිබිණ.


පසුගිය දා මේ මව සේවක දැරියට මුදල් දී මහ මග යන ‘චූං පාන් වෑන් රථයෙන්’ පාන් ගෙඩියක් ගෙන එන ලෙස කීවේ නිවසේ තිබූ පොලිතින් බෑගයක් ද ඇයට දෙමිනි.


සෑහෙන වෙලාවකට පසු ඇය නිවසට ආවේ පාන් ගෙඩිය දැමු පොලිතින් බෑගයද රැගෙනය.


එය අතට ගත් මවට තෙත ගතියක් දැනී විමසූ විට ඇය ‘මම අනෙක් ඒවා වගේම පාන් ගෙඩියත් හේදුවා, ඕක අව්වෙ තියල වේළෙන්න ගත්තාම, ඒක කෝකටත් හොඳයි නේ’ කීමෙන් මේ මවට දෙවියන් සිහිවුණාලු.