(ටෝනි කරුණානායක)

මිනුවන්ගොඩ නගරයේ පිහිටි පැරණි වෙළද සංකීර්ණයේ වෙලදසැල් කිහිපයක හිමිකරුවන් සහ සේවික සේවිකාවන් 10 දෙනෙකු කොවිඩි 19 ආසාදිතයන් බවට අනාවරණය වීමෙන් අනතුරුව එම වෙලදසැල් සංකීර්ණයේ සියලු වෙලදසැල් වසා දැමීමට කටයුතු කළ  බව මිනුවන්ගොඩ පරිපාලන මහජන සෞඛ්‍යය පරික්ෂක අනුර රන්දෙණිය මහතා අද (29) පැවසීය .

සිදු කරන ලද ක්ෂණික ප්‍රතිදේහ පරික්ෂණයේදි ආසාධිතයන් අනාවරණය වීමෙන් අනතුරුව එම පැරණි වෙළද සංකීර්ණයේ පිහිටි සියලු වෙලදසැල් වසා දැමීමට කටයුතු කරඑම පැරණි වෙළද සංකීර්ණයට ඇතුළු වීමට නොහැකි වන සේ ආවරණය කල බවද රන්දෙණිය මහතා වැඩ්දුරටත් පැවසීය .

එම වෙළද සංකීර්ණයේ ඇති වෙලදසැල්වල සේවය කල සේවක සේවිකාවන් සහ හිමිකරුවන්ට තමනිවෙස් වල නිරෝධායනය වන ලෙස
 උපදෙස් ලබා දී ඇති බවත් එසේ නිරෝධායනය සදහා උපදෙස් ලබා දී ඇති අයවලුන් සම්බන්ධයෙන් එම පලාත් බාර මහජන සෞඛ්‍යය පරික්ෂක වරුන්ව දැනුවත් කිරීම සදහා කටයුතු  කරමින් සිටින බවත් පරිපාලන මහජන සෞඛ්‍යය පරික්ෂක අනුර රන්දෙණිය මහතා වැඩ්දුරටත් සදහන් කලේය .