එසැණ පුවත්

ඉන්ධන බවුසරය පාර හරහා පෙරළෙයි

කොළඹ සිට බදුල්ලට ඉන්ධන ප්‍රවාහනය කරමින් තිබු ඉන්ධන බවුසරයක් අද (7) පස්වරුවේ බෙලිහුල්ඔය පුවක්ගහවෙල ප්‍රදේශයේදි මාර්ගය හරහා පෙරලීයාමෙන් මාර්ගය පුරා ඉන්ධන ගලායමින් පවතින බව සමනලවැව පොලිසිය පවසයි .

07 April 2026

රූපවාහිනි හිටපු සභාපති සහ අධ්‍යක්ෂ රිමාන්ඩ්

’’කොන්ත්‍රාත් පදනම මත රියදුරු පත්වීම් ලබාදී ඇමතිතුමාගේ පුද්ගලික කාර්ය මණ්ඩලයට අනුයුක්ත කරන්න’’යනුවෙන් සටහන්කර ශ්‍රී ලංකා රූපවාහිනි සංස්ථාට බඳවා ගත් සේවකයන් 06 දෙනකු කෙහෙළිය රඹුක්වැල්ල හිටපු අමාත්‍යවරයාගේ දේශපාලන කාර්යාලයේ වැඩට යොදවා රජයට පාඩු කළේ යැයි එම සංස්ථාවේ හිටපු සභාපති සහ හිටපු අධ්‍යක්ෂවරයා ලබන 17 දින දක්වා රිමාන්ඩ් බාරයේ තබන්නැයි කොළඹ අතිරේක මහේස්ත්‍රාත් ආර්.ඩි. ජානක මහතා අද නියෝග කළේය.

07 April 2026

මහනුවර දුම්රිය ධාවනය මෙම වසර තුළ

‘දිට්වා’ සුළි කුණාටුවෙන් විනාශයට පත්වූ කොළඹ සිට මහනුවර දක්වා දුම්රිය මාර්ගය මෙම වසර අවසන් වීමට පෙර යථා තත්ත්වයට පත්කරන බව ප්‍රවාහන හා මහාමාර්ග නියෝජ්‍ය අමාත්‍ය වෛද්‍ය ප්‍රසන්න ගුණසේන මහතා පැවසීය.

07 April 2026

උතුරේ ඉඩම් සෙමෙන් නිදහස් කරනවා

ආරක්ෂක කටයුතු පිළිබඳ අමාත්‍යාංශ උපදේශක කාරක සභාව ආරක්ෂක අමාත්‍ය, ජනාධිපති අනුර කුමාර දිසානායක මහතාගේ ප්‍රධානත්වයෙන් අද (07) පස්වරුවේ පාර්ලිමේන්තුවේදී රැස් විය.

07 April 2026

වර්තමාන තත්වය විවාදය හෙට

වර්තමාන තත්වය පිළිබඳව සභාව කල් තබන අවස්ථාවේ විවාදයක් පාර්ලිමේන්තුවේදී හෙට (8) පැවැත්වේ.

07 April 2026

අයි.එම්.එෆ්.වාරික දෙකක් එකට

ජාත්‍යන්තර මූල්‍ය අරමුදලේ 5 වන සහ 6 වන වාරික දෙක එකට ලැබීමට නියමිත බව ජනාධිපති අනුර කුමාර දිසානායක මහතා පාර්ලිමේන්තුවේදී පැවසීය.

07 April 2026

නිදහස් පක්‍ෂයේ මැයි රැළිය කැම්බල් පිටියේදී

ශ්‍රී ලංකා නිදහස් පක්‍ෂයේ මැයි දින රැළිය කැම්බල්පිටිය කේන්ද්‍රකරගනිමින් පැවැත්වීමට තීරණය කළ බව එම පක්‍ෂය පැවසීය.

07 April 2026

ගාල්ල කාන්තා රැඳවි අංශයෙන් උණ්ඩ හමු වේ

ගාල්ල බන්ධනාගාරයේ කාන්තා රැදවි අංශයේ තිබි එම්.එම්.09 වර්ගයේ ජීව උණ්ඩ පහක් හමුවු බව බන්ධනාගාර අධිකාරි කාර්යාලය පවසයි.

07 April 2026

ක්‍රීඩා තරුවලට රජයේ රැකියා

ජාතික මට්ටමේ ක්‍රීඩා කුසලතා දක්වන ක්‍රීඩක ක්‍රීඩිකාවන් සඳහා රාජ්‍ය අංශයේ රැකියා අවස්ථා ලබා දීමට කැබිනට් අනුමැතිය ලැබී ඇත.

07 April 2026

රජයේ සහන පැකේජය මෙන්න

මැදපෙරදිග යුදමය වාතාවරණය හේතුවෙන් බලපෑමට පත් ජනතාවට සහන සැලසීමට කැබිනට් අනුමැතිය ලැබී ඇත.

07 April 2026

ඉරාන වැසියන්ගෙන් මිනිස් පළිහක්

ඇමෙරිකා ජනාධිපති ඩොනල්ඩ් ට්‍රම්ප්, ඉරානයේ යටිතල පහසුකම් ඉලක්ක කර ගනිමින්, එරට න්‍යෂ්ටික බලාගාර සහ විදුලි බලාගාරවලට පහර දීමට අනතුරු ඇගවීමත් සමග ඉරාන වැසියෝ මිනිස් පළිහක් ලෙස එම බලාගාර අසලට එක් රොක් ව සිටින බව පැවැසෙයි.

07 April 2026

එකතු කළ අගය මත බදු පනත සංශෝධනයට

එකතු කළ අගය මත බදු පනතට සංශෝධන ඉදිරිපත් කිරීම සඳහා කැබිනට් අනුමැතිය ලැබී ඇත.

07 April 2026

පු.ලි.කොමසාරිස් පත් කරයි

පුද්ගලයන් ලියාපදිංචි කිරීමේ කොමසාරිස් ජනරාල් තනතුර සඳහා පත් කිරීමට කැබිනට් අනුමැතිය ලැබී ඇත.

07 April 2026

මුදල් පනත සංශෝධනයට

මුදල් පනත සඳහා වන සංශෝධන සඳහා කැබිනට් අනුමැතිය ලැබී ඇත.

07 April 2026

නුවරඑළිය ප්‍රා.සභාවේ සභාපති අත්අඩංගුවට

ජාතික රාජ්‍ය සභාවේ සංවර්ධන අධිකාරිය පනත උල්ලංඝනය කර රජයට අයත් ඉඩමක් සදහා ඉදි කිරීමේ සැලසුමක් අනුමත කල බව කියන නුවරඑළිය ප්‍රාෙද්ශීය සභාවේ සභාපතිවරයා අද (7) අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව පවසයි.

07 April 2026

ඉරාන වැසියන්ට ඊශ්‍රායලෙයන් අනතුරු

හෝමූස් සමුද්‍ර සන්ධිය සම්බන්ධයෙන්, තමන් සමග පැහැදිලි එකගතාවක් ඇති කර ගැනීමට ඉරානයට නොහැකි වුවහොත්, දිගට හරහට පහර දී ඉරානය එක රැයින් විනාශ කරන බවට ඇමෙරිකා ජනාධිපති ඩොනල්ඩ් ට්‍රම්ප් අනතුරු ඇගවීමක් කළේය.

07 April 2026

නව නායක මොජ්ටාබා සිහිසුන්

ඉරානයේ නව උත්තරීතර නායක මොජ්ටාබා කමේනී බරපතල ලෙස තුවාල ලබා අසාධ්‍ය තත්ත්වයෙන් සිහිසුන්ව සිටින බවත්, ඔහුට තීන්දු තීරණ ගැනීමේ හැකියාව නොමැති බවත්, ඔහු ඉරානයේ කොම් ශුද්ධ නගරයේ ප්‍රතිකාර ලබමින් සිටින බවත් විදෙස් මාධ්‍ය අනාවරණය කළේය.

07 April 2026

තෙල් සොරකම් කළැයි බවුසරයේ රියදුරු අත්අඩංගුවට

ඛනිජතෙල් සංස්ථාවේ කොන්ත්‍රාත් පදනම මත ධාවනයේ යොදවා ඇති තෙල් බවුසරයකින් රුපියල් 50000 කට ආසන්න වටිනා ඉන්ධන සොරාගත් එම බවුසරයේ රියදුරු අත්අඩංගුවට ගත් බව නවගමුව පොලිසිය සඳහන්කරයි.

07 April 2026

කෝටි 4ක මත්ද්‍රව්‍ය සමඟ දෙන්නෙක් කොටුවෙයි

විදේශගතව සිටින සංවිධානාත්මක අපරාධකරුවෙකු සහ මත්ද්‍රව්‍ය අපරාධකරුවන් වන කංජිපානි ඉම්රාන් සහ පලනි ශිරාන් යන අයගේ මෙහෙයවීම මත මෙරට මත්ද්‍රව්‍ය ජාවාරම් සිදුකරනු ලැබු ඔවුන්ගේ අනුගාමිකයෙකු වන හෑදල වත්තල ප්‍රදේශයේ පදිංචි වයස අවුරුදු 34 ක පුද්ගලයෙකු හා කාන්තාවක් රුපියල් කෝටි 04 කට ආසන්න වටිනා හැෂ් මත්ද්‍රව්‍ය සමග අත්අඩංගුවට ගත් බව පොලිස් විශේෂ කාර්ය බළකාය සඳහන් කරයි

07 April 2026

පාර්ලිමේන්තුව හෙටත් රැස් වෙයි

පාර්ලිමේන්තුව හෙට(8) දිනයේද රැස්වීමට පාර්ලිමේන්තු කටයුතු පිළිබඳ කාරක සභාව තීරණය කළේය.

07 April 2026

යතුරුපැදිය මතට අත්තක් වැටි පියා-දියණිය රෝහලේ

අයගම ඈගල්ඔය මාර්ගයේ පල්ලෙකඩ ගසක අත්තක් අද (06) කඩා වැටීම හේතුවෙන් යතුරු පැදියක ගමන් කරමින් සිටි පියෙකු සහා පාසල් දියණියක් තුවාල ලබා අයගම රෝහල වෙත ඇතුලත් කර ඇති බව අයගම පොලිසිය පැවසීය .

07 April 2026

මැයි අග තෙක් අඛණ්ඩව තෙල් දෙන්න පුළුවන්

මැයි මස අග තෙක් අඛණ්ඩව ඉන්ධන ලබාදීමට හැකි බව ජනාධිපති අනුර කුමාර දිසානායක මහතා පාර්ලිමේන්තුවේ දී පැවසීය.

07 April 2026

අප්‍රේල් මාසයේ අස්වැසුම දීමනාව වැඩි කරයි

අප්‍රේල් මාසයේදී පමණක් අස්වැසුම දීමනාව 7500කින් වැඩි කරන බව ජනාධිපති අනුර දිසානායක මහතා පාර්ලිමේන්තුවේදී පැවසීය.

07 April 2026

බහු දින යාත්‍රාවකට ලක්ෂ එකහමාරක ඉන්ධන දීමනාවක්

බහු දින යාත්‍රා සඳහා රුපියල් ලක්ෂ එකහමාරක ඉන්ධන දීමනාවක් ලබා දෙන බව ජනාධිපති අනුර දිසානායක මහතා පාර්ලිමේන්තුවේදී පැවසීය.

07 April 2026

ගල් අඟුරු වාර්තාව මන්ත්‍රීලාට තවම නෑ: කතානායකට පැමිණිල්ලක්

ගල් අඟුරු මිලදී ගැනීම සම්බන්ධයෙන්වූ විගණකාධිපතිවරයාගේ වාර්තාව මන්ත්‍රීවරුන්ට තවම ලබාදී නැතැයි විපක්ෂයේ මන්ත්‍රීවරු පාර්ලිමේන්තුවේදී අද කථානායකවරයාට පැමිණිලි කළහ.

07 April 2026

’’අපේ හොර සල්ලි - ඒ අයගේ ප්‍රාග්ධනය’’

මාලිමාවේ කියැවීම අනුව ආණ්ඩුවේ කෙනෙක්ට වත්කමක් තිබුනොත් ඒක සමාජ ප්‍රාග්ධනයක් යැයි ද විපක්ෂයේ හෝ රාජ්‍ය සේවයේ අයට වත්කම් තිබුනොත් ඒක හොරකමක් යැයි ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ පැවසීය.

07 April 2026

විදුලිය කපා හැරීම පටන් ගෙන නෑ: දැන් සිද්ධ වන්නේ බිඳවැටීම්

රට පුරා මේ දිනවල සිදුවන්නේ විදුලිය කපා හැරීම් නොව හදිසි විදුලිය බිඳ වැටීම් බව බලශක්ති අමාත්‍ය කුමාර ජයකොඩි මහතා පාර්ලිමේන්තුවේදී අද පැවසීය.

07 April 2026

බලපෑමට ලක් වූ කණ්ඩායම්වලට සහන පැකේජයක්

මැදපෙරදිග අර්බුදය හේතුවෙන් බලපෑමට ලක්විය හැකි කාණ්ඩ සඳහා වි‍‍‍ශේෂ සහන පැකේජයකට අමාත්‍ය මණ්ඩල අනුමැතිය හිමිවූ බවත්, ජනාධිපතිවරයා එය අද දහවල් මැතිසබයේදී ප්‍රකාශ කරන බවත් සභානායක බිමල් රත්නායක මහතා පාර්ලිමේන්තුවේදී අද පෙරවරුවේ පැවසීය.

07 April 2026