එසැණ පුවත්

ඔලිම්පික් පුහුණුවීම් කිහිපයක් නවතා දමයි

ජපානයේ ටෝකියෝ නුවර පැවැත්වීමට නියමිත 2020 ඔලිම්පික් උලෙළ සහ පැරලිම්පික් ක්‍රීඩා වෙනුවෙන් කෙරෙන ජාතික මට්ටමේ පුහුණුවීම් අත්හිටුවීමට රටවල් කිහිපයක් පියවර ගෙන තිබේ.

18 March 2020

’දේශපාලනඥයින් වයිරසයේ දරුණුබව අවතක්සේරු කළා’

විවිධ රටවල දේශපාලන නායකයන් කොරෝනා වයිරසයේ දරුණු බව කිසිදු සැලකිල්ලකට නොගෙන අවතක්සේරු කළ බව යුරෝපා කොමිසමේ සභාපතිනී උර්සුලා වොන්ඩ ලියන් මහත්මිය පැවසුවාය. කොරෝනා වයිරසයේ ව්‍යාප්තිය මර්දනය කිරීම සඳහා සිය දේශ සීමා වසාදැමීමට යුරෝපා සංගමය පියවර ගැනීමත් සමඟ ඇය මේ බව සඳහන් කළාය.

18 March 2020

සෞඛ්‍ය හා දේශීය වෛද්‍ය සේවා අමාත්‍යාංශයේ සියලු විභාග කල්දමයි

සෞඛ්‍ය හා දේශීය වෛද්‍ය සේවා අමාත්‍යාංශය මගින් මාර්තු හා අප්‍රේල් මාසයන් හී පැවැත්වීමට සැලසුම් කර තිබූ සියලු කාර්යක්ෂමතා කඩඉම් විභාග කල් දැමීමට සිදුව ඇති බව සෞඛ්‍ය හා දේශීය වෛද්‍ය සේවා අමාත්‍යංශයේ අධ්‍යක්ෂ (විභාග) ඒ.එල් බස්නායක මහතා දැනුම් දෙයි.

18 March 2020

බුස්ස නාවික හමුදා කඳවුරේ මහල් 4 ක් නිරෝධායනයට

නව කෙරෝනා හෙවත් ‘කොවිඩ් - 19’ වයිරසය රට තුළ ව්‍යාප්තවීම වැළැක්වීමට බුස්ස නාවික හමුදා කඳවුරේ ද මහල් හතරකින් යුත් නව නිරෝධාන මධ්‍යස්ථානයක් ස්ථාපිත කර ඇති බව නාවික හමුදාව පවසයි.

18 March 2020

මැතිවරණය කල් දමන්නැයි කැෆේ ඉල්ලයි

නව කොරෝනා වෛරසය වේගයෙන් ව්‍යාප්ත වෙමින් පවතින තත්ත්වය හමුවේ මහ මැතිවරණය පැවැත්වීම කල් දමන ලෙස කැෆේ සංවිධානය රජයෙන් ඉල්ලා සිටියි.

18 March 2020

ඉතාලියේ සිට ආ වෙන්නප්පුවේ 280 ක් ස්වයං නිරෝධායනයට

ඉතාලියේ සිට පෙබරවාරි 1 දා සිට මාර්තු 10 වැනිදා දක්වා පැමිණි වෙන්නප්පුව ප්‍රදේශයට අයත් ග්‍රාම නිළධාරි වසම් 52 ක සිටි ශ්‍රි ලාංකිකයන් 280 දෙනෙකු ස්වයං නිරෝධායනයට ලක්කර දැඩි පරික්ෂාවෙන් සිටින බව වෙන්නප්පුව සෞඛ්‍ය වෛද්‍ය නිළධාරි කා‍ර්යාලය පවසයි.

18 March 2020

කම්කරු දෙපාර්තමේන්තුව සපයන සේවා තුනක් අත්හිටුවයි

කම්කරු දෙපාර්තමේන්තුව විසින් ලබාදෙන සේවාවන් තුනක් මාර්තු මස 31 වැනිදා දක්වා අත්හිටුවීමට කම්කරු කොමසාරිස් ජනරාල් ඒ.වීමලවීර මහතා තීරණය කර තිබේ.

18 March 2020

ලොකු ලූනු කිලෝව 150 යි

අද (18) සිට ක්‍රියාත්මක වන පරිදි ලොකු ලුනු කිලෝවක උපරිම සිල්ලර මිල රුපියල් 150 දක්වා අඩුකර ඇතැයි පාරිභෝගික අධිකාරිය පවසයි.

18 March 2020

දඹදිව වන්දනාකරුවන් ගෙන්වා ගන්න විශේෂ ගුවන් යානා

දඹදිව වන්දනාවේ ගොස් මේ වන විට ඉන්දියාවේ රැඳී සිටින ශ්‍රී ලාංකික වන්දනාකරුවන් කඩිනමින් යළි දිවයිනට ගෙන්වා ගැනීම අද (18) සවස ශ්‍රීලංකන් විශේෂ ගුවන් යානා පිටත් කර යවන බව බුද්ධ ශාසන අමාත්‍යාංශය කියා සිටී.

18 March 2020

ඇමෙරිකාවේ ප්‍රාන්ත 50ටම වයිරසය ව්‍යාප්තව ගිහින්

චීනයෙන් ආරම්භ වී යුරෝපයේ ශීඝ්‍රයෙන් ව්‍යාප්තවෙමින් පවතින කෝවිඩ්-19 වයිරසය මේ වනවිට ඇමෙරිකාවේ සියලු ප්‍රාන්ත(50) කරා පැතිර ගොස් ඇතැයි වාර්තා වේ.

18 March 2020

කොරෝනා ආසාදිතයින් සිටින වැලිකන්ද රෝහලට පැය 24 න් අලි වැටක්

කොරෝනා ආසාදිතයින් රඳවා සිටින වැලිකන්ද රෝහල වන අලින්ගෙන් ආරක්ෂා කිරිම සඳහා රෝහල වටා පැය 24 ක් තුළ අලි වැටක් ඉදි කිරිමට පියවර ගත් බව පොළොන්නරුව කලාප වනජිවි සහකාර අධ්‍යක්ෂ ඩබ්ලිව්.එම්.කිර්ති චන්ද්‍රරත්න මහතා අද (18) පැවසිය.

18 March 2020

කොරෝනා දැයි සැක ලන්ඩන් සිට පැමිණි කතක් යාපනය මහරෝහලට

ලන්ඩන් නුවර සිට යාපනය කන්දර්මඩම් ප්‍රදේශයට පැමිණි යාපනයේ පදිංචි කාන්තාවක් කොරෝනා වයිරසය අසාදනය වී ඇතයි සැකපිට යාපනය ශික්ෂණ රෝහලට අද (18) උදෑසන ඇතුළත් වී ඇත.

18 March 2020

එලිසබෙත් රැජිණ ස්වයං-නිරෝධායනයට

කොරෝනා වයිරසය සම්බන්ධයෙන් රජය ලබාදුන් උපදෙස් පිළිපදිමින්, ස්වයං- නිරෝධායනයට යොමුවීමට එංගලන්තයේ දෙවන එලිසබෙත් මහරැජිණ තීරණය කර තිබේ.

18 March 2020

යුරෝපයෙන් ආ පිරිසක් කෝට්ටේ නිවාස 40ක ස්වයං නිරෝධායනයේ

ඉතාලිය ඇතුලු රටවල් කිහිපයක සිට ශ්‍රි ජයවර්ධනපුර කෝට්ටේ මහනගරසභා බල ප්‍රදේශයට පැමිණ නිරෝධානයට යොමු නොවී සිටි බව කියන පිරිස් සිටි නිවාස 40 ක පුද්ගලයන් සිය නිවෙස තුළදීම නිරෝධායනයට යොමු කළ බවත් සැක සහිත නිවාස දහයක් ජීවානුහරණය කළ බවත් ශ්‍රි ජයවර්ධනපුර කෝට්ටේ මහනගරසභා ප්‍රධාන සෞඛ්‍ය වෛද්‍ය නිලධාරී මනෝජ් රොද්‍රිගු මහතා පැවසීය.

18 March 2020

ප්‍රවේශපත්‍ර-ආසන වෙන්කිරීම්-පාර්සල් ගැනීම් කොටුව-මරදාන පමණයි

කොළඹ කොටුව හා මරදාන දුම්රිය ස්ථානවල පමණක් ප්‍රවේශපත්‍ර නිකුත් කිරිම, ආසන වෙන්කිරිම හා පාර්සල් බාරගැනීම අද (18) උදේ 9.00 සිට ආරම්භ කළ බව දුම්රිය ස්ථානාධිපති සංගමය පවසයි.

18 March 2020

කල්පිටියේ නිරෝධායනය නොවු 58 ක් හඳුනා ගනිති

කල්පිටිය ප්‍රාදේශීය ලේකම් බල ප්‍රදේශයේ මාර්තු 1 වැනිදා සිට මේ දක්වා ඉතාලියේ සිට පැමිණ නිරෝධායනයට ලක් නොවූ පුද්ගලයින් 58 ක් හඳුනාගෙන ඇති බව ප්‍රාදේශීය ලේකම් නන්දන සෝමතිලක මහතා පවසයි.

18 March 2020

සංචාරකයින්ට දේශසීමා වහන්න යුරෝපා සංගමය තීරණය කරයි

කොරෝනා වෛරසය හේතුවෙන් පිටතින් පැමිණෙන සංචාරකයින්ට සිය දේශ සීමා වසා තැබීමට යුරෝපා සංගමය තීරණය කර තිබේ.

18 March 2020

ඇමෙරිකානු තානාපති කාර්යාලයෙන් වයිරසය මැඬලීමේ උපකරණ

කොරෝනා වයිරසය ව්‍යාප්ත වීම පාලනය කිරීමට ශ්‍රී ලංකා රජය ගෙන ඇති ක්‍රියාමාර්ගවලට සහාය වීමක් ලෙස කොළඹ ඇමෙරිකානු තානාපති කාර්යාලය ශ්‍රී ලංකා ගුවන් සේවා අධිකාරියට ප්‍රදානයක් කළේය.

18 March 2020

වයිරසෙයන් බැට කන ව්‍යාපාරවලට බ්‍රිතාන්‍යයෙන් පවුම් බිලියන 330ක පැකේජයක්

කෝවිඩ්-19 යනුවෙන් නම් කර තිබෙන නව කොරෝනා වයිරසයෙන් බැටකන ව්‍යාපාරවලට සහාය වීමක් ලෙස ස්ටර්ලිං පවුම් බිලියන 330ක සහන පැකේජයක් ලබාදෙන බව බ්‍රිතාන්‍යයේ මුදල් අමාත්‍ය රිෂි සුනාක් මහතා ප්‍රකාශ කළේය.

18 March 2020

යුරෝපීය නායකයෝ කොරෝනා මඬින්න සාකච්ඡා අරඹති

කොරෝනා වයිරසයට එරෙහිව ඒකාබද්ධ උපායමාර්ගයක් සැකසීම සඳහා යුරෝපා සංගමයට අයත් රටවල නායකයෝ අද (17) පස්වරුවේ විඩියෝ තාක්ෂණය ඔස්සේ සාකච්ඡා ආරම්භ කළහ.

17 March 2020

විදේශිකයන්ගේ වීසාවල වලංගු කාලය දීර්ඝ කෙරේ

ශ්‍රී ලංකාවට පැමිණ සිටින සියලුම විදේශිකයන්ගේ වීසාවල වලංගු කාලය පවතින තත්ත්වය හේතුවෙන් මසකින් දීර්ඝ කිරීමට ආගමන විගමන පාලක ජනරාල්වරයා තීරණය කර ඇත.

17 March 2020

ආගමන විගමන කටයුතු ආරක්ෂක අමාත්‍යාංශය යටතට

චමල් රාජපක්ෂ මහතාට අයත්ව තිබූ ආරක්ෂක රාජ්‍ය අමාත්‍යාංශය යටතේ පැවති ආගමන විගමන දෙපාර්තමේන්තුව ජනාධිපති ගෝඨාභය රාජපක්ෂ මහතා විසින් රාජ්‍ය ආරක්ෂක අමාත්‍යාංශය යටතට පවරා ගෙන තිබේ.

17 March 2020

විද්‍යාපීඨ වලට ලබාදී තිබූ නිවාඩුව දීර්ඝ කෙරේ

සියලුම අධ්‍යාපන විද්‍යාපීඨ , ගුරු මධ්‍යස්ථාන සහ ගුරු විද්‍යාල සඳහා දැනට ලබාදී ඇති නිවාඩුව දීර්ඝ කළ බව අධ්‍යාපන අමාත්‍යාංශය සඳහන් කරයි.

17 March 2020

මුඛ ආවරණ වල හිඟයක්

මේ වනවිට රටපුරා ඔසුසල්වල මුඛ ආවරණ වල දැඩි හිඟයක් පවතින බව වාර්තාවේ.

17 March 2020

කාලය අවසන් රියදුරු බලපත්‍රවල වලංගු කාලය දීර්ඝ කෙරේ

කාලය අවසන්වන සියලුම රියදුරු බලපත්‍රවල වලංගු කාලය මැයි මස 30 වැනිදින දක්වා දීර්ඝ කරන බව ප්‍රවාහන සේවා කළමනාකරණ අමාත්‍ය මහින්ද අමරවීර මහතා පැවසීය.

17 March 2020

පරිප්පු - සැමන් මිල අඩු කරයි

කොරෝනා වයිරසය ශ්‍රී ලංකාව තුළ පැතිර යාම සම්බන්ධයෙන් උද්ගතව ඇති අර්බුදය පිළිබඳ සිය අවදානය යොමුකර ඇති ජනාධිපති ගෝඨාභය රාජපක්ෂ මහතා සියලුම රටවැසියන්ට හැකිතාක් ගමන් බිමන් වලින් වැළකි සිටින ලෙස උපදෙස් දුන්නේය.

17 March 2020

කොරෝනා වයිරසය මානව හිමිකම් කොමිසමටත් බලපායි

කොරෝනා වයිරසය ශ්‍රී ලංකාව තුළ ව්‍යාප්ත වීම හේතුවෙන් ශ්‍රී ලංකා මානව හිමිකම් කොමිසන් සභාව නැවත දැනුම් දෙනතුරු පැමිණිලි භාරගැනීම 1996 ක්ෂණික දුරකථන අංකය ඔස්සේ පමණක් සිදුකරන බව අද (17) නිවේදනයක් නිකුත් කරමින් සඳහන් කළේය.

17 March 2020

මැලේසියාව අත්‍යවශ්‍ය සේවා හැර සියලු කටයුතු නවතා දමයි

නව කොරෝනා වයිරසයේ ව්‍යාප්තිය පාලනය කිරීම සඳහා සති දෙකකට කාලයක් රටේ අත්‍යවශ්‍ය සේවා හැර රටේ සියලු කටයුතු නවතා දැමීමට පියවර ගන්නා බව මැලේසියාවේ අග්‍රාමාත්‍ය මුහිදින් යසීන් නිවේදනය කළේය.

17 March 2020