එසැණ පුවත්

මත්ද්‍රව්‍යට ඇබ්බැහිවූවෝ දෙදෙනෙක් ගමක් භීතියට පත්කරති

කළුබෝවිල ශික්ෂණ රෝහලේ ප්‍රතිකාර ලබමින් සිටියදී හමුවූ රෝගියා ප්‍රතිකාර ලැබූ 5 වාට්ටුවේ සිට පිටව ගිය පිළියන්දල කහපොල රෙජිඩෙල් වත්තේ පදිංචි පුද්ගලයකුගේ නිවසේ සිටින මත්ද්‍රව්‍ය ගැනීමට ඇබ්බැහි වූ තරුණයන් දෙදෙනකු නිසා රෙජිඩෙල් වත්තේ බොහෝ දෙනකු භීතියට පත්ව ඇතැයි වාර්තාවේ. මේ හේතුවෙන් කහපොල රෙජිඩෙල්වත්ත සහ අවට ජනතාව භීතියට හා ගැටලු රැසකට මුහුණ පා ඇති බව ද සෞඛ්‍ය සේවා ආරංචි මාර්ග පවසයි.

03 April 2020

හදිසි මරණයකින් හලාවත රෝහල කැළඹෙයි

කොවිඞ් 19 රෝග ලක්ෂණ සහිත රෝගී කාන්තාවක හලාවත මූලික රෝහලට ඇතුළත් කිරීමෙන් පසු ප්‍රතිකාර ලබමින් සිටියදී මිය ගොස් ඇත්තේ, පිළිකා රෝගය හේතුවෙන් බව අනාවරණය වී තිබේ.

03 April 2020

අකුරණ ආසාදිතයන් ඇසුරු කළ අය සිටී නම් ඉදිරිපත්වෙන්න

අකුරණ තෙළඹුගහවත්ත ප්‍රදේශයෙන් හමු වූ‍ කොරෝනා ආසාදිත රෝගීන් සමඟ මොනම හෝ ආකාරයක සම්බන්ධතාවයක් තිබූ සියලු දෙනා වහාම සෞඛ්‍ය අංශයේ නිලධාරින්ට දන්වන ලෙස අකුරණ සෞඛ්‍ය වෛද්‍ය නිලධාරි සංජීව කුරුඳුගහමඩ මහතා ප්‍රදේශයේ ජනතාවගෙන් ඉල්ලා සිටියි.

03 April 2020

බහු දින ධීවර යාත්‍රා සඳහා නිරෝධායන සහතිකය අනිවාර්යයි

සිය ධීවර මෙහෙයුම් සදහා පිටත් වීමට වෙනත් දිස්ත්‍රිත්කවල ධීවර වරායන් බහු දින ධීවර යාත්‍රා භාවිතා කරන්නේ නම්, එම ධීවරයින් සතුව පදිංචි ප්‍රදේශයේ මහජන සොඛ්‍ය නිලධාරියා විසින් නිකුත් කළ නිරෝධායන සහතිකය අනිවාර්‍යෙන් තිබිය යුතු බව ධීවර නියෝජ්‍ය අධ්‍යක්ෂ අනුර ජයසේකර මහතා පවසයි.

03 April 2020

දියතලාවේ නිරෝධායන මධ්‍යස්ථාන හතරම දැන් හිස්

යුද හමුදාවේ අධීක්ෂණය යටතේ දියතලාවේ පැවැති නිරෝධායන මධ්‍යස්ථාන හතරම මේ වන විට හිස්ව පවතින බව දියතලාව යුද හමුදාව පවසයි. දියතලාව හමුදා නිවාඩු නිකේතනය කඳවුරේ සිටි අවසන් 33 දෙනා අද (3) දින සිය ගම්බිම් බලා පිටත්ව යෑමත් සමග කඳවුරු ගතව නිරෝධායනය වූ සියලුම දෙනා පිටත්ව ගොස් තිබේ.

03 April 2020

කටුපොත ආසාදිත කාන්තාව හා සමීපව සිටි 61 හඳුනා ගනී

කටුපොත ප්‍රදේශයෙන් හමුවූ කොරෝනා වයිරසය ආසාදිත කාන්තාව හා සමීපව සිටිමින් කැකුණගොල්ල ප්‍රාථමික බෙහෙත් ශාලාවෙන් ප්‍රතිකාර ගැනීමට ගිය පුද්ගලයන් 61 දෙනෙකු සම්බන්ධ තොරතුරු අද පෙරවරුව වනවිට අනාවරණය කරගෙන ඇති බව කුලියාපිටිය කොටිඨාසය බාර ජ්‍යෙෂ්ඨ පොලිස් අධිකාරි මහින්ද දිසානායක මහතා ප්‍රකාශ කළේය.

03 April 2020

කොරෝනා මඬින්න ලෝක බැංකුවෙන් ඩොලර් මිලියන 128 ක් ලංකාවට

කොරෝනා වයිරසයට එරෙහිව හදිසි සෞඛ්‍ය ප්‍රතිචාර දැක්වීමටත් ආර්ථිකය ශක්තිමත් කිරීම සඳහාත් ශ්‍රී ලංකාවට ඇමෙරිකානු ඩොලර් මිලියන 128.6 ක මුදලක් ලබාදීමට ලෝක බැංකුවේ අනුමැතිය හිමි ව ඇත.

03 April 2020

තංගල්ල හෝටලයේ සේවකයින් දෙදෙනාට කොරෝනා නෑ

තංගල්ල ගොයම් බොක්ක හෝටලයේ සිටි සේවකයින් දෙදෙනාට කොරෝනා වයිරසය ආසාදනය වී නැති බව තහවුරු වීමෙන් පසු හම්බන්තොට මහ රෝහලින් එම පුද්ගලයින් දෙදෙනා නිවෙස් වලට අද (03) පිටවගොස් ඇති බව තංගල්ල මූලස්ථාන පොලිස් පරීක්ෂක ලාල් චන්ද්‍රසිරි මහතා පැවසීය.

03 April 2020

ලෝක බැංකුවෙන් ඉන්දියාවට ඩොලර් බිලියනයක්

කොරෝනා වයිරසයේ ව්‍යාප්තිය පාලනය කිරීමට ගන්නා ක්‍රියාමාර්ගවලට සහය දීමක් ලෙස ඉන්දියාවට ඇමෙරිකානු ඩොලර් බිලියනයක හදිසි මූල්‍ය සහනයක් ලබාදීමට ලෝක බැංකුව තීරණය කර ඇත.

03 April 2020

නිරෝධායනය අවසන් කළ තවත් 35 ක් දියතලාවෙන් පිටව යති

විදේශීය රටවල සිට පැමිණ දියතලාව නිරෝධායන මධස්ථානයේ නිරෝධායනය වූ අවසන් 35 දෙනාද අද (3) සාර්ථකව නිරෝධායන කටයුතු අවසන් කර සිය නිවෙස් කරා යවා ඇතයි දියතලාව යුද හමුදා කඳවුරේ ජ්‍යෙෂ්ඨ නිලධාරියෙකු පැවසීය.

03 April 2020

නිරෝධායනය වූ තවත් 16 ක් පිටව යති

යුද හමුදාවේ පෙරියකාඩු නිරෝධායන මධ්‍යස්ථානයේදී නිරෝධායන ක්‍රියාවලිය අවසන් කළ පුද්ගලයින් 16 දෙනෙකු අද (03) පෙරවරුවේ සිය නිවෙස් බලා පිටත්ව ගිය බව යුද හමුදාව පවසයි.

03 April 2020

සංවිධානාත්මක අපරාධ කල්ලි සාමාජිකයෙක් අත්අඩංගුවට

දිවයිනේ විවිධ ප්‍රදේශවල කප්පම් ගැනිම්, මංකොල්ලකැම් වලට සම්බන්ද සංවිධානාත්මක අපරාධ කල්ලි සමාජිකයකු අත්අඩංගුවට ගත්බැව් රත්ගම පොලිසිය පවසයි.

03 April 2020

ලොව පුරා කොරෝනා ආසාදිතයෝ මිලියනය ඉක්මවයි

ලොව පුරා කොරෝනා වයිරස රෝගීන් සංඛ්‍යාව මිලියනය ඉක්මවා ගොස් ඇති අතර මරණ සංඛ්‍යාව 52 000කට අධික බව රොයිටර් පුවත් සේවය වාර්තා කරයි.

03 April 2020

කටාර් රාජ්‍යයේ සේවය කළ ලක් කතක් මරුට

කටාර් රාජ්‍යයේ රැකියාවේ නිරතව සිටි ශ්‍රී ලාංකික කාන්තාවක් ගින්නකට හසුවීමෙන් මියගොස් ඇතැයි එරට තානාපති ආරංචි මාර්ග සඳහන් කර සිටී.

02 April 2020

කැනඩාවේ කොරෝනා ආසාදිතයින් 10,000 පනී

කැනඩාවේ මේ වනවිට කොරෝනා ආසාදිතයින් 10132 ක් වාර්තා වී ඇති බව එරට මහජන සෞඛ්‍ය කාර්යාංශය පවසයි.

02 April 2020

වෙළඳ කලාපයෙන් වතුකරයට ආ 2543ක් ස්වයං නිරෝධායනයට

මධ්‍යම පළාතේ තේ වතු ආශ්‍රිතව නිදහස් වෙළද කළාපයේ සිට 2543 ක් පැමිණ ඇති බවත් ඔවුන් ස්වයං නිරෝධායනයකට ලක් කිරිමට කටයුතු කරන ලෙස තමන් දිසාපතිවරුන්ගෙන් ඉල්ලා සිටි බව මධ්‍යම පළාත් ආණ්ඩුකාරවර ලලිත්.යු.ගමගේ මහතා පැවැසිය.

02 April 2020

කාබනික පොහොර රාජ්‍ය ආයතනවලට නොමිලේ

රත්ගම මොන්රෝවියා වත්ත ඝන අපද්‍රව්‍ය කළමනාකරණ මධ්‍යස්ථානය මගින් නිපදවන කාබනික පොහොර රාජ්‍ය ආයතන වෙත තොග වශයෙන් නොමිලේ ලබාදිමට දකුණු පළාත් ආණ්ඩුකාර ආචාර්ය විලිගමගේ මහතාගේ විශේෂ අනුමැතිය හිමිවි ඇති බව දකුණු පළාත් පළාත් පාලන කොමසාරිස් සේනක පල්ලිය ගුරුගේ මහතා පවසයි.

02 April 2020

කොරෝනා ආසාදිත සිව් වැනි මරණයත් වාර්තා වෙයි

කොරෝනා ආසාදනය වීමෙන් ශ්‍රී ලංකාවේ තවත් ආසාදිතයකු අද(02) මිය ගොස් ඇතැයි සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා සඳහන් කරයි.

02 April 2020

එකම ඔසු ඇනවුම් ෆාමසි කිහිපයකට යොමු කිරීමෙන් ගැටලු රැසක්

වට්සැප් සහ වයිබර් ඔස්සේ ඔසු ඇණවුම් කිරිමේ ක්‍රමවේදයේදි සමහර පාරිභෝගිකයින් ෆාමසී කිපයකට ඇණවුම් යොමු කිරිමෙන් ගැටළුවක් මතුවි ඇතැයි සමස්ත ලංකා ඔසුසැල් හිමියන්ගේ සංගමයේ සභාපති චන්දික ගන්කන්ද මහතා පැවසිය.

02 April 2020

කොරෝනා ආසාදිතයින් 151 දක්වා ඉහළට

ශ්‍රී ලංකාවේ කොරෝනා ආසාදිත මුළු රෝගීන් සංඛ්‍යාව 151 ක් දක්වා ඉහළ ගොස් ඇතැයි වසංග රෝග විද්‍යා අංශය කියයි.

02 April 2020

ගාල්ලේ රෝහල් කිහිපයකම ඉන්සියුලින් නෑ

ගාල්ල දිස්ත්‍රික්කයේ රජයේ රෝහල් කිහිපයකම දියවැඩියා රෝගීන්ට ලබා දෙන ඉන්සියුලින් ප්‍රතිකාරකය ප්‍රතිකාර කටයුතු සඳහා නොමැති බව අද (02) පැවැති දකුණු පළාතේ කොරෝනා වයිරස තත්ත්වය මර්ධනය සහ අත්‍යවශ්‍ය සේවා කටයුතු පවත්වාගෙන යෑම සම්බන්ධයෙන් දකුණු පළාත් ආණ්ඩුකාර ලේකම් කාර්යාලයේදී පැවති සාකච්ඡාවක දී අනාවරණය විය.

02 April 2020

ආහාර හිඟයට ගෙවතු වගා දස ලක්ෂයක්

ගෝලීය වසංගතයක් වශයෙන් ලොව පුරා ව්‍යාප්ත වන කොරෝනා වයිරසය හමුවේ ඉදිරියේදී ඇතිවන ආහාර හිඟයට පිළියමක් වශයෙන් රටේ ජනතාවට රට තුළම ආහාර නිෂ්පාදනය කඩිනම් කිරීමේ වැඩ පිළිවෙලක් ලෙසින් ‘‘සෞභාග්‍යා ගෙවත්ත’’ නමින් ගෙවතු දස ලක්ෂයක් වගාකිරීමේ ව්‍යාපෘතියක් ආරම්භ කර තිබේ.

02 April 2020

රිජ්වේ රෝහල ගැන බොරු තොරතුරු පැතිරවීමේ සිද්ධිය ගැන පරීක්ෂණ

කොළඹ රිජ්වේ ආර්යා ළමා රෝහලේ කොරෝනා වයිරසය ආසාදිත රෝගීන් ප‍්‍රතිකාර ලබන බවට අන්තර්ජාලයේ හා සමාජ මාධ්‍ය ජාලා ඔස්සේ ප‍්‍රචාරය වු අසත්‍ය ප‍්‍රවෘත්තියක් සම්බන්ධයෙන් අපරාධ පරීක්ෂණ දෙපාර්තමේන්තුව පරීක්ෂණ ආරම්භ කර ඇති බව නියෝජ්‍ය පොලිස්පති අජිත් රෝහණ මහතා පවසයි.

02 April 2020

ඛනිජ බලපත් වලංගු කාලය දීර්ඝ කරයි

භූ විද්‍යා සමීක්ෂණ හා පතල් කාර්යාංශය මගින් නිකුත් කළ මාර්තු 31 දිනට පෙර වලංගු කාලය අවසන් වන සියලුම ඛනිජ බලපත්‍රවල වලංගු කාලය අප්‍රේල් 30 වැනිදා තෙක් දීර්ෂකර තිබේ.

02 April 2020

කොරෝනා ආසාදිතව මියගිය අය ඇසුරු කළ 300 ක් නිරෝධායනයට

කොරෝනා වයිරසය ආසාදනය වී මියගිය මරදානේ පුද්ගලයා සමීපව ඇසුරු කළ පුද්ගලයන් 300 දෙනකු නිරෝධායනය සඳහා අද (2) පස්වරුවේ පූනානි නිරෝධායන මධ්‍යස්ථානයට රැගෙන යාමට නියමිත බව හමුදාපති ලූතිනන් ජනරාල් ශවේන්ද්‍ර සිල්වා මහතා පවසයි.

02 April 2020

එක්සත් ජාතීන්ගේ පරමාණුක ඒජන්සියෙන් කොරෝනා පරීක්ෂණ සඳහා උපකරණ

කොරෝනා වයිරසය සම්බන්ධ පරීක්ෂණ කටයුතු සඳහා රටවල් 40කට උපකරණ යැවීමට එක්සත් ජාතීන්ගේ පරමාණුක ඒජන්සිය කටයුතු කර තිබේ.

02 April 2020

බ්‍රිතාන්‍ය ගුවන් සේවය රැකියා 36,000 ක් අත්හිටුවීමට යයි

සේවකයන් 36,000 කගේ සේවය අත්හිටුවීමට බ්‍රිතාන්‍ය ගුවන් සේවය (බ්‍රිටිෂ් එයාර්වේස්) සූදානම් වෙයි. මේ සඳහා බ්‍රිතාන්‍ය ගුවන් සේවයේ පරිපාලනයත් සේවක සංගමයත් අතර සති ගණනක් තිස්සේ සාකච්ඡා කරමින් සිටී.

02 April 2020

පිලිපීනයේ කොරෝනා නීතී කඩ කරන්නන්ට වෙඩි තබන්නැයි නියෝගයක්

කොරෝනා වසංගතයේ ව්‍යාප්තිය පාලනයට පනවා තිබෙන නියෝග නොතකා කටයුතු කරන පිරිස්වලට වෙඩි තබන්නැයි පිලිපීන ජනාධිපති රොද්‍රිගෝ ඩුටාර්ටේ එරට ආරක්ෂක අංශවලට උපදෙස් දී ඇත.

02 April 2020