ඉන්දියාවේ මුම්බායි නුවර දුම්රිය මාර්ග පද්ධතියක් මතට පාලමක් කඩා වැටී ඇතැයි වාර්තා වේ. 

 

අධික වර්ෂාව හේතුවෙන් පාලම කඩා වැටුණු බව බලධාරීහු පවසති.

 

නගරයේ අතිශය කාර්ය බහුල දුම්රිය මාර්ග පද්ධතියක් වන අන්ද්‍රෙයි දුම්රිය ස්ථානය අසල පාලමක් මෙලෙස කඩා වැටී ඇති අතර අනතුරින් පුද්ගලයන් පස්දෙනකු තුවාල ලබා ඇත.

 

මේ හේතුවෙන් බටහිර දුම්රිය මාර්ගයේ ගමනාගමනය තාවකාලිකව නතර කිරීමට සිදුව ඇති අතර බොහෝ ජනතාවක් දුම්රිය මාර්ගයේ රැඳී සිටින බවද මාධ්‍ය වාර්තා කර ඇත.

 

දුම්රිය ධාවනය අඩපණ වීම නිසා බස්රථ සහ අමතර වාහන විශාල සංඛ්‍යාවක් පැමිණීම හේතුවෙන් මුම්බායි නගරයේ අධික වාහන තදබදයක්ද ඇතිවී යැයි පොලිසිය පවසයි.

 

(බීබිසී ඇසුරිනි - 085)