තායිවාන ජනපතිනිය ජූලියේ ඇමෙරිකාවේ සංචාරයක
තායිවාන ජනාධිපතිනි ත්සායි ඉන් වෙන් මහත්මිය සිව්දින නිල සංචාරයක් සඳහා ඇමෙරිකා එක්සත් ජනපදය බලා පිටත්වන බව එරට රජය නිවේදනය කරයි.
ජූලි මාසයේ දී තායිවාන ජනාධිපතිනිය ඇමෙරිකාවේ සංචාරය කිරීමට නියමිත අතර ඒ අතරවාරයේදී කැරිබියානු දූපත් කිහිපයකද සංචාරය කරනු ඇත.
තායිවාන රජයේ මෙම නිවේදනය චීනය කෝප ගැන්වීමට හේතු වී තිබේ. එමෙන්ම තායිවාන ජනාධිපතිනියට ඇමෙරිකාවට පැමිණීමට ඉඩ නොදෙන්නැයි ද චීනය ඇමෙරිකාවෙන් ඉල්ලා ඇත.
තායිවානය චීනයේ පළාතක් බවත්, තායිවානයට රාජ්‍යයක් හා ගනුදෙනු කිරීමට කිසිදු අයිතියක් නැති බවත්, චීනය නිරන්තරයෙන් අවධාරණය කරයි. චීනයත් ඇමෙරිකාවත් අතර පවතින සබඳතාවල වැදගත්ම කරුණක් වන්නේ එය යැයි ද චීනය ප්‍රකාශ කරයි.
ඇමෙරිකා එක්සත් ජනපදය තායිවානය සමඟ නිල වශයෙන් සබඳතා නොපවත්වයි. එසේ වුවත් තායිවානයේ ප්‍රධාන රාජ්‍ය තාන්ත්‍රික සහකරුවා සහ එරට ආයුධ සපයන ප්‍රධාන සැපයුම්කරුවා වන්නේ ඇමෙරිකාවය.
(රොයිටර් ඇසුරිනි)
055
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
