(ශිරාන් රණසිංහ)
රුපියල් කෝටි ගණනක් වටිනා රන් කැබැලි මිශ්ර පස් අපනයනය සඳහා ශ්රී ලංකා රේගුව භාවිතයට ගෙන ඇති (HS 7112.30.10 දරන) සංකේත අංකය භාණ්ඩ අපනයනය සඳහා නොව ආනයනයට අදාළ සංකේතයක් යැයි ඒ පිළිබඳ ජනාධිපති විමර්ශන ඒකකය සිදුකරන පරීක්ෂණ වලදී හෙළි වී තිබේ.
මෙම සංකේතය භාවිතයට ගත්තේ ශ්රී ලංකා රේගුවේ ප්රමාද දෝෂයක් නිසාද නොඑසේ නම් කිසියම් නිලධාරියකු හිතාමතාම සිදුකර ඇති වෙනස් කමක් නිසාද යන්න පිළිබඳව අප්රමාදව ජනාධිපති විමර්ශන ඒකකයට දන්වන ලෙස ද ජනාධිපති විශේෂ විමර්ශන ඒකකය දැනුම් දී ඇත.
මෙම රන් මිශ්ර පස් අපනයන සිද්ධියේදී ශ්රී ලංකා රේගුව මගින් බහලුම් 4 ක් සඳහා රුපියල් පනස් ලක්ෂයක දඩ මුදලක් අය කරගෙන ඇත. ඒ වෙනවිටත් බහලුම් 51 ක් අපනයන කර තිබූ බවත් එම බහලුම් 51 සඳහා ඉහත අය කරගත් රුපියල් පනස් ලක්ෂයක දඩ මුදල තුළම ලක්ෂ දහයක මුදලක් අයකර ගැනීම ප්රමාණාත්මකව නොගැළපෙන බව ද ජනාධිපති විමර්ශන ඒකකය කරුණු පැහැදිලි කරන ලෙස ඉල්ලමින් ශ්රී ලංකා රේගුවට කළ දැනුම් දීමේ දැක්වේ.
ජනාධිපති විමර්ශන ඒකකයේ අධ්යක්ෂ රූබන් වික්රමආරච්චි මහතාගේ ප්රධානත්වයෙන් මේ පිළිබඳ විධිමත් පරරීක්ෂණයක් ආරම්භ වී ඇති අතර එ් මහතා සම්බන්ධ කර ගැනීමට උත්සාහ කළ ද එය සාර්ථක වූයේ නැත.
1992 අංක 33 දරන භූ විද්යා සමීක්ෂණ හා පතල් කැණීම් කාර්යාංශ පනතේ 13 (2) 1 (ඈ) වගන්තියට ප්රකාරව ඛනිජ ද්රව්ය ප්රවාහනය සඳහා අවසර ගත යුතුය.
ශ්රී ලංකා රේගුව හරහා මීට පෙර අපනයනය කර ඇති රන් කැබැලි මිශ්ර පස් බහලුම් සඳහා විධිමත් බලපත්ර රේගුව පරික්ෂා කර ඇත්නම් එම සටහන් එවන ලෙස ද ජනාධිපති විමර්ශන ඒකකය රේගුවට දැනුම් දී ඇත.
රන් මිශ්ර පස් අපනයනයට අදාළව ජනාධිපති විමර්ශන ඒකකය තවදුරටත් විමර්ශන සිදුකරයි.
පාස්කු ඉරු දින ප්රහාරය සම්බන්ධයෙන් පමණක් පාර්ලිමේන්තු විවාද එකොළහක් පසුගිය වසර තුන ඇතුළත පවත්වා ඇතැයි වාර්තා වේ.
කොවිඩ් 19 වසංගතයෙන් පසු ඇති වූ ආර්ථික අර්බුදය හේතුවෙන් ලංකාවෙන් 2022 වසරේ සිට 2024 අප්රේල් මාසය දක්වා 692,461 ක් රැකියා සඳහා විදේශගත වී ඇති බව විදේශ සේවා නියුක්ත
කල්පිටියේ දූපත් පහක් බද්දට ගත් ආයෝජකයන් පස් දෙනකු රුපියල් හය කෝටියකට ආසන්න බදු මුදලක් සංචාරක සංවර්ධන අධිකාරියට ගෙවීම පැහැර හැර ඇතැයි ජාතික විගණන කාර
යෝජිත විදුලිබල පනත් කෙටුම්පත පාර්ලිමේන්තුවේ සම්මත වුවහොත් විදුලිබල මණ්ඩලය සතු රුපියල් ට්රිලියනයකට අධික වටිනා සම්පත්වලින් සියයට හැත්තෑපහකට ආසන්න
1958 අංක 15 දරණ සේවක අර්ථසාධක අරමුදල් පනත සංශෝධනය කිරීම සඳහා තමන් විසින් පාර්ලිමේන්තුවට ඉදිරිපත් කරන ලද පෞද්ගලික මන්ත්රී පනත් කෙටුම්පත සම්මත කර ගැනීමට හ
ඊශ්රායලය විසින් ඉරානයට එල්ල කෙරුණු ප්රහාරය සමග ඉදිරියට ද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකාවේ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රන් මිශ්ර පස් අපනයන පිටුපස රේගු නිලධාරියකු ගැන සැකයක්?