2020 සැප්තැම්බර් මස 27 වන ඉරිදා
(යක්කලමුල්ල ජේ.කේ.එල් චාමින්ද)
බද්දේගම කිරිබතාවිල ප්‍රදේශයේ තේ කඩයක් අසලදි ත්‍රිරෝද රථ රියදුරකු අද (07) උදෑසන කපාකොටා ඝාතනය කොට ඇති බැව් බද්දේගම පොලිසිය පවසයි.
පැරණි කෝන්තරයක් නිසා මෙකී ඝාතනය වී ඇති බැව් පොලිස් පරීක්ෂණවලදී අනාවරණය වී ඇත. අද උදෑසන කිරිබතාවිල තේ කඩයක දෙදෙනෙකු විසින් උදෑසන ආහාර ගනිමින් සිට තිබේ. එම අවස්ථාවේදී ඝාතනයට ලක්වූ ත්‍රිරෝද රථ රියදුරා වෙළඳසැළේ ඉදිරිපස සිට මොවුන් දෙදෙනා සමග ආරවුලක් ඇතිකරගෙන තිබේ. පසුව වෙළඳසැළේ සිටි දෙදෙනා මේ ගැන තම පවුලේ අයට දැනුම් දී ඇත.
ඉන්පසු තිදෙනෙකු පැමිණ ත්‍රිරෝද රථ රියදුරුට මන්නා පිහිවලින් පහරදී ඝාතනය කරඇති බව පොලිසිය පවසයි. ත්‍රිරෝද රථරියදුරු කරාපිටිය ශික්ෂණ රෝහලට ඇතුළත් කිරීමෙන් පසු මියගොස් ඇත. ඝාතනයට ලක්වූ ත්‍රිරෝද රථ රියැදුරුට මනුෂ්‍ය ඝාතන දෙකක් සම්බන්ධයෙන් චෝදනා එල්ල වී ඇති බවද පොලිසිය පවසයි.
මෙකී ඝාතනයට සම්බන්ධ සැකකරුවන් පස්දෙනා අතර කාන්තාවන් දෙදෙනෙකුද සිටිනබව පොලිසිය පවසයි. බද්දේගම පොලිසිය වැඩිදුර පරීක්ෂණ පවත්වයි.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
