(රොහාන් කුමාර දිසානායක)

ගලිගමුව අටාල වතුයායේ මේ දිනවල වගාකෙරෙන කටුපොල් වගාව නතර කරන්නැයි ඉල්ලා අද (13) ගලිගමුව ප්‍රාදේශීය සභාවේ පක්ෂ විපක්ෂ මන්ත්‍රීවරු ඇතුළු ගම්වැසියෝ එක්ව ගලිගමුව අවිස්සාවේල්ල මාර්ගයේ උද්ඝෝෂණයක නිරතවූහ.

කෑගල්ල දිස්ත්‍රික් සංවර්ධන කමිටුව මගින් තහනම් කර ඇති බවත් වැවිලි කර්මාන්ත අමාත්‍ය නවින් දිසානායක මහතා කැබිනට් මණ්ඩලයට කටුපොල් වගාව නතර කරන ලෙස ඉල්ලා යෝජනාවක් ඉදිරිපත් කර තහනම් අනුමැතියක් ලබා තිබුණ ද එය නොතකා කැගල්ල දිස්ත්‍රික්කයේ වතු සමාගම් කටයුතු කරමින් සිටින බව උද්ඝෝෂකයෝ පවසති.

මේ හේතුවෙන් පැයක පමණ කාලයක් ගලිගමුව අවිස්සාවේල්ල මාර්ගයේ වාහන තදබදයක් ද පැවති අතර පිංදෙනිය පොලිස් ස්ථානාධිපතිවරයා පැමිණ වතු අධිකාරිවරයා සමඟ සාකච්ඡා කර විසදුමක් ලබාදෙන බව පැවසීමෙන් පසුව උද්ඝෝෂණය කළ පිරිස විසිර ගියහ.