ට්‍රම්ප් - ඔබාමා ශෝකය පළ කරති

(තිළිණි ද සිල්වා)

පාස්කු ඉරිදා දිනයේ (21 වැනිදා) ශ්‍රී ලංකාවේ ස්ථාන 9 කදී සිදුවූ පිපිරීම් හේතුවෙන් 200 කට අධික පිරිසක් මියයාම සම්බන්ධයෙන් ඇමෙරිකානු ජනාධිපති ඩොනල්ඩ් ට්‍රම්ප් සහ බැරැක් ඔබාමා යන මහත්වරු ශෝකය පළ කර සිටිති.

‘‘ එක්සත් ජනපදය ශ්‍රී ලංකාවේ ශ්‍රේෂ්ඨ ජනතාවට හෘදයාංගම ශෝකය පළ කරයි. උදව් කිරීමට අපි සූදානම්ව සිටිමු ‘‘ යයි ඩොනල්ඩ් ට්‍රම්ප් මහතාගේ පණිවුඩයෙන් කියැවේ.

ඇමෙරිකාවේ හිටපු ජනාධිපති බැරැක් ඔබාමා පෙන්වා දෙන්නේ සංචාරකයින් හා කතෝලික බැතිමතුන් ඉලක්ක කර ගත් මෙම ප්‍රහාරය මනුෂ්‍යත්වයට එරෙහි වන්නක් බවයි. එබැවිත් ප්‍රහාරයෙන් වින්දිතයින් බවට පත් වූවන් සහ ජනතාව සමග එක්ව එකට සිටින බවද හිටපු ජනපතිවරයා සිය පණිවිඩයෙන් කියා සිටී.

අදහස් (4)

ට්‍රම්ප් - ඔබාමා ශෝකය පළ කරති

Senarath Monday, 22 April 2019 03:10 AM

මෙයාලගේ ශෝකය පල කිරීමෙන් වැඩක් තියෙනවද? මැරුණු මිනිස්සුන්ට පණ එනවද? බරපතල තුවාල ලැබුවන්ගේ තුවාල ඉක්මනින් හොඳ වෙනවද ? මෙයට වඩා හොඳයි, අනෙක් රටවල අභ්‍යන්තර ප්‍රශ්න ඒ රටවලට විසඳ ගන්න දීලා තමන්ගේ රටේ ප්‍රශ්න බලා ගත්තම.

: 287 75

chathuriMonday, 22 April 2019 05:08 AM

තමුන්ට වැඩක් නොවුනට ලෝක නායකයෝ ජනතාව ගැන අනුකම්පාවෙන් ඉන්නේ. අපේ රටට ණය දෙන්නේ ඔයාගේ බුදලෙන්ද, මෙවැනි අවස්ථාවල අපේ ජනාධිපති ඉල්ලන ඕනෑම දෙයක් ජනතාව වෙනුවෙන් මේ නායකයින් කරන්න ලෑස්තියි. ඔයාගේ මට්ටමට නායකයින් තියන්න එපා. ඔයාගේ මුළු පවුලට ඔයාට සලකන්න බැහැ ඒ තරම් වැටුපක් ඔයා ගන්නේ නැහැ. නමුත් මෙවැනි ධනවාදී නායකයින්ට මුළු රටටටම සලකන්න පුළුවන්, හොඳ වෙලාවට ඔයාගේ කියමන් මේ කට්ටිය බලන්නේ නැහැ

: 0 80

ගලබොඩ අත්තේ චමින්ද Monday, 22 April 2019 08:57 AM

චතුරි හැමදාම කෙසෙල් කන්න. එතකොට මොලේ වැඩෙනවා...

: 0 0

DilMonday, 22 April 2019 11:09 AM

චතුරි, මෝඩකමේ සීමාවක් තියාගන්න. ලංකාවට ඇමරිකාව සත 5 කවත් ණයක් දෙන්නේ නැත. නමුත් ඔවුන්ගේ ජාත්‍යන්තර ආධාර අපට ලැබේ. පසුගිය වසර 50 ටම - වසර 50 ටම - ඔවුන් අපට USAID තුලින් US $ බිලියන 2.1 දී ඇති බවක් ඔවුන් කියයී. නමුත් චතුරි අමතක කරනා දත්තය නම්, මැද පෙරදිගට ගොස් වලං හෝදන අපේ අම්මලා, අක්කලා, නංගිලාත් එහි ගොස් තද අව්වේ බිත්ති බදින අපේ තාත්තලා, අයියලා, මල්ලිලා අපේ රටට වසරකට වසර 50 කට නොව US $ බිලියන 8ක් විදේශ විනිමය ජනනය කර ඒවා ලංකාවට එවනවා. අපේ අය ඒ ජන කොට්ටාශයට කියන්නේ "මිඩ්ල් ඊස්ට් වල ඉන්න හවුස් මෙඩ්ලා, ලේබරස්" කියලාය. අපි ගෞරව කල යුත්තේ ඒ අපේ සහෝදර ජනතාවටයි. ඇමරිකාව හෝදන්න ප්‍රථම, ඇත්ත දැන ගන්න. ඇමරිකාවේ දේශපාලන හස්තයට අප බිය විය යුතුය. නැත්නම් වන්නේ මහින්ද රාජපක්ෂට වූ දෙය. නමුත් ඉන් අපට ආර්ථික වාසියක් නොමැත.

: 0 112