( නිමල් ජයරත්න)

පොළොන්නරුව වැලිකන්ද මුතුගල ප‍්‍රදේශයේ බලපත‍්‍ර සහිත කුඹුරු ඉඩම් වල සී සාමින් සිටි ගොවින් කිහිප දෙනෙකු අද (22 ) පෙරවරුවේ පොළොන්නරුව සහ වැලිකන් වනජිවි නිලධාරින් පිරිසක් විසින් අත්අඩංගුවට ගැනිමට ගිය විටදි ඊට විරෝධය පලවිමත් සමඟ ගම්මුන් විසින් එම වනජිවි නිලධාරින් පැය හයක පමණ කාලයක් කොටුකරගෙන සිටියදි දැඩි පරිශ‍්‍රමයක් යොදා ගොවින්ගේ අඩස්සියෙන් නිදහස් කරගත් බව වැලිකන්ද පොලිසිය කියයි.
 
පොළොන්නරුව සහ වැලිකන්ද වනජිවි නිලධාරින් දෙපාර්තමේන්තුවට අයත් වාහන දෙකකින් මුතුගල ප‍්‍රදේශයේ මෙම වැටලිමට ගොස් ඇති අතර එහිදි බලපත‍්‍ර සහිතව කුඹුරු ඉඩම්වල සීසාන ගොවින් කිහිප දෙනෙකු අත්අඩංගුවට ගත් අවස්ථාවේ ගම්මානයේ ගොවින් 300 යකට අධික පිරිසක් වනජිවි නිලධාරින් කොටුකර ගැනිමත් සමග මෙම කලබල කාරි තත්වය ඇති වු බව පොලිසිය සදහන් කරයි.
 
එහිදි ගම්මුන් විසින් වනජිවි නිලධාරින් යනඑන සියලූ මාර්ග ටයර් පුලූස්සා අවහිර කර තිබු අතර ඒ පිලිබද වනජිවි නිලධාරින් වැලිකන්ද පොලිසියට දන්වා ඇත.
 
ඒ අනුව ක්‍ෂණිකව ක‍්‍රියාත්මක වු වැලිකන්ද පොලිස් ස්ථානාධිපති පොලිස් පරික්ෂක ලසන්ත බණ්ඩාර මහතා ඇතුලූ පොලිස් නිලධාරි කණ්ඩායමක් මුතුගල වෙල් යායට පැමිණ ගොවින්ගේ අඩස්සියේ පසු වු වනජිවි සහ සිවිල් ආරක්ෂකයින් 10 දෙනෙකු පමණ සවස 02 ට පමණ නිදහස් කර ගැනිමට සමත් වුහ.
 
එහිදි කුපිතව කලබල කාරිව හැසිරුනු ගොවි ගෙවිලියන් කිහිප දෙනෙකු වනජිවි නිලධාරියෙකුට පහරදිමට තැත්කල අතර පොලිසිය මැදිහත්ව සියලූ වනජිවි නිලධාරින් එහිදි නිදහස් කර ගැනිමට හැකි වු බව වැලිකන්ද පොලිස් ස්ථානාධිපති පොලිස් පරික්ෂක ලසන්ත බණ්ඩාර මහතා අපකල විමසිමකදි සදහන් කලේය.

මුතුගල ගොවින් පැවසුවේ තමන් වසර 30 කට අධික කාලයක් මහවැලි බලපත‍්‍ර යටතේ මෙම කුඹුරු ඉඩම්වල වී වගා කරන බවත් මෙවර පොළොන්නරුව සහ වැලිකන්ද වනජිවි නිලධාරින් වැටලිම් කර මෙම කුඹුරු ඉඩම් වනජිවි කලාපයට අයත් යැයි පවසමින් අත්අඩංගුවට ගන්නා බවයි.
 
මෙම වැටලිම සිදුකල පොළොන්නරුව වනජිවි අඩවි සහකාර එස්.ඒ.වික‍්‍රමරත්න මහතා සදහන් කලේ පොළොන්නරුව වනජිවි සහකාර අධ්‍යක්ෂ කිර්ති චන්ද්‍රරත්න මහතාගේ උපදෙස් මත පොළොන්නරුව අඩවි ආරක්ෂක පි.ඩි සුනිල් ශාන්ත මහතාගේ මෙහෙයවිමෙන් මෙම වැටලිම් සිදුකරන බවත් අදාල ගොවින් වී වගා සිදුකරන්නේ වන අලින් සහ සතුන් ගැවසෙන පරිසර සංවේදි විල්ලූ පද්ධතියක බවයි.
 
ඒ අනුව මෙම වැටලිමට ගිය අවස්ථාවේදි අදාල ගොවින් තමන්ට විරෝධය පලකාර කලහාකාරිව හැසිරිමත් රාජකාරියට බාධා කිරිමත් යටතේ අත්අඩංගුවට ගැනිමට ගිය විටදි ගම්මුන් 300 ක් පමණ එක් වි තමන් කොටුකරගෙන සිටි බවද එස්.ඒ වික‍්‍රමරත්න මහතා සදහන් කළේය.
 
වැලිකන්ද පොලිස් ස්ථානාධිපති පොලිස් පරික්ෂක ලසන්ත බණ්ඩාර මහතා එම ස්ථානයට පැමිණ ශ‍්‍රී ලංකා මහවැලි අධිකාරියත් වනජිවි නිලධාරින් සහ ගොවින් එක්ව සාකච්ඡුාකර අදාල කුඹුරු ඉඩම් ගැටලූවට ස්ථිර විසදුමක් ලබාදෙන බවට පොරොන්නදු විමත් සමග ගොවින් පිරිස ඉන් විසිර ගියහ.