(ක.ග.කරුණාරත්න)

මැතිවරණ නීති උල්ලංඝණය කරමින් ඡන්ද ප්‍රචාරක කටයුතු වල නිරතව සිටි ශ්‍රී ලංකා පොදුජන පෙරමුණේ ආධාරකරුවෝ 22 දෙදෙනෙකු අද (29) හිඟුරක්ගොඩ අක්කර 70 ප්‍රදේශයේදී අත් අඩංගුවට ගත් බව හිඟුරක්ගොඩ පොලිසිය පැවසීය.

අත්අඩංගුවට ගත් පිරිස අතර කාන්තාවන් 15 ක් සහ පිරිමි පුද්ගලයින් 07 දෙනෙකු සිටින බව පොලිසිය කීය.

මැතිවරණ පැමිණිල්ලක් මත අත් අඩංගුවට ගනු ලැබූ මෙම පිරිස හිඟුරක්ගොඩ  සහ ඒ අවට පදිංචිකරුවන් බව අනාවරණයවී ඇත.

තම පක්‍ෂයේ අපේක්‍ෂකයාට සහයෝගය දක්වන ලෙස ඉල්ලමින් ගෙන් ගෙට යමින් සිටි මේ මේ පිරිස සන්තකයේ තිබී අපේක්‍ෂකයාගේ රුව සහිත පත්‍රිකා තොගයක්ද පොලිසිය අත් අඩංගුවට ගෙන තිබේ.

අත් අඩංගුවට ගත් පිරිස පොලිස් ඇප මත මුදාහැර පසුව අධිකරණයට ඉදිරිපත් කිරීමට නියමිතව ඇතැයි පොලිසිය සඳහන් කළේය.