IMG-LOGO

2025 ජුලි මස 12 වන සෙනසුරාදා


පල්ලෙකැලේ ක්‍රිකට් බැලූ තරුණයෝ හෝටලයක රොටී පුච්චාගෙන කාලා

(වියලු‍ව වාර්තාකරු)
ආහාරපාන මුළුමනින්ම අවසන්ව තිබූ අවන්හලකට මැදියම් රැයේ ගොඩ වූ පිරිසක් අවන්හල් හිමියා පසෙකට වී බලා සිටියදී තමුන් අතින්ම පිටි අනා රොටී පුළුස්සාගෙන ලු‍ණු මිරිසක් ද හදාගෙන අනුභව කළ බව කියැවෙන පුවතක් ලංකාදීපයට වාර්තා විය.


සිද්ධිය මෙසේය.


දිනය ඉකුත් මාර්තු පළමු වෙනිදාය. මහනුවර පල්ලෙකැලේ ක්‍රීඩාංගණයේදී ශ්‍රී ලංකාව සහ බටහිර ඉන්දීය කොදෙව් කණ්ඩායම අතර පැවති එක් දින තරගය නැරඹීමට ගොස් ආපසු එමින් සිටි තරුණ පිරිසකි. තරගය අතරතුරදී යහමින් මත්පැන් පානය කළද නිසි ආහාරයක් නොලැබූ ඔවුහු තරගය අවසන්ව ක්‍රීඩාංගණයෙන් පිටතට පැමිණියේ දැඩි කුසගින්නකිනි. නිවෙස් බලා යන අතරතුර මගදී හමුවුණ   ආපනශාලාවකින් රාත්‍රී ආහාරය ගනිමු යැයි කණ්ඩායමේ පිරිස යෝජනා කළේ ඊට විසඳුමක් වශයෙනි.


පල්ලේකැලේ සිට මහියංගන දෙසට කිලෝමීටර් හත අටක් පැමිණියද තරගය නැරඹීමට පැමිණි විශාල පිරිසක් ඒ වන විටත් මාර්ගය දෙපස තිබූ බොහෝ අවන්හල්වල සකස් කර තිබූ ආහාර පාන සියල්ලක්ම හිස් කර තිබිණි.


පිරිස ආපනශාලා කීපයකටම ගොඩ වුවද බිස්කට් පැකට් කීපයක් හැරුණු විට ඒවායේ කිසිදු ආහාරයක් දක්නට නොවිණි.


 අවසානයේ මාර්ගය අයිනේ තිබූ රොටී වෙළෙඳ සලකට ගොඩ වූ පිරිස එහි හිමිකරුගෙන් රොටී ඉල්ලා සිටියත් අනන ලද පිටි සියල්ල අවසන් බව ඔහු කියා සිටියේ තරුණ පිරිසගේ බලාපොරොත්තු සුන් කරමිනි.


  ඒ වන විටත් හොඳ හැටි පදම් වී සිටි පිරිසේ අයකු ‘‘එහෙනම් මුදලාලි අපිට පිටි ටිකක් දෙන්න අපි පිටි අනාගෙන රොටී හදාගන්නම්’’  යැයි කියා සිටියේ කුසගින්න නිවාගන්නට ඇති එකම විකල්පය එය බව සෙස්සන්ටද පවසමිනි.


දැඩි කුසගින්නේ සිටි කණ්ඩායමේ සෙසු පිරිසද එකපයින්ම සිය සගයාගේ යෝජනාව ස්ථීර කළේ වෙළෙඳසල් හිමියාට ද ඉන් ගැලවීමට ඉඩක් නොතබමිනි.


දවස පුරාම වැඩ කිරීම නිසා ඒ වන විටත් දැඩි වෙහෙසකින් මෙන්ම නිදිමතේ ද සිටි වෙළෙඳ සල් හිමියාට පසෙකට වී සිටින ලෙස පැවැසූ    ඉවුම් පිහුම් හොඳ හැටි පුරුදු කණ්ඩායමේ තරුණයකු පිටි අනා රොටී පිළිස්සීමට පටන් ගත්තේ තවත් සගයකුට ලු‍ණු මිරිසක් සකස් කරන ලෙසද පවසමිනි.


 පැයක් යන්නටත් මත්තෙන් ඇති තරම් රොටී පුළුස්සා ගත් පිරිස තවත් වාහනයකින් පැමිණි එවැනිම පිරිසකට ද ඔවුන් පිසූ රොටීවලින් සංග්‍රහ කළේ ඔවුන් සමගද හිතවත්කමක් ඇති කර ගනිමිනි.


අවසානයේදී දැඩි කුසගින්නේ සිටි පිරිස වෙළෙඳසල් හිමියාගෙන්  සමුගත්තේ රොටී වෙනුවෙන් නියමිත මුදලටත් වඩා වැඩි මුදලක් මෙන්ම  ඔහුට මත්පැන් උගුරු කීපයකින්ද සංග්‍රහ කරමිනි.



අදහස් (3)

පල්ලෙකැලේ ක්‍රිකට් බැලූ තරුණයෝ හෝටලයක රොටී පුච්චාගෙන කාලා

sunil gikiyanage Thursday, 05 March 2020 08:02 PM

ආපනශාලා හිමිකරු සහ තරුණ පිරිසද ගහමරාගන්නේ නැතිව ගැටලුවත් විසදගෙන තියෙනවා ඉතා හොද විදිහට.

:       0       73

sampath Friday, 06 March 2020 09:51 AM

මෙන්න මේ සහජීවනය තිබුනානම් ලංකාව කොයි තරම් හොද රටක්ද ලංකාවේ වතුර, ගස්වල එල, මුහුද පලතුරු සියල්ල තියෙනවා මිනිස්සුන්ගේ නොහොබිනා කම් ටික බලෙන් හරි ආගමෙන් හරි වෙන මොන ක්‍රමෙන් හරි මමනම් කියන්නේ මෙවෙනි ක්‍රියාකාරකම් වැඩ ප්‍රයෝගිකයි හදාගත්තොත් ලංකාව පෘතුවි තළයෙන්ම විශිෂ්ටම රාජ්‍ය කරන්න පුළුවන්.

:       0       105

Zaman Wednesday, 11 March 2020 02:23 PM

හොඳ ආදර්ශයක්....

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 325 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 846 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1273 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site