IMG-LOGO

2024 මැයි මස 18 වන සෙනසුරාදා


“වසන්තයේ හඬ·ස්වර්ණමය සිහිනය” නමින් යුන්නන් අන්තර්ජාතික වසන්ත උත්සව ප්‍රසංගය බංග්ලාදේශයේ

2024 වසරේ “වසන්තයේ හඬ•ස්වර්ණමය සිහිනය” නමැති අන්තර් ජාතික වසන්ත උත්සව කලා ප්‍රසංගයට එක් වන ප්‍රාසාංගික කණ්ඩායම පසුගිය 17වනදා ඩකා නගරයේ බංග්ලාදේශ කලා ඇකඩමියට පැමිණ ඇත. එහිදී ප්‍රාදේශීය කලාකරුවන් සමග චීන ලක්ෂණ හා බංග්ලාදේශ ලක්ෂණ විදහා දැක්වෙන වර්ණවත් කලා ප්‍රසංගයක් ඉදිරිපත් කර තිබේ.

පසුගිය 17 වනදා රාත්‍රියේ 2024 වසරේ “වසන්තයේ හඬ·ස්වර්ණමය සිහිනය” නමැති අන්තර් ජාතික වසන්ත උත්සව කලා ප්‍රසංගය ඩකා නගරයේදී පැවැත්විණ. චීන හා බංග්ලාදේශ ගායකයන් ඒකාබද්ධව චීන බංග්ලාදේශ මිත්‍රත්වයේ ගීතය ගායනා කරන අයුරු.

බංග්ලාදේශයේ චීන තානාපති කාර්යාලය, චීනයේ යුන්නැන් පළාත් ආණ්ඩුවේ ප්‍රවෘත්ති කාර්යාලය හා විදේශ කටයුතු කාර්යාලය විසින් මෙවර ප්‍රසංගය සංවිධාන කරන ලදි. එය 2024 වසරේ “වසන්තයේ හඬ·ස්වර්ණමය සිහිනය” නමැති වසන්ත උත්සව සංස්කෘතික හුවමාරු වැඩසටහන් මාලාවේ වැදගත් කොටසකි. එම ප්‍රසංගය ඩකා නගරයේ වැසියන්, බංග්ලාදේශයේ සිටින චීන ජාතිකයන්, චීන සමාගම්වල නියෝජිතයන් ඇතුළු පුද්ගලයන් 1000ක් පමණ ආකර්ණය කර තිබේ.

බංග්ලාදේශයේ චීන තානාපති යාඕ වෙන් මහතා එහිදී දේශනයක් සිදු කරමින් පැවසුවේ ජනමත විමසුමකට එක් වූ බංග්ලාදේශ ජාතිකයන්ගෙන් සියයට 60කට වැඩි පිරිසක් චීනය වෙත සක්‍රීය මෙන්ම ධනාත්මක හැඟීම් පළ කර ඇති අතර, සියයට 90කට වැඩි පිරිසක් විශ්වාස කරන්නේ චීන-බංග්ලාදේශ සබඳතාව යහපත් තත්ත්වයක පවතින බවයි. චීනය හා බංග්ලාදේශය අතර එක් තීරයක් එක් මාවතක් සහයෝගිතාව ඔස්සේ බංග්ලාදේශ සමාජ හා ආර්ථික වර්ධනයට සක්‍රීය වෙනස්කම් ගෙනවිත් තිබේ. චීනය පිළිබඳ තොරතුරු දැනගැනීම හා චීනයට යාමට වඩාත් වැඩි බංග්ලාදේශ වැසියන් බලාපොරොත්තු වන බව යාඕ වෙන් මහතා කියා සිටියේය. චීන-බංග්ලාදේශ සබඳතාවට දෙරටේ ජනතාවගේ අවංක සහාය ලැබී ඇති අතර චීන-බංග්ලාදේශ මිත්‍රත්වය ජනතාවගේ හදවත් තුළ වඩාත් ගැඹුරින් මුල් බැස ගනු ඇතැයි යාඕ වෙන් මහතා පැවසීය.

බංග්ලාදේශ සමාජ සුබසාධන ඇමතිනි ඩිප්·මොනි මහත්මිය එක් තීරයක් එක් මාවතක් වැඩපිළිවෙල ඉහළින් අගය කළාය. 2023 වසර, බංග්ලාදේශය හා චීනය අතර එක් තීරයක් එක් මාවතක් වැඩපිළිවෙලේ සහයෝගිතා සරු ප්‍රතිඵල ලබා ගත් වසරක් බව ඇය පවසුවාය. මහ පරිමාණ යටිතල පහසුකම් 14ක ඉදිකිරීම සම්පූර්ණ කිරීම හෝ ක්‍රියාත්මක කෙරෙමින් පවතී. එමෙන්ම දෙරටේ සංස්කෘතික හුවමාරු යහපත් ලෙස වර්ධනය වෙමින් අන්‍යෝන්‍ය වර්ධනය ප්‍රවර්ධනය කර තිබෙන බව ද ඇය කීවාය.

චීනය හා බංග්ලාදේශය දිගුකාලීනව යහපත් අසල්වැසින් හා මිතුරන්ය. බංග්ලාදේශය, චීනය සමග එක් තීරයක් එක් මාවතක් වැඩපිළිවෙලේ සහයෝගිතා අවබෝධතා ගිවිසුම් අත්සන් කළ ප්‍රථම රටකි. මේ වනවිට චීන සමාගම් 670කට වැඩි ප්‍රමාණයක් බංග්ලාදේශයේ ව්‍යාපාර සිදු කරමින් එරට තුළ රැකියා ලක්ෂ 5.5ක් බිහිකර තිබේ. නිරිත දිග චීනයේ පිහිටි යුන්නාන් පළාත, දකුණු ආසියාව හා අග්නිදිග ආසියාව වෙත චීනය විවෘත වන පෙරමුණ හා එක් තීරයක් එක් මාවතක් වැඩපිළිවෙලේ වැදගත් ස්ථානයකි. යුන්නාන් පළාත හා බංග්ලාදේශය ආර්ථික හා වෙළඳ, අධ්‍යාපන, මානව සංස්කෘතික ඇතුළු බොහෝ ක්ෂේත්‍රවල සමීප සහයෝගිතා පවත්වමින් සිටී.

වර්තමානයේ යුන්නාන් පළාත චීන ලක්ෂනයන්ගෙන් යුතු නවීකරණයේ යුන්නාන් පළාත් පරිච්ඡේදය නිර්මාණය කිරීමට උත්සාහ දරන අතර රන්වන් බංග්ලාදේශ සිහිනය වෙනුවෙන් බංග්ලාදේශය උත්සාහ දරමින් සිටින බව චීන කොමියුනිස්ට් පක්ෂයේ යුන්නාන් පළාත් කමිටුවේ ප්‍රචාරක දෙපාර්තමේන්තුවේ උප ප්‍රධානී හා පළාත් ර‍‍ජයේ සංස්කෘතික හා ආචාර ධර්ම පිළිබඳ කාර්යාලයේ අධ්‍යක්ෂ පෙන්ග් බින් මහතා එහිදී ප්‍රකාශ කළේය. එළඹෙන චීන සාම්ප්‍රදායික දින දර්ශනයට අනුව මකරාගේ වසර තුළ සාම්ප්‍රදායික මිතුදම ශක්තිමත් කිරීම හා අන්‍යෝන්‍ය වාසි සහයෝගිතා ගැඹුරු කිරීම මගින් දෙපාර්ශ්වය අත්වැල් බැඳ ගෙන අනාගතය වෙත ගමන් කරමින් සිහිනය සාක්ෂාත් කිරීමට පෙන්ග් බින් මහතා අපේක්ෂා පළ කළේය.

ඉන් පසු සතුටු සුබ නව වසර නම් ආරම්භක නැටුමත් සමග චීන බංග්ලාදේශ කලාකරුවන් ඒකාබද්ධව රඟ දැක්වූ ප්‍රසංගය ආරම්භ විය. චීනයේ දිව්‍ය කුරුළු නර්තනය නමින් නම්‍යශීලී හනි ජාතික නැටුම, උරහිස මත රැගෙන බැලේ නර්තනය නම් විශිෂ්ට චීන කරණම්, රන්වන් මොනරා නමැති ඩායි ජාතික නැටුම, චීන සම්ප්‍රදායික වාද්‍ය භාණ්ඩ සමග ගැයෙන වසන්තයේ ගීත කාව්‍යය නමින් උද්යෝගිමත් තූර්ය භාණ්ඩ වාදනය, Hi!Bangladesh නම් අපූරු මායාව හා Dhamail නමින් ආකර්ෂණීය බංග්ලාදේශ නැටුම ඇතුළු විවිධ නර්තානංග ප්‍රේක්ෂකයන්ගේ නොමද ඔල්වරසන් හඬට පාත්‍රවිය.

යුන්නාන් පළාතේ ජාතික විශේෂත්වයෙන් යුතු බෙර කරකැවීම නමැති ඉතා අසීරු කරණම් මගින් ප්‍රසංගය උච්චතම අවස්ථාවට එළඹින. මීටරයක් දිගැති අලි පාදය වැනි බෙර ඩායි ජාතික ශිල්පිණියගේ දෙපා මත සැහැල්ලු සමනල‍යෙකු සේ පෙර‍ළී ගියේය. ප්‍රාසාංගික ශිලපීන් හා බෙර මගින් නිර්මාණය කර ඇති අපූරු කුළුණ ප්‍රේක්ෂකයන්ගේ අඛණ්ඩ අත්පොළසන් හඬ දිනා ගත්තේය.
 
දක්ෂ කරණම් රඟ දැක්වීම සුන්දරත්වය හා අනුකූලතාවට අනුව සාමුහීක සහයෝගිතාවයේ අලංකාරය සහ බලය ඉන් පෙන්නුම් කෙ‍රෙන බව ප්‍රසංගයේ අධ්‍යක්ෂ යුන්නන් ප්‍රසංග කලා සමාගමේ කලා අධ්‍යක්ෂ චියන් ෂුවෙතාඕ මහතා පැවසීය. එම රඟ දැක්වීම, චීනය හා බංග්ලාදේශය අතර මිතුදම හා සහයෝගයට සමාන බව ඔහු කීය.

බංග්ලාදේශයේ සයිල්හෙට් සොෆිර් උද්ධින් මධ්‍ය විද්‍යාලයේ සිසු සිසුවියෝ ද ප්‍රසංගය අලංකාර කිරීමට එක්වූහ. මීට පෙර බංග්ලාදේශයේ චීන තානාපති කාර්යාලය එම මධ්‍ය විද්‍යාලයට බුද්ධිමත් පන්ති කාමරයක් පරිත්‍යාග කර තිබේ.

සංස්කෘතික හුවමාරු, භූමි සීමා ඉක්මවා ආත්මය ස්පර්ශ කරන්නක් බව චීන තානාපති යාඕ වෙන් මහතා පැවසීය. සිසු සිසුවියන් ගේ රංගනයන්ට ආරාධානා කිරීම බංග්ලාදේශයේ විශේෂ සංස්කෘතිය පැතිරවීම දිරිමත් කිරීම හා දෙරටේ සංස්කෘතිය පිළිබඳ ජනතාවගේ අන්‍යෝන්‍ය අවබෝධ ගැඹුරු කිරීම අරමුණින් බව යාඕ වෙන් මහතා ප්‍රකාශ කළේය.

චීන බංග්ලාදේශ ගායකයන් ඒකාබද්ධව චීන බංග්ලාදේශ මිත්‍රත්වයේ ගීතය ගායනා කිරීමත් සමග මෙවර ප්‍රසංගය නිමාවට පත්විය. බංග්ලාදේශයේ උතුරු දකුණු විශ්වවිද්‍යාලයේ සිසුවෙකු වන සයිකාට් ඉස්ලාම් පැවසුවේ මෙම ගීතයෙන් සියල්ලන් තුළ උණුසුම් හැඟීම් උද්දීපනය කරන බවයි.



අදහස් (0)

“වසන්තයේ හඬ·ස්වර්ණමය සිහිනය” නමින් යුන්නන් අන්තර්ජාතික වසන්ත උත්සව ප්‍රසංගය බංග්ලාදේශයේ

ඔබේ අදහස් එවන්න

You may also like

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ
2024 අප්‍රේල් මස 09 773 0

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness


ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers
2024 මාර්තු මස 14 2320 1

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම


හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ
2024 පෙබරවාරි මස 19 1987 5

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්


නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි
2024 පෙබරවාරි මස 13 927 0

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල


හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි
2024 පෙබරවාරි මස 12 511 1

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්


“වසන්තයේ හඬ·ස්වර්ණමය සිහිනය” නමින් යුන්නන් අන්තර්ජාතික වසන්ත උත්සව ප්‍රසංගය බංග්ලාදේශයේ
2024 ජනවාරි මස 21 586 0

2024 වසරේ “වසන්තයේ හඬ•ස්වර්ණමය සිහිනය” නමැති අන්තර් ජාතික වසන්ත උත්සව කලා ප්‍රසංගයට එක් වන ප්‍රාසාංගික කණ්ඩායම පසුගිය 17වනදා ඩකා නගරයේ බංග්ලාදේශ කලා ඇකඩ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 773 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2320 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1987 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site