ඇමෙරිකාව සහ ඊශ්රායලයේ දැඩි විරෝධය මැද, ඉරානය හෝමූස් සමුද්ර සන්ධියේ දින 10 ක් තිස්සේ පැවැත්වූ නාවික යුද අභ්යාසය ඊයේ (2) නිමාවට පත්විය. යුද අභ්යාසයේ අවසන් දිනයේ දී කිලෝ මීටර් 200 ක් ඈතට විදිය හැකි ‘කාඬේර්’ සහ ‘නූර්’ නමැති මිසයිල දෙකක් අත්හදා බැලූ බවත් එම මිසයිල අත්හදා බැලීම් ඉතා සාර්ථක වූ බවත් ඉරාන නාවික හමුදාව පවසයි. ඉරාන නාවික හමුදාව ‘වෙලායෙට් ඊ 90’ යනුවෙන් නම් කළ එම නාවික අභ්යාසය ඇරැඹුවේ ඉකුත් 24 වැනිදාය. මැද පෙරදිග තෙල් ප්රවාහන කටයුතු බහුලව සිදු වන්නේ හෝමූස් සමුද්ර සන්ධිය හරහාය. පරමාණු බෝම්බ නිපදවනවා යැයි බොරු චෝදනා එල්ල කරමින් ඇමෙරිකාව ප්රමුඛ බටහිර රටවල් එක් වී තමන්ට එරෙහිව යෙදූ සම්බාධක වහා ඉවත් කර නොගතහොත් හෝමූස් සමුද්ර සන්ධිය වසා දමා ජාත්යන්තර තෙල් ප්රවාහන කටයුතුවලට බාධා කිරීමට පවා තමන්ට හැකියාව ඇතැයි නාවික යුද අභ්යාසය ඔස්සේ ඉරානය ලොවට අනතුරු ඇඟවීමක් ද කළේය. ඇමෙරිකාව, බි්රතාන්යය සහ ඊශ්රායලය එක් වී ඉරානයට චෝදනා කරන්නේ ඉරානය න්යෂ්ටික වැඩ සටහනට මුවා වී පරමාණු බෝම්බ නිපදවන බවය. ඉරානයට එරෙහිව තව තවත් සම්බාධක පැනවීමට ඇමෙරිකාව ප්රමුඛ බටහිර රටවල් පියවර ගෙන ඇත්තේ එහෙයින්ය. යුද අභ්යාසය පැවැත්වෙද්දී ඇමෙරිකා නාවික හමුදාව, මැද පෙරදිග මුහුදු සීමාවේ කි්රයාත්මක ඔවුන්ගේ හමුදාවේ පස්වැනි බල ඇණිය සහ යුද නැව් පහක් ද හෝමූස් සමුද්ර සන්ධියට නුදුරින් සීරුවෙන් තැබීය. තමන් පවත්වන නාවික යුද අභ්යාසයට ඇඟිලි ගැසීමට ඇමෙරිකාවට කිසිදු අයිතියක් නැතැයි ඉරානය එම අවස්ථාවේදී ඇමෙරිකාවට දොස් පැවැරීය.
ඉරාන ජනාධිපති ඊබ්රහිම් රයිසි සහ ඉරාන විදේශ අමාත්ය හොසේන් අමීර්අබ්දුල්රහීන් ගමන් කළ හෙලිකොප්ටර් යානය අනතුරට පත් විය. යානයේ දෝෂයක් හට ගත් බැවින් එය හ
සෞදියේ සල්මාන් රජු අසනීප තත්ත්වයකින් පසුවෙයි. රජුට ප්රතිකාර කරන වෛද්යවරුන් පවසන්නේ, රජු දැඩි උණ රෝගී තත්ත්වයකින් පසුවන බවත්, හන්දි වේදනා සහ මස්පිඩ්
ඊශ්රායලය, ගාසා තීරයේ හමාස් සටන්කාමීන්ට එරෙහි ප්රහාර ආරම්භ කළ අවස්ථාවේ යුද කැබිනට් මණ්ඩලයක් පිහිටුවීය. යුද්ධය සම්බන්ධයෙන් සියලු තීන්දු තීරණ ගන්නේ ම
වියට්නාමයේ පුරප්පාඩුව පැවැති ජනපති ධුරයට, එරට ආරක්ෂක ලේකම් 66 හැවිරිදි ටෝ ලාම් නම් කිරීමට, එරට කොමියුනිස්ට් පක්ෂ පාලක මණ්ඩලය පියවර ගෙන තිබේ.
ඉන්දියාවත් රුසියාවත් අතරේ සංචාරය කරන සංචාරකයන්ට වීසා රහිතව ඔවුන්ගේ ගමන් බිමන් සිදු කර ගැනීමට අවශ්ය පසුබිමක් සකස් කර දීමට දෙරට අතරේ එකඟත්වයක් ඇතිකරග
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හෝමූස් සමුද්ර සන්ධියේ ඉරාන යුද අභ්යාසය අවසන්