පාකිස්තානයේ හිටපු ජනාධිපති පර්වේස් මුෂාරෆ් යළි සිය රට පැමිණෙන බව පෙරේදා (8) නිවේදනය කිරීමත් සමඟ පාකිස්තාන රජය ප්රකාශ කළේ මුෂාරෆ් යළිත් පැමිණියහොත් බෙනාසීර් බූතෝ ඝාතනයට වරදකරුවකු ලෙස ඔහු වහා අත්අඩංගුවට ගන්නා බවය. හිටපු පාකිස්තාන අගමැතිනියක වූ බෙනාසීර් බූතෝ ඝාතනයට මුෂාරෆ් සම්බන්ධ බවත් පාකිස්තානයට පය තැබූ විගස මුෂාරෆ් අත්අඩංගුවට ගැනීමට සියලූම නීති කටයුතු සම්පාදනය කර ඇති බවත් පාකිස්තාන රජයේ නීතීඥ අලී පවසයි. මුෂාරෆ් ප්රකාශකර ඇත්තේ ඔහු එලැඹෙන 27-30 තෙක් කාලයේදී පාකිස්තානයට පැමිණීමට නියමිත බවය. පාකිස්තානයේ දී අත්අඩංගුවට පත්වීම වැළැක්වීමට මුෂාරෆ් ජාත්යන්තරයේ සහාය ඉල්ලා ඇතැයි ද වාර්තා වේ. මුෂාරෆ් කිසිදු ලේ වැගිරීමක් නොකොට හමුදා කුමන්ත්රණයකින් පාකිස්තානයේ හමුදාපතිවරයා ලෙස බලයට පත්වූයේ 1999 වසරේදීය. 2007 වසරේදී බෙනාසීර් බූතෝ රාවුල්පිණ්ඩි නුවර මැතිවරණ රැුලියකට සහභාගීවී සිටියදී මරාගෙන මැරෙන බෝම්බකරුවකුට බිලිවෙද්දී ජනපති ධුරය හෙබවූයේ මුෂාරෆ්ය. ඉන්පසු පැවැති මැතිවරණයෙන් මුෂාරෆ්ට ජනපති ධුරය අහිමි විය. ඔහු පාකිස්තානයෙන් පිටුවහල් වී ඩුබායි සහ ලන්ඩන් නුවර පදිංචියට ගියේය. ජීවිත අනතුරක් තිබියදී මුෂාරෆ්ගේ රජය බෙනාසීර් බූතෝට නිසි ආරක්ෂාවක් ලබා නොදුන් බවත් බූතෝ ඝාතනයට මුෂාරෆ් සෘජුව සම්බන්ධ බවත් චෝදනා එල්ල වී තිබේ. වත්මන් පාකිස්තාන රජය මුෂාරෆ් අත්අඩංගුවට ගැනීමට සැරසෙන්නේ ද එම චෝදනා හේතුවෙනි. එම චෝදනා ප්රතික්ෂේප කරන මුෂාරෆ් පවසන්නේ බූතෝ ඝාතනය සිදු කළේ පාකිස්තාන තලේබාන් සටන්කාමීන් බවය. යළිත් පාකිස්තාන දේශපාලන කරළියට පිවිසීමට බලාපොරොත්තුවන මුෂාරෆ්, ‘සියලූම පාකිස්තාන වැසියන්ගේ මුස්ලිම් ලීගය’ යනුවෙන් නව දේශපාලන පක්ෂයක් ද පිහිටුවා ඇත. පාකිස්තානයේ මහ මැතිවරණය පැවැත්වීමට නියමිතව ඇත්තේ 2013 වසරේදීය. මුෂාරෆ් යළි පාකිස්තානයට පැමිණෙන්නේ ඊට සූදානම් වීමටය.
ඉරාන ජනාධිපති ඊබ්රහිම් රයිසි සහ ඉරාන විදේශ අමාත්ය හොසේන් අමීර්අබ්දුල්රහීන් ගමන් කළ හෙලිකොප්ටර් යානය අනතුරට පත් විය. යානයේ දෝෂයක් හට ගත් බැවින් එය හ
සෞදියේ සල්මාන් රජු අසනීප තත්ත්වයකින් පසුවෙයි. රජුට ප්රතිකාර කරන වෛද්යවරුන් පවසන්නේ, රජු දැඩි උණ රෝගී තත්ත්වයකින් පසුවන බවත්, හන්දි වේදනා සහ මස්පිඩ්
ඊශ්රායලය, ගාසා තීරයේ හමාස් සටන්කාමීන්ට එරෙහි ප්රහාර ආරම්භ කළ අවස්ථාවේ යුද කැබිනට් මණ්ඩලයක් පිහිටුවීය. යුද්ධය සම්බන්ධයෙන් සියලු තීන්දු තීරණ ගන්නේ ම
වියට්නාමයේ පුරප්පාඩුව පැවැති ජනපති ධුරයට, එරට ආරක්ෂක ලේකම් 66 හැවිරිදි ටෝ ලාම් නම් කිරීමට, එරට කොමියුනිස්ට් පක්ෂ පාලක මණ්ඩලය පියවර ගෙන තිබේ.
ඉන්දියාවත් රුසියාවත් අතරේ සංචාරය කරන සංචාරකයන්ට වීසා රහිතව ඔවුන්ගේ ගමන් බිමන් සිදු කර ගැනීමට අවශ්ය පසුබිමක් සකස් කර දීමට දෙරට අතරේ එකඟත්වයක් ඇතිකරග
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හිටපු ජනපති මුෂාරෆ් සියරට එන්න සූදානම්