ලොව ප‍්‍රථම සුදු ‘ලිගර්ස්’ (සිංහ-කොටි පැටවුන් 4 දෙනා ඇමරිකාවේ දකුණු කැරොලිනා ප‍්‍රාන්තයේ මටල් බීච් සෆාරියේ බිහි විය. ඉතා දුර්ලභ අපි‍්‍රකාවේ අයිවරි නම් සුදු සිංහයාට දාව බෙන්ගාලි, සරස්වති නම් සුදු කොටි දේනුවක විසින් බිහි කරන ලද මෙම පැටවුන් සිව් දෙනාම පිරිමි සතුන් වෙති.

යෙටී, ඔඩ්ලින්, සැම්ප්සන් සහ ‘ඇපලෝ‘ නමින් නම් කර ඇති පැටවුන් සිව් දෙනා ඉතා යහපත් සෞඛ්‍ය තත්ත්වයකින් පසු වන බව පැවසේ. එසේම පැටවුන් සිව් දෙන කොටින්ට ආවේනික පුරුදු ඇති අතර සිංහයන් මෙන් සමාජශීලී බව පැවසේ.

ලොව ලොකුම කෙටියා ලෙස ගිනස් වාර්තා තැබූ හර්කියුලිස් නැමැති සුදු කොටියා මේ ‘ලිගර්ස්’ පැටවුන්ගේ මාමා වෙයි. මේ පැටවුන් 4 දෙනාගෙන් යෙටී නැමැති පැටවා එම ගිනස් වාර්තාව නැවත පිහිටුවන බව සත්තු වත්තේ  අධ්‍යක්ෂක බගවන් ඇන්ටල් මහතා විශ්වාස කරන බව පැවසේ.

ලෝකයේම සුදු සිංහයන් 300 ක් සහ සුදු කොටින් 1200 ක් පමණ වෙසෙති. එමෙන්ම 1000ක් පමණ ‘ලිගර්ස්’ (සිංහ-කොටි) සිටියත් ඒ එකෙකුවත් සුදු එවුන් නොවේ.