දුම්රියක් යට සිරවී සිටි කාන්තාවක බේරා ගැනීමට ජපාන දුම්රිය මගීහු පිරිසක් පසුගියදා සමත් වූහ.

ශබ්ද විකාශනයෙන් ඒවා පැවසුණු විට වහා දුම්රියෙන් එළියට බට මගීහු එක්ව දුම්රිය පසුපසට තල්ලූ කර එහි වූ රෝදයකට සිරව සිටි කාන්තාව බේරා ගත්හ.

සිදුවීමෙන් ලත් කම්පනය විනා ඇයට කිසිදු ශාරීරික හානියක් සිදුව නොතිබුණි.

කාන්තාව වහා රෝහලක් කරා ගෙන යනු ලැබුවාය. ඇය දුම්රියට පනින්නට ඇතැයිද පිම්ම වැරදී රෝදයේ සිරවන්නට ඇතැයිද සැකකෙරේ.

මෙම අවස්ථාවේදී ඡායාරූප ගැනීමට,වීඩියෝ පටිගත කිරීමට නොනැවතී එම කාන්තාව බේරා ගැනීමට සියල්ලෝම එකාවන්  ඉදිරිපත් වීම සම්බන්ධයෙන් මාධ්‍ය ඔවුන් පැසසීය.