මධ්‍යස්ථමතධාරී ප්‍රංශ ජනාධිපති ඉමැනුවෙල් මැක්රොන්ට යළිත් ජනවරමක් හිමිවිය. ඒ, ප්‍රංශ ජනාධිපතිවරණයේ දෙවැනි වටයේ දී ප්‍රතිවාදී අපේක්ෂිකා මරීන් ල පෙන් පරාජය කරමිණි.

ජනාධිපතිවරණයේ ප්‍රතිඵල නිකුත් වී අවසන් වෙද්දී 44 හැවිරිදි මැක්රොන් සියයට 58 කට වැඩි ඡන්ද ප්‍රතිශතයක් හිමි කරගෙන තිබුණු අතර, අන්ත දක්ෂිණාංශික ජාතිකවාදී අපේක්ෂිකා 53 හැවිරිදි අපේක්ෂිකා මරීන් ල පෙන් ට දිනා ගැනීමට හැකිවූයේ සියයට 42 ක ඡන්ද ප්‍රතිශතයක් පමණි.

ඒ අනුව, දශක දෙකකට පසු, පිටපිට ජනාධිපතිවරණ දෙකක් ජයග්‍රහණය කළ පළමු ප්‍රංශ ජනාධිපති ලෙස මැක්රොන් සැලකෙයි.

මැක්රොන්ගේ ජයග්‍රහණය තහවුරු වූ සැණින්, ල පෙන් මැක්රොන්ට සුබ පතමින් කියා සිටියේ එය ඉතා විශිෂ්ට ජයක් බවය. ‘ඒක ඇත්තමට විශිෂ්ට ජයග්‍රහණයක්. ජනමතයට මා හිස නමනවා. මැක්රොන්ට මා සුබ පතනවා’ යැයි ල පෙන් පැවැසුවාය.

(රොයිටර්)