කාලය අවියක් ලෙස යොදාගෙන දරුණු ගණයේ අපරාධකරුවන්ට දඩුවම් දීමේ ක‍්‍රමවේදයක් සම්බන්ධයෙන් බි‍්‍රතාන්‍යයේ ඔක්ස්ෆර්ඞ් විශ්වවිද්‍යාලයේ පර්යේෂකයෝ පිරිසක් පර්යේෂණ පවත්වමින් සිටිති.

මිනී මැරම්,ළමා දුෂණ ආදීයට වැරදි කරුවන් වන අපරාධකරුවන්ට බොහෝ අවස්ථාවන්හිදී නියම වන්නේ වසර 30 ක,හෝ බරපතලම අවස්ථාවකදී ජීවිතාන්තය දක්වා සිරදඩුවම් බව කියන පර්යේෂකයෝ ඔවුන් කර ඇති අපරාධ දෙස බැලීමේදී ඒවා කිසිසේත් ප‍්‍රමාණවත් නොවන බව පවසති.

සිර දඩුවම් ලැබූවන්ට ආහාර,ව්‍යායාම,විනෝදාස්වාදය නොමිලයේම සැපයෙන බවත් ඔවුන් අතින් විනාශයට ලක්වූ පුද්ගලයින් මියගොස් හෝ ජීවිතයේ ගැටුම් වලට හසුවෙමින් ජීවත් වෙමින් සිටියදී ඔවුන් මෙසේ ‘‘නිවාඩුවක්‘‘ ගත කරමින් සිටීම අසාධාරණ යැයි පර්යේෂක පිරිසේ අදහසයි.

මෙනිසා වසර ගණනකට හෝ විශේෂයෙන් ජීවිතාන්තය දක්වා සිරදඩුවම් ලැබූවන්ට කාලය සෙමෙන් ගතවන්නේයැයි දැනවීමට ඔවුහු තම පර්යේෂණයන් මගින් උත්සාහ කරමින් සිටී.මෙය සරලව කියතොත් ඔවුන් සැරසෙන්නේ එවන් සිරකරුවන්ගේ වයසට යෑමේ වේගය අඩු කිරීමටයි.

මෙවිට ජීවිතාන්තය දක්වා සිරදඩුවම් ලැබූවෙකුට සිර දඩුවම් විදිමින් වසර 1000 ක් පමණ සිරගතවී සිටීමට සිදුවනු ඇතැයි ඔවුහු කියති.

කාලය ගෙවීම සම්බන්ධයෙන් මිනිස් මනස ව්‍යාකූල කරවීමේ සමත් ක‍්‍රම හා විවිධ ඖෂධ අපරාධ පර්යේෂණ ක්ෂේත‍්‍රයේ දැනටමත් භාවිතා වෙමින් පවතී.මෙම පර්යේෂකයින්ගේ අරමුණ ඒවා තවත් වැඩිදියුණු කිරීමයි.

මිනිස් ආයුකාලය දික් කිරීමට නිපදවෙන ඖෂධ මිනිසාට දඩුවම් දීමටද යොදාගත හැකි බව ඔවුහු පෙන්වා දෙති.

මානුෂීය සම්පන්න නොවන බව කියමින් පර්යේෂකයින්ව විවේචනය කිරීමට බොහෝ දෙනා කටයුතු කර තිබෙන අතර ඇතැමුන් මෙම පර්යේෂණ සම්බන්ධයෙන් යහපත් ආකල්පයක් දක්වා තිබෙන්නේ අපරාධකරුවන් මාර්ගයෙන් හෝ ජීවිතයට දිගුවක් ලබා ගත හැකි ක‍්‍රමවේදයක් සොයාගැනීමට හැකි වනු ඇතැයි පවසමිනි.