මේ සමග දැක්වෙන අපූර්ව පින්තූර පෙලින් නැගෙනහිර බුරුමයේ රාෆ් කාන්තාවන් ගැන පෙන්නුම් කරයි.

මෙම කායා ජනපදික කාන්තාවන් තම ගෙල දික්ව පිහිටා ඇති බව පෙන්වීමට ගෙලවටා පිත්තල වළලු පැලඳිම පුරුද්දක් කරගෙන තිබේ. දික්වු ගෙලක් පිහිටීම කයාන් සංස්කෘතියට අනුව අලංකාරවත් බව පෙන්නුම් කෙරේ.

මෙම වළලු මගින් ගෙල දික්වු ස්වරෑපයක් පෙන්විමේ ඇත්ත තත්වය නම් මෙම වළලුවල බර හේතුවෙන් ග්‍රීවාස්ථියේ මස්පිඩු පර්ශුව දක්වා තෙරපීමයි. මෙහිදී සිදුවන්නේ මෙම කාන්තාවන්ගේ ගෙල තියෙන ප්‍රමාණයට වඩා දික්ව පෙනීමයි. මෙම කාන්තාවන් වයස අවුරුදු 5 සිට දිග පිත්තල කැබැල්ලක් තමගෙල වටා දඟරාකාරයට ඔතාගනී.

 මෙම ලෝහ ගෙලවටා ඔතා ගැනීම අතින් කරණු ලබන අතර පිත්තල ලෝහය දෘඩ බවින් යුක්ත වීම හේතුවෙන් මේ ක්‍රියාවලිය සඳහා පැය කීපයක් ගතවේ.

සම්පූර්ණ ගෙලවටා යොදනු ලබන වළලු වල බර කිලෝ ග්රෑම් 10 කට වැඩිය. කාන්තාවන් සුළු ප්‍රමාණයක් සම්පූර්ණ වළලු ප්‍රමාණයම පලඳනු ලබයි.

බොහෝ කාන්තාවන් ක්‍රමක්‍රමයෙන් මෙම දඟර වළලු ප්‍රමාණය වැඩිකරණු ලබන අතර එමගින් තම ගෙලේ ශක්තිමත් බව හා දිගප්‍රමාණය දෘෂ්‍යමාන වේයැයි ඔවුන්ගේ විශ්වාසයයි.

මෙම වළලු පැලඳීමෙන් ඔවුන්ගේ චලනයන්ට යම් යම් බාධා ඇති කරයි. එමෙන්ම මෙම දඟරයන් එතීම සහ ගැලවීමේ ක්‍රියාවලියට වැඩි කාලයක් ගත වන හෙයින් ඔවුන් දඟර ගලවන්නේ කලාතුරකිනි. සාමාන්‍යයෙන් ගලවන්නේ අළුතින් දීර්ඝ දඟරයක් එතීමට අවශ්‍ය වු විට පමණකි.

මෙම කාන්තාවන් වඩා මෙම දඟරයන් ඉවත්කිරීමට කැමැත්තක් නොදක්වයි. ඉවත්කිරීමේ දී විදින්නට සිදුවන අපහසුතා එයට හේතුවක් වී ඇත. ඔවුන් මේ පිත්තල වළලු බුරුසු යොදා මැද එහි වර්ණය සකසා ගනී. බොහෝ කාලයක් මෙම වළලු පැලඳවු කාන්තාවන් පවසන්නේ මේවා තම ශරීරයේ කොටසක් බවට ඒත්තු ගොස් ඇති බවත් ඒවා නැතිවිට නිර්වස්ත්‍රව සිටින සේයාවක් සේ දැනෙන බවත්ය.

මෙම පිත්තල වළලු ගෙලවටා ඔතාගැනීමේ ක්‍රියාව සාම්ප්‍රදායක් වුයේ ඇයිද යන්න පැහැදිලි නැතත් මෙයට හේතුව කොටින්ගේ සපාකෑම් වලින් බේරීම හෝ ජනප්‍රවාදයේ එන මකරාවේශයක් සේ පෙන්වීම හෝ බව සමාජ විද්‍යාඥයන්ගේ මතයයි.  

අනෙක් ජනකොටස් විශ්වාස කරන්නේ කාන්තාවන් මෙලෙස වළලු ගෙලේ පැලදීම මගින් අනෙක් ගෝත්‍රිකයන් මෙන් ප්‍රිය මනාප නොවන බැවින් වහල් සේවය සඳහා මොවුන් ගෙන යන්නේ නැති බවයි.

වළලු ගෙල පැළඳි මොවුන් පවසන්නේ තම සංස්කෘතික අනන්‍යතාව සුරැකීමට මේ වළලු ගෙලේ පලඳින බවයි.

වළලු පැළඳීමේ මේ අපූරු චාරිත්‍රය පවත්වාගෙන යන ගෝත්‍රික කාන්තාවන්ද දැකීමට විදේශීකයන් ඉතා ප්‍රියකරන බැවින් ඔවුන්ට දැන් එය විශාල ආදායම් මාර්ගයක් වී ඇත.