ඝාතනය කෙරුණු ලිබියාවේ හිටපු නායක කර්නල් මුවම්මාර් ගඩාෆිගේ හිතවාදීහු පිරිසක් පෙරේදා (23) එරට පාලනය අතට ගෙන සිටින ආයුධ සන්නද්ධ කැරැලිකරුවන්ට පහර දී බානී වාලීඞ් නගරය අත්පත් කර ගත්හ. ලිබියා නායක කර්නල් මුවම්මාර් ගඩාෆිගේ පාලනය අවසන් කිරීමෙන් පසු ලිබියාවේ පාලනය අතට ගෙන සිටින්නේ ජාතික අන්තර්වාර පාලක මණ්ඩලයයි. ගඩාෆි හිතවාදීන් බානී වාලීඞ් නගරයට කඩා වැදී පහර දුන්නේ අන්තර්වාර පාලක මණ්ඩලයට සම්බන්ධ කැරැලිකරුවන්ටය. ගඩාෆි හිතවාදීන් සහ එම කැරැලිකරුවන් අතර ගැටුම පැය ගණනක් තිස්සේ පැවැතුණු අතර එම ගැටුවේදී කැරැලිකරුවෝ හත් දෙනෙක් මිය ගියහ. ගැටුම්වලින් තවත් 20 දෙනෙක් තුවාල ලැබූහ. ගඩාෆි හිතවාදීන් බානී වාලිඞ් නගරයට පහර දී ඇත්තේ බර අවි සහ යුද ටැංකි නාශක අවි යොදා ගනිමින් යැයි කැරැලිකාර පාර්ශ්වය පවසයි. ඔවුන් පැමිණ ඇත්තේ කොළ පැහැකි ධජ අතැතිවය. එය ගඩාෆි පරිපාලනයේ සංඛේතයයි. බානී වාලිඞ් නගරය පිහිටා ඇත්තේ ලිබියාවේ ටි්රපොලි අගනුවර සිට කිලෝ මීටර් 200 ක් පමණ දුරිනි. ”බානී වාලීඞ් නගරයේ පාලනය මේ වනවිට ඇත්තේ ගඩාෆි හිතවාදීන් අතේ. ඔවුන්ගෙන් නගරය මුදා ගැනීමේ මෙහෙයුම් මේ වනවිට ආරම්භ කර තිබෙනවා. ලිබියා නව පාලනයට හිතවත් කැරැලිකාර කණ්ඩායම් කිහිපයක් ඔවුන් සමඟ සටනට යොදවා තිබෙනවා. ගුවන් ප්රහාර ද එල්ල කිරීමට සූදානම් වෙනවා” යැයි ජාතික පාලක මණ්ඩලය පවසයි. ගඩාෆිගේ පාලනය පෙරළා දැමීමට ආයුධ අතට ගෙන සටන් වැදුණු කැරැලිකාර පාර්ශ්වයේ ‘දේශපාලන හඬ’ වූයේ ලිබියා ජාතික අන්තර්වාර පාලක මණ්ඩාලයයි. බානී වාලීඞ් නගරය ගඩාෆි හිතවාදීන් අතට පත්වීම අන්තර්වාර පාලක මණ්ඩලයට හිසරදයක් වී ඇත. ලිබියාවේ ප්රජාතන්ත්රවාදය ස්ථාපිත කිරීමේ අරමුණින් මේ වසරේ මහ මැතිවරණයක් පැවැත්වීමට ලිබියා ජාතික අන්තර්වාර පාලක මණ්ඩලය සැරසෙයි. එහෙත් ලිබියා වැසියන් චෝදනා කරන්නේ පාලක මණ්ඩලය තමන්ට වාසි වන අයුරින් එම මැතිවරණ පැවැත්වීමට සැරසෙන බවය. කෝපයට පත් ලිබියා විරෝධතාකරුවෝ පසුගියදා බෙන්ගාසී නුවර පිහිටි ලිබියා ජාතික අන්තර්වාර පාලක මණ්ඩල මූලස්ථාවයට කඩා වැදී එහි සභාපති අබ්දුල් ජලීල් වටකරගෙන ඔහුට බල කර සිටියේ වහාම ජාතික අන්තර්වාර පාලක මණ්ඩලයේ සභාපති ධුරයෙන් ඉවත් වන ලෙසය.
ඉරාන ජනාධිපති ඊබ්රහිම් රයිසි සහ ඉරාන විදේශ අමාත්ය හොසේන් අමීර්අබ්දුල්රහීන් ගමන් කළ හෙලිකොප්ටර් යානය අනතුරට පත් විය. යානයේ දෝෂයක් හට ගත් බැවින් එය හ
සෞදියේ සල්මාන් රජු අසනීප තත්ත්වයකින් පසුවෙයි. රජුට ප්රතිකාර කරන වෛද්යවරුන් පවසන්නේ, රජු දැඩි උණ රෝගී තත්ත්වයකින් පසුවන බවත්, හන්දි වේදනා සහ මස්පිඩ්
ඊශ්රායලය, ගාසා තීරයේ හමාස් සටන්කාමීන්ට එරෙහි ප්රහාර ආරම්භ කළ අවස්ථාවේ යුද කැබිනට් මණ්ඩලයක් පිහිටුවීය. යුද්ධය සම්බන්ධයෙන් සියලු තීන්දු තීරණ ගන්නේ ම
වියට්නාමයේ පුරප්පාඩුව පැවැති ජනපති ධුරයට, එරට ආරක්ෂක ලේකම් 66 හැවිරිදි ටෝ ලාම් නම් කිරීමට, එරට කොමියුනිස්ට් පක්ෂ පාලක මණ්ඩලය පියවර ගෙන තිබේ.
ඉන්දියාවත් රුසියාවත් අතරේ සංචාරය කරන සංචාරකයන්ට වීසා රහිතව ඔවුන්ගේ ගමන් බිමන් සිදු කර ගැනීමට අවශ්ය පසුබිමක් සකස් කර දීමට දෙරට අතරේ එකඟත්වයක් ඇතිකරග
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගඩාෆි හිතවාදීහු පිරිසක් ලිබියා නගරයක් අල්ලා ගනිති