පොදුරාජ්‍ය මණඩලය එහි සාමාජික රටවල් වල සංවර්ධන කටයුතු උදෙසා පිහිටුවාගෙන සිටින අරමුදල වෙත ලබාදෙන ආධාර අත්හිටුවීමට කැනඩාව ගෙන ඇති තීරණය සම්බන්ධයෙන් තමන් කනගාටු වන බව පොදුරාජ්‍ය මණ්ඩලයේ ලේකම් ජනරාල් කමලේෂ් ශර්මා පසුගියදා පැවසීය.

ශී්‍රලංකාවේ සිදුවී ඇතැයි කියන මානව හිමිකම් කඩවීමේ චෝදනා මුල් කරගෙන කැනඩාව මෙම තීරණයට එළැඹ සිටී.ඉදිරි වසර 2 සදහා පොදුරාජ්‍ය මණ්ඩලයේ සභාපතීත්වය දරන්නේ ශී්‍රලංකාව වන අතර එම වසර 2 පුරාවටම පොදුරාජ්‍ය මණ්ඩලයේ රටවල සංවර්ධනය කටයුතු සදහා වන අරමුදලට ආධාර ලබාදීමෙන් කැනඩාව වැළකී සිටිනු ඇත.

කැනඩාව තම තීරණය වෙනස් කර ගැනීමට කටයුතු කරනු ඇතැයි තමන් විශ්වාස කරන බව කමලේෂ් ශර්මා කීය.

කැනඩාව ආධාර ලබානොදුන්නද අනෙක් සාමාජික රටවල් ලබාදෙන ආධාර වලින් සැළසුම් කරගෙන සිටින ව්‍යාපෘතින් කි්‍රයාවට නැංවිය හැකිවනු ඇතැයිද ඔහු පැවසීය.

සංවර්ධනය සදහා වන මෙම අරමුදල කි්‍රයාත්මක වන්නේ සාමාජික රටවල් අතර අනෙේ‍යා්න්‍ය අවබෝධය මත පිහිටා වන අතර එයට සාමාජික රටවල් ආධාර සපයන්නේ ස්වේච්ඡාවෙනි.සාමාජික රටවල සැළසුම් කරගත් සංවර්ධන කටයුතු සිදුකෙරෙන්නේ හා සංවර්ධන කටයුතු වලට අවශ්‍ය නිවැරදි තාක්ෂණික දැනුම හා සහය ලබාදෙන්නේ මේ අරමුදලේ සම්පත් උපයෝගී කරගනිමිනි.

ඒකෙසේවූවත් පොදුරාජ්‍ය මණ්ඩලයේ රටවල ළමා හිංසනය වැළැක්වීම,අඩු වයස් විවාහ,මානව හිමිකම් සුරැකීමේ ගැටලූ සම්බන්ධයෙන් වන තත්ත්වයන් මැඩපැවැත්වීමට ඩොලර් ලක්ෂ 200 ක ආධාර මුදලක් ලබාදීමට කැනඩාව සූදානමින් සිටී.