ඇමරිකා එක්සත් ජනපදයේ මුහුදු සීමාව ආසන්නයටම තම යුද නෞකා මෙහෙයවීමට ඉරානය කටයුතු කරමින් සිටින්නේයැයි වාර්තා වේ.

මෙසේ කරනුයේ යුද්ධයක් සදහා අරඇදීමක් ලෙස නොව ගල්ෆ් කලාපයේ ඇමරිකා නාවික ක්‍රියාකාරකම් පිළිබඳව තමනුත් ඇස ගසාගෙන සිටින්නේයැයි ඇමරිකාවට පෙන්වීමට බව ඉරානය කියයි.

මේ වන විටත් ඉරාන ප්‍රහාරක නෞකාවක් හා ඊට ආධාර පිණිස ආධාරක නෞකාවක් ඇමරිකා මුහුදු සීමාව කරා ගමන් කරමින් තිබේ.

බටහිර බලවතුන් හා පසුගිය වසරේ අගභාගයේදී එළැඹි ගිවිසුම අනුව ඉරානය තම න්‍යෂ්ඨික වැඩපිළිවෙළට සීමා පැනැවීමට කටයුතු කළ අතර ඊට ප්‍රතිචාර ලෙස ඉරානයට පනවා තිබූ සම්බාධක ළිහිල් කිරීමට බටහිර රටවල් කටයුතු මේ වන විට කටයුතු කර ඇත.

නමුත් බටහිර රටවල් කෙරෙහි දරන ආකල්පයේ කිසිදු වෙනසක් සිදුවී නැති බව ඉරානයේ මෙවන් ක්‍රියාකාරකම් වලින් පෙනී යන කරුණකි.

සම්බාධක ළිහිල් වීම හා බටහිර රටවල් අරබයා ඉරානයේ ඉස්ලාම් විප්ලවය සිදුවී වසර 35 ක් ගෙවුණු පසුගියදා විශේෂ කතාවක්  කළ ඉරානයේ අධ්‍යාත්මික නායක අයතුල්ලා අල් කුමේනී ඉරානය බටහිර රටවලට එරෙහිව කටයුතු කරන්නේ අන් කිසිදෙයක් නිසා නොව ඔවුන් මුළු ලොවේම කටයුතු සිදුවිය යුත්තේ ඔවුන්ට වුවමනා ලෙස යැයි සිතා සිටීම නිසා යැයි පැවසුවේය.බටහිර රටවල නායකයින් තමන් ඉරානයේ පාලන තන්ත්‍රය වෙනස් කිරීමට අදහස් නොකරන්නේයැයි පැවසුවද ඔවුන්ට අවශ්‍ය වී තිඛෙන්නේත් එයම බවත් මෙනිසා ඔවුන් මත නොයැපී රටේ ආර්ථීකය ගොඩනැගීමට දේශීයව සපයා ගත හැකි සම්පත් යොදා ගත යුතුව ඇති බවත් ඔහු කීවේය.