ඇෆ්ගනිස්තානයේ පළමු කාන්තා පොලිස් ප‍්‍රධානිය කාබුල් නුවර පොලිස් ස්ථානයේ වැඩ භාර ගත්තේය. ඇය ජමිලා බයස් (37) නැමැත්ති තෙදරු මවකි.

අවුරුදු 25 ක රාජකාරී පළපුරුද්දක් ඇති ජමිලාට හිමි වී ඇත්තේද කාබුල් නගරය වැනි ජනාකීර්ණ ප‍්‍රදේශයකි. ඒ ඇගේ තනතුර කෙසේ වෙතත් ඇගේ පළපුරුද්දෙන්ම පාලනය කිරීමට හැකි බව බලධාරීහු කීහ.

පොලිස් භටයන්ට පමණක් නොව ඇෆ්ගනිස්ථානයේ පොලිස් කාන්තාවන්ටද විවිධ අපරාධකාරී තර්ජන එල්ල වෙයි.

ඇයට මෙම තනතුර ලැබීම සම්බන්ධයෙන් ඇගේ පියා, සහෝදරයා සහ සහෝදරිය ඇයට කෙතරම් විරුද්ධවීද යත් ඇගේ සහෝදරයා තුන් වතාවක් ඇය මැරීමට තැත් කළේය. ආදර්ශවත් මවක් ලෙස දිවි ගෙවන ඇය අනෙක් කාන්තාවන්ටද තම පෞරුෂය, ජාතිකාමීත්වය පෙන්වීමට මෙම තනතුර කෙසේ හෝ භාරගත් බව සඳහන් කරන්නීය.

එසේම මෙම තනතුරින් පසුව කාන්තාවන් විශාල ප‍්‍රමාණයක් පොලිසියට එක් වේයයි ඔවුන් විශ්වාස කරති.