තම ආදරය පතා එන පුද්ගලයින් හට පොලිස් වාර්තා ගොනු වී ඇත්දැයි සොයාබැලීමේ අයිතිය බ්‍රිතාන්‍යය කාන්තාවන්ට නුදුරේදීම ලැබීමට නියමිතය.

මෙම නීතිය සම්පාදනය කිරීමට මුල්වී ඇත්තේ පසුගිය වසරේ ෆේස්බුක් පෙමක් නිසා ජීවිතයෙන් වන්දි ගෙවීමට සිදුවූ කාන්තාවක් හා සම්බන්ධ සිදුවීමකි.මරණයෙන් පසු එම කාන්තාවගේ පවුලේ හිතවතුන් ඇයගේ පෙම්වතාව සිටි පුද්ගලයාගේ යටගිය තොරතුරු හාරා අවුස්සා බැලු කළ හෙළිව තිඛෙන්නේ ඔහු මීට පෙර කාන්තාවන්ට අතවර කිරීම සම්බන්ධයෙන් නිීතිය හමුවේ දඩුවම් විද ඇත්තෙක් බවයි.

මෙම සිදුවීම මුල් කරගෙන කාන්තාවන්ට නව පෙම්වතුන් හා සබදතා ඇති කර ගැනීමට පෙර ඔවුන්ට පොලිස් වාර්තාවක් ඇත්දැයි සොයාබැලීමට අවසරය ලබා ගැනීම අරමුණින් මිය ගිය කාන්තාවගේ පියා ඇතුලූ පවුලේ හිතවතුන් සමාජය දැනුම්වත් කිරීමේ ව්‍යාපාරයක් ආරම්භ කර ඇත.

ඔවුන්ගේ ක්‍රියාකාරකම් වල ප්‍රතිඵලයක් ලෙස කාන්තාවන්ට එකී අවසරය ලබා දෙන නීතිය මේ වන විට සම්පාදනය කෙරෙමින් පවතින අතර ලබන වසරේ මාර්තු මස සිට එය ක්‍රියාවට නැංවීමට නියමිතය.