IMG-LOGO

මොළේ සැත්කම් වසර 2300ක් පැරණියි

අදින් වසර 2300 ට පෙර කාලයේ දී ද මොළයේ බරපතල සැත්කම් සිදුකැර ඇති බවට සාක්ෂි ලැබී ඇතැයි විද්‍යාඥයෝ කියති. ඔවුන් මේ බව තහවුරු කරගෙන ඇත්තේ සැත්ම් කරනලද බවට පැහැදිලි සළකුණු සහිත හිස්කබල් දෙකක් සොයා ගැනීමෙනි.

සයිබීරියාවේ අල්තායි මවුන්ටන්ස් නම් පෙදෙසින් මේ හිස්කබල් හමුවී ඇත. මේ හිස්කබල් දෙක පැසිරික් නමැති සංචාරක ගෝත්‍රිකයන්ගේ යැයි විශ්වාසයක් පවතී.

සමාන උපකරණ හා තාක්ෂණය යොදාගෙන මේ හිස්කබල් දෙකෙහි සැත්කම් කර ඇතැයි අනාවරණය වී ඇත. හිස්කබල සිදුරු කිරීමෙන් හෝ හීරීමෙන් මේ සැත්කම් සිදුකැර තිබේ. මෙය ට්‍රෙපනේෂන් ලෙස හැඳින්වෙන ඉතා අනතුරුදායක පැරණි සැත්කම් ක්‍රමයකි.

විද්‍යාඥයන් පවසන්නේ හමුවූ එක් හිස්කබලක් වයස අවුරුදු 40ත් 50ත් අතර පුද්ගලයකුගේ බවයි. එම තැනැත්තාගේ මොළයේ ගෙඩියක් තිබූ බවට සාධක හමුවී ඇත. එමෙන් ම වැඩිදුරටත් සියුම් ලෙස පරීක්ෂා කිරීමේ දී පෙනී ගොස් ඇත්තේ ඔහුගේ මොළය හා හිස්කබල අතර රුධිරය එකතුවිමේ තත්ත්වයක් ද තිබී ඇති බවයි. සැත්කමින් හිස්කබලේ තිබූ ගෙඩිය සාර්ථකව ඉවත්කැර ඇති බව විද්‍යාඥයෝ කියති. මේ සැත්කමින් පසු හිස්කබල වර්ධනය වූ බව හොඳින් නිරීක්ෂණය කළ හැකිවෙයි. එයින් පැහැදිලි වන්නේ සැත්කමින් පසු මේ තැනැත්තා සෑහෙන කාලයක් දිවි ගෙවා ඇති බවයැයි විද්‍යාඥයෝ කියති.

අනෙක් හිස්කබල අයත් පුද්ගලයාට ප්‍රවේණිගත රෝගයක් තිබෙන්නට ඇතැයි යන්න පර්යේෂකයන්ගේ මතය වී ඇත. හිසකබලේ සිදුරක් විදීමෙන් මේ සැත්කම ද සාර්ථකව සිදුකැර ඇත.

පුරාවිද්‍යාව හා මානව විද්‍යාව සම්බන්ධ රුසියානු ඇකඩමියේ සයිබීරියානු ශාඛාවේ විද්‍යාඥයන් පවසන්නේ 19 වැනි සියවසේ යුරෝපයේ රෝහල්වල කරන ලද මේ ආකාර සැත්කම් වලින් සාර්ථක වී ඇත්තේ සියයට 10ක් පමණක් බවයි.

1411030693313_wps_1_Proof_the_extraordinary_e 1411030705148_wps_3_Proof_the_extraordinary_e



අදහස් (0)

මොළේ සැත්කම් වසර 2300ක් පැරණියි

ලක්ෂ්මන් සු පෙරේරා Saturday, 20 September 2014 05:10 AM

බුදුන් දවස සිටි ජීවක වේද දුරු ඔලු කටුව විවෘර්ත කර පනුවන් ඉවත් කල බව සාසන ඉතිහාසයේ සදහන් වෙනවා. විස්මිත වෙදකම් සදහා ජීවක චරිතය කියවා බලන්න ඕවට වඩා විස්මිතයි (නදී)

:       0       0

දයා Saturday, 20 September 2014 06:02 AM

එහෙම දෙයක් දිහාවේම එකම විදිහට බලන්න එපා.... ඉතිහාසේ හරිම බලවත් බලන්න අපේ රජ කාලේ....(දිල්)

:       0       0

සංජීව Saturday, 20 September 2014 09:41 PM

මේකේ ඉන්න බක පණ්ඩිතයෝ එක එක කතා කියනවා. දෙතුන් දෙනෙක් නම් මාතෘකාවට අදාළව බුද්ධිමත්ව අදහස් දක්වනවා. මොනවා වුණත් තව තවත් පරීක්ෂණයට ලක්විය යුතු දෙයක් ලෙස මා දකිනවා. (නි)

:       0       0

එෂාන් Saturday, 20 September 2014 11:11 AM

මොලයේ හිලක් නේද ? අපේ බන්දුල පෙරේරාගේ මොළයත් මේ වගේම ඇති නේද (නදී)

:       0       0

නයනකාන්ත Saturday, 20 September 2014 01:55 AM

සිංහල රජ කාලෙ තිබුනු දෙතිස් වද මේ රටෙත් තිබිලා තියනවා කියලයි මට නම් හිතෙන්නේ. එ් වලින් එකක් දිලා මරපු කෙනෙක් ද දන්නේ නෑ (ඔලුව සිදුරුකර මොලයට යකඩ උලකින් ඇනීම ) (නදී)

:       0       0

රොකී Saturday, 20 September 2014 01:57 AM

මේකත් අර අහවලා යකඩ පරාල, ඇන ගහපු ඔලුවක් වෙන්න බැරි නැහැ (නදී)

:       0       0

රාසා Saturday, 20 September 2014 03:17 AM

මේ ප්‍රතිචාර සුදුසු නෑ. මොකද අතීතයේ ඉතා හොඳ වෙදකම් ක්‍රම තිබිල තියනවා. (අ)

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 65 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 274 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site