එබොලා වසංගතය පිලිබඳව දැනුවත් කිරීමේ වැඩ සටහනක් සඳහා සූදානම් වු සාමාජිකයන්  අටදෙනෙකුට පොලුවලින් ගසා පිහිවලින් කපා මරාදමා ඇතැයි ගිනි රාජ්‍යෙයන් ලැබෙන වාර්තාවල සඳහන්වේ.

මැරුම් කා ඇති පුද්ගලයන් අතර සෞඛ්‍ය සේවකයන්,මාධ්‍යවේදීන් සහ රාජකාරීයේ යෙදී සිටි නිලධාරින් ද වන බව වාර්තාවේ. මෙම මළසිරුරු හමුවී ඇත්තේ නිසෙරෙකොර් නගරය සමීපයේ පිහිටි පාසැලේ වැසිකිලි වළක තිබියදීය.

වාර්තාකරුවන් පවසන්නේ බොහෝ ගැමියන් සිතන්නේ මෙම නිලධාරින් පිරිස රෝගය පැතිරවීමට පැමිණෙන අය බවයි.

එබොලා වෛරසය ශරීර ගතවු පුද්ගලයන් 2600 කට වඩා මේවන විට මියගොස් තිබේ.

මෙම රෝගය ලෝකයේ දරුණුම ලෙස පැතිර ගිය අවස්ථාව මෙයයි.

අසල්වැසි රටවන සියරා ලියොන් මෙම රෝගය පැතිරීම වැලැක්වීම සඳහා දින තුනක ඇඳිරි නීතිය පනවා ඇත. මෙම කරුණ බොහෝ දෙනාගේ මතබේදයට තුඩු දී තිබේ.

එබෝලා වසංගතය මුලින්ම වාර්තා වූ දකුණු ගිනි රාජ්‍යෙය් වෝමේ ගම්මානයට ලඟාවු මෙම කණ්ඩායමට ගම්වැසියන් විසින්  ගල්මුල් ප්‍රහාර එල්ල කිරීමෙන් පසු ඔවුන් අතුරුදන් වී ඇත.

මෙම ප්‍රහාර වලින් පණබේරාගත් මාධවේදිනියක් වාර්තාකැර ඇත්තේ ඇය සැඟවි සිටින විටදී පවා ගම්මුන් විසින් ඇයව සොයාගැනීමට උත්සාහ කළ බවයි.

සෞඛ්‍ය ඇමති සමග රජයේ නිලධාරි කංඩායමක් මෙම ප්‍රදේශයට පිටත් ව ගියද එයට යන මාර්ගයේ පිහිටි පාලමක් අවහිර කැර ඇති බැවින් ගම්මානයට ඇතුළුවීමට හැකියාවක් නැත.