බටහිර නේපාලයේ සිදුවූ බස් රථ අනතුරකින් 23 දෙනෙකු මියගොස් ඇතැයි එරට පොලිසිය පවසයි. 
 
උද්භිද විද්‍යා ක්ෂේත්‍ර චාරිකාවක නිරත වී සිටි පාසල් ළමුන් සහ ගුරුවරුන් ගමන්ගත් බස් රථයක් මෙසේ අනතුරට පත්ව ඇත. 
 
බස් රථය මීටර් 700 ක් පමණ (අඩි 2,300 ක්)  ප‍්‍රපාතයකට පෙරළී අනතුර සිදු වී ඇත. 
 
අනතුර සිදුවන අවස්ථාවේ 37 දෙනෙකු බස් රථය තුළ සිට ඇති අතර ඉන්  23 ක් මිය ගොස්, 14දෙනෙක් තුවාල ලබා රෝහල් ගතකර ඇත.  මිය ගිය සිසුන්‍ අවුරුදු 16 ත් 20 ත් අතර වයසේ පසුවන්නන් වන  අතර අනතුරින් ගුරුවරු 2ක් සහ රියදුරු ද මිය ගොස් ඇත.
 
වේගය පාලනය කරගත නොහැකිවීම නිසා මෙම අනතුර  සිදු වී ඇති බව මූලික පරීක්ෂණවලදී අනාවරණය වූ බව පොලිසිය පවසයි.
 
අපරික්ෂාකාරී රිය පැදවීම්, දුර්වල මාර්ග, සහ තවත් හේතු නිසා නේපාලයේ  රිය අනතුරු බහුලව සිදුවේ.

පසුගිය සතියේ දී මධ්‍යම නේපාලයේ ඇති වූ ට‍්‍රක් රථ අනතුරකින් ද පුද්ගලයන් 20 දෙනෙකු ජීවිතක්ෂයට පත්ව ඇත.
 
   (63226 )