ඕස්ට්‍රේලියාවේ නිව්සවුත්වේල්ස් ප්‍රාන්තයේ මේ දිනවල ඇතිවී ඇති ලැව්ගිනි හේතුවෙන් සිඩ්නි නගරය දුමාරයෙන් වැසී ගොස් තිබේ. 

මේ හේතුවෙන් නගරයේ වාතයේ ගුණාත්මකභාවය අනතුරුදායක තත්ත්වයට ද පත්වී ඇත.

නගරයේ බටහිර ප්‍රදේශයේ උෂ්ණත්වය සෙල්සියස් අංශක 37 දක්වා ඉහළ යෑම හේතුවෙන් සිඩ්නි නගර වැසියන්ට අනතුරු ඇඟවීම් ද නිකුත් කර තිබේ.

නිව්සවුත්වේල්ස් ප්‍රාන්තයේ වාසය කරන මිලියන පහක් පමණ වන පිරිස සති කිහිපයක් පුරා මෙම ලැව්ගිනි අවදානමට මුහුණ පා සිටිති. 

ලැව්ගිනි හේතුවෙන් මේ වන විට පුද්ගලයින් 6 දෙනෙකු මරණයට පත්වී තිබේ. 

නිවාස සිය ගණනක් ද ලැව්ගිනිවලින් විනාශ විය.

-226-

(බීබීසී ඇසුරෙනි)