තම රටේ සෑම පුරවැසියකුටම ඩොන්ග් ලක්ෂයක (ශ්‍රී ලංකා රුපියල් 1150ක් පමණ) මුදල් තෑග්ගක් ලබාදීමට වියට්නාම රජය පියවර ගෙන ඇතැයි විදෙස් මාධ්‍ය පවසයි.

මෙම ත්‍යාගය හිමිවනු ඇත්තේ, සැප්තැම්බර් 2 වැනිදාට යෙදෙන වියට්නාම ජාතික දිනය සහ එරට අගෝස්තු විප්ලවයේ 80 වැනි සංවත්සරය වෙනුවෙනි.

මෙය ඓතිහාසික අවස්ථාවක් බවත්, රටේ නීතියට අනුව යමින්, වියට්නාම් පුරවැසියන්ට මුදල් තෑග්ග ලබා දීමට කටයුතු සම්බාදනය කරන බවත් වියට්නාම අග්‍රාමාත්‍යවරයා පැහැදිලි කර ඇත.

අග්‍රාමාත්‍යවරයාගේ මෙම මුදල් ත්‍යාග යෝජනාව, ප්‍රතිපත්ති මණ්ඩලය, මුදල් අමාත්‍යාංශය, රාජ්‍ය බැංකුව, මහජන ආරක්ෂක අමාතයාංශය, මධ්‍යම නාගරික සහ පළාත් ජනතා කමිටුව යන පාර්ශ්ව සම්බන්ධීකරණයෙන් ජනතාට බෙදා දීම සිදුවනු ඇතැයි ද පැවැසෙයි.

වියට්නාමයේ ජනගහනය මිලියන 101කි. ඒ අනුව, වියට්නාම රජයට මේ සඳහා ඩොන්ග් ට්‍රිලියන 10ක් වෙන්කිරීමට සිදුව ඇත.