2023 පෙබරවාරි මස 05 වන ඉරිදා
පාකිස්තානයේ නගර රැසක විදුලි බල සැපැයුම තවමත් යථා තත්ත්වයට පත් වී නැතැයි එරට මාධ්‍ය වාර්තා කරයි.
ජාතික විදුලි බල පද්ධතියේ හටගත් තාක්ෂණික දෝෂයක් හේතුවෙන් පාකිස්තානය පුරා විදුලිය බිඳ වැටුණේ ඊයේ (23) උදෑසන 7.34 ටය. අද (24) වනවිට ප්‍රධාන නගර කීපයක විදුලි බලය යථා තත්ත්වයට පත් කර ගැනීමට හැකි වුණු බව බලශක්ති අමත්‍යාංශය පැවැසීය. රට පුරා විදුලිය විසන්ධි වීමෙන් පීඩාවට පත් වූ පාකිස්තානුවන් ගණන මිලියන 20 කි.
අද (24) වනවිට විදුලි බලය යළි යථා තත්ත්වයට පත් වූයේ ඉස්ලාමාබාද්, කරච්චි, ලාහෝර්, රාවුල්පිණ්ඩි, ක්වෙටා, පෙෂවෝර් සහ ගුජ්රන්වාලා යන නගරවල විදුලිය සැපැයුම ඊයේ (23) රාත්‍රියේ දී යථා තත්ත්වයට පත් කිරීමට හැකිවුණු බව බලශක්ති අමාත්‍ය කුරාම් දස්ගිර් ඛාන් පැවැසුවේය.
පාකිස්තානය දැඩි ආර්ථික අර්බුදයකට මුහුණ දී සිටී. එම ආර්ථික අර්බුදය හේතුවෙන් බලශක්ති අර්බුදයක් ද නිර්මාණය වී ඇත. පසුගිය කාලය පුරා දිනකට පැය ගණනින් විදුලි කප්පාදු කිරීමට පාකිස්තාන රජයට සිදුවිය. දෛනිකව නොකඩවා විදුලිය සැපැයීම විදුලි බල අමත්‍යාංශ බලධාරීන්ට අභියෝගයක් වී ඇතැයි ද පැවැසෙයි.
(රොයිටර්)
