රුසියාවේ ඇති වූ භූමිකම්පාව සහ ඉන් අනතුරුව හටගත් සුනාමි රළ හේතුවෙන්, සමුද්‍රීය සහ ගුවන් ගමන්වලට බාධා එල්ල වී ඇත.

විදෙස් මාධ්‍ය වාර්තා කර ඇත්තේ, මේ වනවිට ගුවන් ගමන් 470 කට වැඩි ප්‍රමාණයක් අවලංගු කර හෝ ප්‍රමාද කර හෝ ඇති බවය.

ඇමෙරිකාවේත් ජපානයේත් ගුවන් තොටුපළ කිහිපයක කටයුතු මේවනවිට අඩපණ වී ඇත.

මරීන් ට්‍රැෆික් දත්තවලින් පෙනී යන්නේ, පූර්වාරක්ෂක පියවරක් ලෙස ධීවර බෝට්ටු, යාත්‍රා සහ වෙරළාරක්ෂක නෞකා ඇතුළු යාත්‍රා 91 ක් හවායි හොනොලුලු වරායෙන් ඉවත් කෙරුණු බවය.

ඇමෙරිකා පාලනය යටතේ පවතින හවායි දූපත්,වලට ද සුනාමි රළ කඩා වැදුණි.

(අල් ජසීරා)