එසැණ පුවත්

උඩරට දුම්රිය මාර්ගයට ගල් පෙරලෙයි

මධ්‍යම කදුකරයේ නැගෙනහිර මායිම් ප්‍රදේශවලට කඩින් කඩ ඇදහැලෙන අධික වර්ෂාවත් සමග නානුඔය සහ ග්‍රේඩ් වෙස්ටන් අතර දුම්රිය මාර්ගයට ඉහළ කදු මුදුනේ සිට ගල් කිහිපයක් අද (26) දින පෙරලුණු බවත්, එසේ පෙරලුණු ගල් ඉවත් කිරිමට මේ වන විට දුම්රිය මාර්ග නඩත්තු අංශයේ සේවකයින් යොදා ඇති බව නානුඔය දුම්රිය ස්ථානයේ නිළධාරියෙකු පැවසීය.

26 November 2025

කඩුගන්නාවේ එක් මංතීරුවක් විවෘත කරයි

නායයෑමට ලක්වීම නිසා වසා දැමුණු කොළඹ මහනුවර මාර්ගයේ පහළ කඩුගන්නාව ප්‍රදේශයේ එක් මංතීරුවක් අද (26) උදෑසන සිට වාහන ගමනා ගමනය සඳහා නැවත විවෘත කළ බව පොලිසිය කියයි.

26 November 2025

නවසීලන්තයේ උසම කඳුමුදුනින් වැටී දෙදෙනෙක් මරුට

නවසීලන්තයේ උසම කඳු මුදුන වන අඕරාකි හෙවත් මවුන්ට් කුක් කඳු මුදුනෙන් වැටී කඳු නගින්නන් දෙදෙනෙකු මිය ගොස් තිබේ.

26 November 2025

ශ්‍රී ලංකාවට දකුණු දෙසින් පීඩන අවපාතයක්

නිරිතදිග බෙංගාල බොක්ක ප්‍රදේශයේ පැවැති අඩු පීඩන කලාපය ඊයේ මධ්‍යම රාත්‍රීය පමණ වන විට ශ්‍රී ලංකාවට දකුණු දෙසින් පැවැති බව කාලගුණ විද්‍යා දෙපාර්තමේන්තුව දැනුම් දෙයි.

26 November 2025

මත් සැකකරුවෝ 979 ක්

’’රටම එකට’’ ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍ය වැරැදි වලට සම්බන්ධ සැකකරුවන් 979 ක් ඊයේ (25) කළ මෙහෙයුම් වලදී අත්අඩංගුවට ගත් බව පොලිස් මාධ්‍ය කොට්ඨාශය කියයි.

26 November 2025

කොත්මලේ දොරටු දෙකක් ඇරේ

ඉහල කොත්මලේ ජල පෝෂක ප්‍රදේශවලට තව දුරටත් ඇද හැලෙන අධික වර්ෂාව හේතුවෙන් ඉහල කොත්මලේ ජලාශයේ වාන් දොරටු දෙකක් අද අලුයම ස්වයක්‍රීයව විවෘත වී ඇති බව එම ජලාශභාර ඉංජිනේරුවරුවෝ පවසති.

26 November 2025

ගුවනේදී හිමි නමගේ මුදල් සොරකම් කළ චීන ජාතිකයන් දෙදෙනා අල්ලයි

රුපියල් හාර ලක්ෂ අනූ තුන් දහස් අට සිය පනස් පහක් වටිනා විදේශීය මුදල් තොගයක් , ගමන් ගනිමින් තිබූ ගුවන් යානය තුළ දී සොරා ගත් චීන ජාතිකයන් දෙදෙනෙකු කටුනායක ගුවන් තොටුපොළ පොලීසිය මගින් අත් අඩංගුවට ගෙන තිබේ .

26 November 2025

විදෙස් දුම්වැටි සමඟ තිදෙනකු ගුවන්තොටුපොළෙදී අල්ලයි

රුපියල් එක් කෝටි හැත්තෑ අට ලක්ෂ පනස් දහසක් වටිනා විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට රැගෙන විත් , ඒවා කටුනායක ගුවන් තොටුපොළෙන් පිට කර ගෙන යමින් සිටි ගුවන් මගීන් තිදෙනකු සමග ගුවන් තොටුපොළ පොලීසියේ නිලධාරීන් පිරිසක් විසින් අත් අඩංගුවට ගෙන තිබේ

26 November 2025

රෝහිත ඇතුළු 20 ක් නැවත පොහොට්ටුවට

ශ්‍රී ලංකා පොදුජන පෙරමුණෙන් (පොහොට්ටුව) ඉවත්වූ හිටපු අමාත්‍යවරු සහ මන්ත්‍රීවරු ඇතුළු එම පක්‍ෂයේ හිටපු ප්‍රබලයන් 20 කට අධික පිරිසක් ලබන ජනවාරි මස නැවතත් එම පක්‍ෂයට එකතු වන බව නව ප්‍රජාතන්ත්‍රවාදී පෙරමුණේ පාර්ලිමේන්තු මන්ත්‍රී රෝහිත අබේගුණවර්ධන මහතා අද (25) ‘ලංකාදීප’යට පැවසීය.

25 November 2025

ශ්‍රී ලංකාව කඩුලු 9 කින් ජයගනී

පාකිස්තානයේදී පැවැත්වෙන විස්සයි20 තුන්කොන් ක්‍රිකට් තරගාවලියේ පස්වැනි තරගය ලෙස රාවල්පින්ඩිහිදී අද (25) පැවැති තරගයේදී ශ්‍රී ලංකාව කඩුලු 9 කින් සිම්බාබ්වේ පරාජය කිරීමට සමත් විය.

25 November 2025

කලපුවට වැටි තරුණයෙක් මියයයි

අයහපත් කාලගුණය මධ්‍යයේ අද 25 දින සැන්දෑවේ කල්පිටිය කලපුවේ ධීවර රැකියාවට ගිය තරුණයෙකු කළපුවට වැටී මියගොස් ඇතැයි කල්පිටිය පොලිසිය පවසයි.

25 November 2025

බලංගොඩ නිවාස 17ක පුද්ගලයන් 78ක් තාවකාලිකව ඉවත් කරයි

බලංගොඩ වලේබොඩ පේරකැටිය ප්‍රදේශයේ නිවාස 17 ට ඉහලින් ගල් පෙරලිමෙි අවදානම් තත්ත්වයක් ඇති විම හේතුවෙන් එම නිවාසවල පදිංචි පුද්ගලයන් 78 කු වලේබොඩ විදුහලේ තාවකාලිකව නතර කිරිමට අද (25) දා සවස කටයුතු කළ බව බලංගොඩ ප්‍රදේශිය ලේකම් කාර්යාලය පවසයි.

25 November 2025

කලා වැවේ වාන් දොරටු දෙකක් විවෘත කරයි

පවතින අධික වර්ෂාවත් සමඟ කලාවැව හදිසි වාන් දොරටු දෙකක් අද(25) අඩි 02 බැගින් විවෘත කිරීමට කලාවැව ජලාශ භාර ඉංජිනේරු කාර්යාලය පියවර ගෙන තිබේ.

25 November 2025

අත්අඩංගුවට ගන්නා විස මත් එවේලේම වනසන නීති ගෙනෙයි

අත්අඩංගුවට ගන්නා විෂ මත්ද්‍රව්‍ය ඒ අවස්ථාවේ දීම විනාශ කිරිම සඳහා නව නීති ලබන මාර්තු මාසය වන විට සම්පාදනය කරන ලෙස ජනාධිපති අනුර කුමාර දිසානායක මහතා අධිකරණ අමාත්‍යාංශයට දැනුම් දුන්නේ ය.

25 November 2025

වරාය ලාභයෙන් කෝටි 500 ක් භාණ්ඩාගාරයට

ශ්‍රී ලංකා වරාය අධිකාරාය මෙම වසරේ ලැබූ ලාභයෙන් රුපියල් බිලියන 5 ක් හෙවත් රුපියල් කෝටි 500 ක් ඒකාබද්ධ අරමුදලට දීමට බලාපොරොත්තු වන බව වරාය සහ සිවිල්ගුවන් සේවා අමාත්‍යංශය පැවසීය.

25 November 2025

විස්සයි විස්ස ලෝක කුසලානයේ සම-සත්කාරකත්වය ලංකාවට

විස්සයි විස්ස ලෝක කුසලාන ක්‍රිකට් තරගාවලිය 2026දී ඉන්දියාවේ සහ ලංකාවේ සම-සත්කාරකත්වයෙන් පැවැත්වීමට නියමිත අතර, එමගින් මෙරට පිළිබඳව ජාත්‍යන්තර වශයෙන් ලැබෙන ප්‍රචාරණය, විදෙස් සංචාරකයින්ගේ පැමිණීමෙහි සිදු වන වර්ධනය ඇතුළු ප්‍රතිලාභ රැසක් හිමි වනු ඇතැයි රජය පවසයි.

25 November 2025

අධ්‍යාපන වැය ශීර්ෂය සම්මතයි

අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශයේ වැය ශීර්ෂ ඡන්ද විමසීමකින් තොරව සංශෝධන සහිතව පාර්ලිමේන්තුවේදී අද පස්වරුවේ සම්මත විය.

25 November 2025

තාඹුගල වරද පිළිගනී

දේශීය ආදායම් දෙපාර්තමේන්තුවට වැට් බදු වාර්තා ඉදිරිපත් නොකිරීමේ චෝදනාවට වරද පිළිගත් අවුරා ලංකා හර්බල් සමාගමේ සභාපති විරංජිත් තාඹුගල විත්තිකරුට රුපියල් 25000 දඩයක් කොළඹ අතිරේක මහේස්ත්‍රාත් ඕෂධ මහාරච්චි මහතා අද (25) නියම කළේය.

25 November 2025

ආපදාවලින් මරණ 10 ක්

දිවයිනට බලපා ඇති ආපදා තත්වය හේතුවෙන් මරණ 10 ක් සිදුවී තවත් 7 ක් තුවාල ලබා ඇතැයි ආපදා කළමනාකරණ මධ්‍යස්ථානය පවසයි.

25 November 2025

පෙර පාසල් අධ්‍යාපනයට රජයේ ඇල්ම බැල්ම වැඩිවෙයි

තීරණාත්මක වයස් කාණ්ඩයක සිටින පෙර පාසල් දරුවන්ගේ අධ්‍යාපනයේ ගුණාත්මක භාවය සහ ආරක්ෂාව පිළිබඳ විශේෂ අවධානයක් යොමු කළ යුතු බව අග්‍රාමාත්‍ය ආචාර්ය හරිනි අමරසූරිය මෙනවිය පැවැසුවාය.

25 November 2025

රෝගී කතට අතවර කළැයි කියන වෛද්‍යවරයාට ඇප

කහතුඩුව වෑතර දිසා රෝහල තුළදී 26 හැවිරිදි කාන්තාවකට ලිංගික අතවර සිදු කිරීමක් සම්බන්ධයෙන් සැකපිට අත්අඩංගුවට ගත් 40 හැවිරිදි වෛද්‍යවරයා කැස්බෑව අධිකරණය වෙත ඉදිරිපත් කිරීමෙන් අනතුරුව රුපියල් ලක්ෂය බැගින් වූ ශරීර ඇප දෙකක් මත මුදා හරින ලෙස මහේස්ත්‍රාත් ජනක සමරසිංහ මහතා නියෝග කළේය.

25 November 2025

සුද්දියන්ට රසඟ පෙන් වූ රෝද තුනේ රියැදුරා මාස හයක් හිරේ

විදේශිය සංචාරක කාන්තාවන් දෙදෙනකුට රහසඟ පෙන්වා ලිංගික අතවර කිරීමේ චෝදනාවට වරද පිළිගත් ත‍්‍රීරෝද රථ රියදුරකුට මාස හයක බරපතළ වැඩ සහිත සිරදඬුවමක් නියම කළ පීලෑස්ස මහේස්ත‍්‍රාත් ඩබ්.එස්.එල්. දසනායක මහත්මිය විදේශීය කාන්තාවන් දෙදෙනාට රුපියල් ලක්ෂ තුනක වන්දියක් ගෙවීමටද නියම කළාය.

25 November 2025

දිසා 12කට නාය අවදානම්

අධික වැසි සහිත කාලගුණය හේතුවෙන් දිස්ත්‍රික්ක 12 ක් සඳහා ජාතික ගොඩනැගිලි පර්යේෂණ සංවිධානය විසින් නාය යෑමේ අනතුරු ඇඟවීමේ නිවේදනය කර තිබේ.

25 November 2025

ඉදිරි දිනවල වැස් වැඩි වන හැඩ

ඉදිරි දින කිහිපය තුළ දිවයිනේ බොහෝ ප්‍රදේශවලට මිලි මීටර් 150 ට වැඩි ඉතා තද වැසි සහ සුළං ඇති විය හැකි බව කාලගුණ විද්‍යා දෙපාර්තමේන්තුව පවසයි.

25 November 2025

කොත්මලේ දොරක් ඇරේ

ඉහල කොත්මලේ ජල පෝෂක ප්‍රදේශවලට අද දින ඇද හැලෙන අධික වර්ෂාවත් සමග ඉහළ කොත්මලේ ජලාශයේ වාන් දොරටුවක් විවෘත කර ඇති බව නුවරඑලිය දිස්ත්‍රික් ආපදා කලමණාකරණ ඒකකය පැවසිය.

25 November 2025

ගැලවූ පුරා විද්‍යා පුවරු සකච්ඡාකර සවිකරන්නැයි නියෝගයක්

පුරාවිද්‍යා දෙපාර්තමේන්තුව මඩකළපුවේ පුරා විද්‍යා ස්ථානවල සවිකළ නාමපුවරු ගැලවූ බව කියන වාලච්චේන ප්‍රාදේශීය සභාවේ සභාපතිවරයා, උප සභාපතිවරයා ඇතුළු පුද්ගලයන් තිදෙනකු රුපියල් ලක්ෂ පහබැගින් වූ ශරීර ඇප මත මුදාහරින්නැයි වාලච්චේන මහේස්ත්‍රාත් එම්.අයි.අහමඩ් රතීෆ් මහතා නියෝග කළේය.

25 November 2025

හම්බන්තොට අයවැය සම්මතයි

හම්බන්තොට මහ නගර සභාවේ 2026 අයවැය වැඩි ඡන්ද අටකින් සම්මත විය.

25 November 2025

උ.පෙළ ප්‍රශ්න පත්‍රයක් පිටවීම ගැන CIDයට දැනුම් දෙයි

අධ්‍යාපන පොදු සහතික පත්‍ර උසස් පෙළ විභාගයේ ප්‍රශ්න පත්‍රයක් පිටවී ඇතැයි කියන සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුවට දැනුම් දී ඇතැයි කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

25 November 2025