එසැණ පුවත්

ආපදාවෙන් මිය ගිය අයකු වෙනුවෙන් ලක්ෂ දහයක

අධික වර්ෂාව සමග ඇති වූ ගංවතුර සහ නායයාම් ඇතුළු හදිසි ආපදා තත්ත්වය හේතුවෙන් මිය ගිය එක් අයෙකු වෙනුවෙන් රුපියල් ලක්ෂ 10 බැගින් ලබා දීමට ජනාධිපති අනුර කුමාර දිසානායක මහතා ජනාධිපති අරමුදලට උපදෙස් දී තිබේ.

27 November 2025

පාර්ලිමේන්තු විවාද හෙට අනිද්දා නෑ

ආපදා තත්වය සැලකිල්ලට ගෙන පාර්ලිමේන්තුවේ අයවැය කාරක සභාව අවස්ථාවේ විවාද හෙට සහ අනිද්දා නොපැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කර ඇත.

27 November 2025

ආපදා දැනුම් දෙන්න ‘හොට් ලයින්’ එකක්

අයහපත් කාලගුණය හේතුවෙන් සිදුවන හදිසි තත්වයන් 117 අංකයට දැනුම් දෙන ලෙස ආපදා කළමනාකරණ මධ්‍යස්ථානය සියලු ජනතාවගෙන් ඉල්ලීමක් කරයි

27 November 2025

හලාවත යටවීමේ අවධානමක්

දැදුරු ඔය ජලාශය වාන් දැමීම හේතුවෙන් අද (27) හෝ හෙට (28) හලාවත නගරය ජලයෙන් යටවීමේ අවධානමක් තිබෙන බව වාර්මාර්ග අධ්‍යක්ෂ ජනරාල් අජිත් ගුණසේකර මහතා පැවසීය.

27 November 2025

භාෂා පරිවර්තක විභාගය කල් දමයි

හෙට (28) දිනයේ සහ 30 වැනිදා පැවැත්වීමට නියමිතව තිබූ රාජ්‍ය භාෂා දෙපාර්තමේන්තුවේ භාෂා පරිවර්තක (සිංහල/ඉංග්‍රීසි ), (සිංහල /දෙමළ) හා (දෙමළ / ඉංග්‍රීසි) II ශ්‍රේණියේ තනතුරු සඳහා බඳවා ගැනීමේ විවෘත / සීමිත තරග විභාගය දින නියමයක් නොමැතිව කල් දමා අැත

27 November 2025

හොංකොං ගින්නෙන් මියගිය ගණන ඉහළට

හොංකොං හි තායි පෝ දිස්ත්‍රික්කයේ උස් මහල් නිවාස සංකීර්ණයක ඇති වූ ගින්නෙන් මියගිය පුද්ගලයින් ගණන 55 දක්වා ඉහළ ගොස් ඇති බව එරට ගිනි නිවන දෙපාර්තමේන්තුව පවසයි.

27 November 2025

මහ වැස්සෙන් අ‘පුර ජන ජීවිතයටත් බාධා

දින ගණනාවක් තිස්සේ ඇද හැලෙන වැසි සමඟ අනුරාධපුර දිස්ත්‍රික්කයට බලපා ඇති අයහපත් කාලගුණ තත්ත්වය හේතුවෙන්, එක් අයෙකු ජීවිතක්ෂයට පත්ව පවුල් 400 පුද්ගලයන් 1000 කට වැඩි පිරිසක් පීඩාවට පත්ව ඇතැයි අනුරාධපුර දිස්ත්‍රික් ලේකම් රංජිත් විමලසූරිය මහතා පැවසීය.

27 November 2025

පොළොන්නරු - මඩකළපුව මාර්ගය ගල්ලෑල්ලෙන් යටවෙයි

පොළොන්නරුව මඩකළපුව ප්‍රධාන මාර්ගයේ මනම්පිටිය ගල්ලෑල්ල ප්‍රදේශයෙන් අඩි දෙකක් පමණ ගංවතුරෙන් යටවීමත් සමග අද (27) අලුයම සිට එම මාර්ගය වසා දැමීමට පොළොන්නරුව ආපදා කළමනාකරණ ඒකකය කටයුතු කර තිබේ.

27 November 2025

අනුරාධපුර පාදෙණිය මාර්ගය වහයි

දැදුරු ඔය ද්‍රෝණියේ ඉහළ හා මධ්‍ය ප්‍රදේශවලට ඇද හැලෙමින් පවතින වර්ෂාපතන තත්වය හේතුවෙන් දැදුරු ඔය ජලාශයේ වාන් දොරටු 8 අඩි 11 බැගින් විවෘත කර ඉන් තත්පරයට ඝන අඩි 60600 ක ජලධාරිතාවක් දැදුරු ඔයට මුදා හැරෙන බව වාරියපොල ප්‍රාදේශීය වාරිමාර්ග ඉංජිනේරු කාර්යාලය සඳහන් කරයි.

27 November 2025

මාර ගසක් කඩා වැටී ඩිෆෙන්ඩර් දෙකකට හානි

පවතින අධික වැසි සහිත කාලගුණය හේතුවෙන් ඊයේ (26) රාත්‍රී හමාගිය සුළගකින් ඇමැති ආරක්ෂක කොට්ඨාස භූමියේ තිබූ නවතා තිබූ ඩිෆෙන්ඩර් රථ 2 ක් අතුළු වාහන 5 කට විිශාල මාර ගසක් කඩා වැටී ඇති බව ඇමැති ආරක්ෂක කොට්ඨාසය පවසයි.

27 November 2025

රම්බොඩ උමං මාර්ගය නායයයි

පවතින අධික වැසි සහිත කාලගුණය හේතුවෙන් නුවරඑළිය- ගම්පොල මාර්ගයේ රම්බොඩ උමං මාර්ගය අසල කොටසක් අද (27) නායයෑමට ලක්විය.

27 November 2025

පාතහේවාහැට නායයෑමෙන් අඹුසැමි යුවළක් මරුට

පාතහේවාහැට මැදගම පල්ලේගම ග්‍රාම නිලධාරී වසමේ ඊයේ (26) රාත්‍රී කාලයේ සිදුවූ නාය යාමකින් පස් කන්දකට යටවීමෙන් අඹුසැමි යුවළක් මරණයට පත්ව තිබේ.

27 November 2025

නාඋල ප්‍ර.ස අය වැය සම්මතයි

ජාතික ජන බලවේගයට බලය හිමි නාඋල ප්‍රාදේශිය සභා 2026 අය වැය වැඩි ඡන්ද තුනකින් අද (27) සම්මත විය.

27 November 2025

දිවුලපිටිය අයවැයත් සම්මතයි

දිවුලපිටිය ප්‍රාදේශීය සභාවේ 2026 වසර සඳහා වන අයවැය වැඩි ඡන්ද හතරකින් ඊයේ (27) සභා සම්මත විය.

27 November 2025

ගාලු රෝහලේ දෙවැනි හෘද කැතීට රසායනාගාරය විවෘත කරයි

ගාල්ල ජාතික රෝහලේ ස්ථාපිත කරන ලද දෙවැනි හෘද කැතීට රසායනාගාරය අද (27) සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස මහතා විසින් විවෘත කෙරිණි.

27 November 2025

නෝර්වුඩ් ප්‍රා.ලේ සේවකයින් උද්ඝෝෂණයක

නෝර්වුඩ් ප්‍රාදේශීය ලේකම් කාර්යාලයේ සේවකයින් සහ එම ප්‍රාදේශීය ලේකම් කාර්යාලයේ සේවය ලබා ගන්නා සේවා ලාභීන් එක්වඅද (27) දින දහවල් එම කාර්යාලටය ඉදිරිපිට උද්ගෝෂණයක නිරතව සිට පසුව නිවාඩු ලබා සේවා ස්ථානවලින් බැහැරව ගියහ.

27 November 2025

මැතිසබේ හිංසන වාර්තාව: ක්‍රියාමාර්ග ගන්නවා

පාර්ලිමේන්තුවේ තොරතුරු පද්ධති හා කළමනාකරණ දෙපාර්තමේන්තුවේ ඇතැම් නිලධාරිනියන්ට සිදුවී ඇතැයි පැවසුණු හිංසන සහ අකටයුතුකම් සම්බන්ධයෙන් සොයා බැලීමට පත් කෙරුණු කමිටුවේ වාර්තාව කාර්ය මණ්ඩල උපදේශක කාරක සභාවට ඉදිරිපත් කර සුදුසු ක්‍රියාමාර්ග ගන්නා බව කතානායක වෛද්‍ය ජගත් වික්‍රමරත්න මහතා පාර්ලිමේන්තුවට අද දැනුම් දුන්නේය.

27 November 2025

ඔන්ලයින් දඩ දෙසැම්බර් 17 සිට

දෙසැම්බර් මස 17වනදා සිට ඔන්ලයින් දඩ ගෙවීමේ ක්‍රමය දිවයින පුරා ක්‍රියාත්මක කරන බව ප්‍රවාහන, මහා මාර්ග සහ නාගරික සංවර්ධන අමාත්‍ය බිමල් රත්නායක මහතා පැවසීය.

27 November 2025

නැගෙනහිර දුම්රිය ගමන් නවතී

අධික වැසි සහිත කාලගුණික තත්ත්වය හේතුවෙන් ත්‍රිකුණාමලය සහ මඩකලපුව නැගෙනහිර මාර්ගයේ දුම්රිය සේවා අඩාල වී ඇති බව දුම්රිය දෙපාර්තමේන්තුව පවසයි.

27 November 2025

උඩරට මඟේ දුම්රිය හැටන් වලට සීමාවෙයි

උඩරට දුම්රිය මාර්ගයේ ධාවන කටයුතු හැටන් දුම්රිය ස්ථානය දක්වා පමණක් ධාවනය කිරිමට දුම්රිය පාලක මැදිරිය පියවර ගෙන ඇත.

27 November 2025

ගසක් කඩා වැටී පොලිස් සැරයන් මරුට

රාත්‍රී රාජකාරී කටයුතු අවසන් කර තම නිවසට ගමන් කරමින් සිටි උඩමළුව පොලිසියට අනුයුක්තව රාජකාරී කළ සැරයෙන් වරයෙකු ගසක් කඩා වැටීම හේතුවෙන් බරපතල තුවාල ලබා අද (27) ජීවිතක්ෂයට පත්වූ බව උඩමළුව පොලිසිය පවසයි.

27 November 2025

වැස්සෙන් කළුතර 57 කට පිඩා

මහ වැසි ,තද සුළං සහ ගස් කඩා වැටීම් හේතුවෙන් කළුතර දිස්ත්‍රික්කයේ ප්‍රාදේශීය ලේකම් කොට්ඨාස 7 ක නිවාස 15 කට අර්ධ හානි සිදුවී ඇතැයි කළුතර දිස්ත්‍රික් ලේකම් සුනන්ද හේරත් මහතා ඊයේ (27) දහවල් කීය.

27 November 2025

තමන්ගෙ වැයික්කිය ගැන බලන්නැයි ජනපතිගෙන් මන්ත්‍රීන්ට නියෝග

ඉදිරි දින දෙක තුළ වර්ධනය වීමට නියමිත අධික වර්ෂාපතනය සමග දැඩි අවදානම් කාලගුණික තත්ත්වයක් මතු වී ඇති බැවින් ජීවිත හානි වළක්වා ගැනීම සහ ආපදාවට පත් ජනතාවට සහන සැලසීම සඳහා කඩිනමින් මැදිහත් වන ලෙස ජනාධිපති අනුර කුමාර දිසානායක මහතා ආපදාවට සහ අවදානමට ලක්වූ දිස්ත්‍රික්කවල මහජන නියෝජිතයන්ට උපදෙස් දුන්නේය.

27 November 2025

දිස්ත්‍රික්ක අටකට රතු නිවේදන

වැසි සහිත කාලගුණයත් සමග දිස්ත්‍රික් 08ක ප්‍රාදේශීය ලේකම් කොට්ඨාස 41කට අධියර 3 යටතේ ඉවත්වීමේ රතු නිවේදනය නිකුත් කිරීමට ජාතික ගොඩනැගිලි පර්යේෂණ සංවිධානය කටයුතු කර තිබේ.

27 November 2025

උසස් පෙළ සෙනසුරාදාත් නෑ

අපොස උසස් පෙළ විභාගය සෙනසුරාදා (29) දිනද නොපවත්වන බව විභාග කොමසාරිස් ජනරාල්වරයා නිවේදනය කර කරයි.

27 November 2025

මත් සැකකරුවෝ 860 ක්

’’රටම එකට’’ ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍ය වැරැදි වලට සම්බන්ධ සැකකරුවන් 860 ක් ඊයේ (26) කළ මෙහෙයුම් වලදී අත්අඩංගුවට ගත් බව පොලිස් මාධ්‍ය කොට්ඨාශය කියයි.

27 November 2025

අම්පාරටත් වැස්ස සැරටම

පවතින අධික වැසි සහිත කාලගුණය නිසා ඇතුවූ ගංවතුර තත්වය හේතුවෙන් ඊයේ (26) වන දින අවසන් වනවිට අම්පාර දිස්ත්‍රික්කයේ ප්‍රාදේශීය ලේකම් කොට්ඨාස 12 ක පවුල් 482 කට අයත් 1550 ක් දෙනෙකු පීඩාවට පත්ව සිටින බව, අම්පාර දිස්ත්‍රික් ආපදා කළමණාකරණ මධ්‍යස්ථානය පවසයි.

27 November 2025

ඊච්චලන්පත්තුවේ දී පහකට තියුණු ආයුද ප්‍රහාරයක්

මිනීමැරුම් නඩුවකට පෙනි සිටීමට මුතුර් මහේස්ත්‍රාත් අධිකරණය යමින් සිටි සිව් දෙනකු ඇතුළු පස් දෙනකු ඊච්චලම්පත්තු ඉලංගතුරේ හන්දියේදී අද පෙරවරුවේ කපා කොටා ඇතැයි ඊච්චලන්පත්තු පොලිසිය කියයි.

27 November 2025