එසැණ පුවත්

ශ්‍රී ලංකා පිල ලකුණු 344ක් රැස්කරයි

ලෝක කුසලාන එක්දින ක්‍රිකට් තරගාවලියේ පළමු වටයේ 8 වැනි තරගය ලෙස ශ්‍රී ලංකව සහ පාකිස්තානය අතර හයිඩ්‍රාබාද්හිදී දැන් පැවැත්වෙන තරගයේ පළමුව පන්දුවට පහර දුන් ශ්‍රී ලංකා පිල ඕවර 50 අවසානයේ කඩුලු නවයක් දැවී ලකුණු 344 ක් රැස්කිරීමට සමත් විය.

10 October 2023

පුද්ගල ඝාතනයකට තිදෙනෙකුට මරණ දඩුවම

වසර 31 කට පෙර පොලුමුගුරු වලින් පහරදී පුද්ගලයකු ඝාතනය කිරීම සම්බන්දයෙන් චෝදනා ලැබූ තිදෙනෙකු වරදකරුවන් කරමින් කළුතර මහාධිකරණ විනිසුරු ප්‍රදීප් අබේරත්න මහතා විසින් අද මරණ දඩුවම නියම කර තවත් පුද්ගලයකුට වසර 10 ක බරපතළ වැඩසහිත සිරදඬුවම් නියම කලේය .

10 October 2023

මේ මස අග විදුලි බිලත් ඉහළට

විදුලිබල මණ්ඩලයේ ඉල්ලීමක කර ඇති ආකාරයට මෙම මස සිට විදුලි ගාස්තු ඉහළ දැමීමට ක්‍රියාත්මක කිරීමට අනුමැතිය දීමේ හැකියාව ඇති බව ශ්‍රී ලංකා මහජන උපයෝගිතා කොමිසමේ උසස් නිලධාරියෙක් අද (10) පැවසීය.

10 October 2023

පෙම්වතිය තරහා වුණාට නිරුවත් පින්තූර ගේට්ටුවේ අලවලා

අමනාප වූ පෙම්වතිය ගේ නිරුවත් ඡායාරූප විශාල කර ඇයගේ නිවස ඉදිරිපිට ගේට්ටුවෙ ඇල වූ බව කියන තරුණයකු අත්අඩංගුවට ගත් බව කැස්බෑව පොලිසිය කියයි.

10 October 2023

ජනපති චීනෙ යයි

ජනාධිපති රනිල් වික්‍රමසිංහ මහතා නිල සංචාරයක් සඳහා මෙම 14 වැනි දා චීනය බලා පිටත්ව යාමට නියමිතය.

10 October 2023

සුරාබදු ආදායම කෝටි 100කින් ඉහළ ගිහින්

ව්‍යාජ ස්ටිකර් සහිත මත්පැන් බෝතල් අත්අඩංගුවට ගැනීමට පාර්ලිමේන්තුවේ ක්‍රම සහ විධි කාරක සභාව කළ නියෝගයෙන් පසුව වැටලීම්වලින් සුරාබදු දෙපාර්තමේන්තුවේ ආදායම මාසයක් තුළ රුපියල් කෝටි 100කින් ඉහළ ගොස් තිබේ.

10 October 2023

ජනපතිගෙන් කථානායකට උපන්දින කේක් ගෙඩියක්

කථානායක මහින්ද යාපා අබේවර්ධන මහතාගේ ජන්ම දිනය වෙනුවෙන් කේක් කපා උපන්දින සුබ පැතුම් පිරිනැමීම ජනාධිපති රනිල් වික්‍රමසිංහ මහතාගේ ප්‍රධානත්වයෙන් අද (10) ජනාධිපති කාර්යාලයේ දී සිදු විය.

10 October 2023

කෘෂිකර්ම කම්කරු දීමනා වැඩි කරන්න කැබිනට් පත්‍රිකාවක්

කෘෂිකර්ම පර්යේෂණ ගොවිපොළ වල දෛනික වැටුප් යටතේ සේවය කරන කම්කරුවන්ගේ දීමනාව වැඩි කිරීමට අමාත්‍ය මණ්ඩල පත්‍රිකාවක් ඉදිරිපත් කරන බව කෘෂිකර්ම අමාත්‍ය මහින්ද අමරවීර මහතා පැවසීය.

10 October 2023

යොවුන් සේනාංකය එක්කෝටි විසි හතර ලක්ෂයක් අතහැර දාලා

ජාතික යොවුන් සේනාංකය ආයතන දෙකකින් රුපියල් එක්කෝටි විසි හතර ලක්ෂයක මුදලක් අය කරගෙන නැතැයි ජාතික විගණන කාර්යාලය නිකුත් කළ වාර්තාවක සඳහන් වේ.

10 October 2023

වටද්දර සමුළුව හෙට කොළඹදී

ඉන්දියානු සාගර කලාපීය සංගමයේ (අයි.ඕ.ආර්.ඒ) එළඹෙන 11 වැනිදා කොළඹදී පැවැත්වෙන ප්‍රධාන අමාත්‍ය සමුළුව සඳහා සහභාගී වන රටවල් 16 ක අමාත්‍යවරුන් අතර ඉන්දීය විදේශ කටයුතු අමාත්‍ය ආචාර්ය එස්.ජයිශංකර් මහතාද සිටින බව එරට විදේශ කටයුතු අමාත්‍යංශය ප්‍රකාශ කළේය.

10 October 2023

මත්පැන් දුම්වැටි ගැන නොදන්න කතාවක් මැතිසබයට

දුම්වැටි හා මත්පැන්වලින් ආණ්ඩුව උපයන මුදලමෙන් තුන් ගුණයක් මත් උවදුරට ගොදුරුවූ පුද්ගලයින්ට ප්‍රතිකාර වෙනුවෙන් වැය කරන බව සෞඛ්‍යය විශේෂඥයෝ පිරිසක් රට තුළ සීඝ්‍ර ලෙස පැතිරෙමින් පවතින මත්ද්‍රව්‍ය උවදුර වහා පාලනය කර මුලිනුපුටා දැමීම සඳහා නිරීක්ෂණ හා නිර්දේශ පාර්ලිමේන්තුවට ඉදිරිපත් කිරීම සඳහා වන පාර්ලිමේන්තු විශේෂ කාරක සභාව හමුවේ පැවසූහ.

10 October 2023

ගී විනිස කෘතියක් ලෙස ඔබ අතට

ශෂි ප්‍රභාත් රණසිංහ ලංකාදීප වෙබ් අඩවියට ලියූ සුභාවිත ගීත විචාර ලිපි එක්තැන් කළ ’’ගී විනිස’’ ග්‍රන්ථය එළි දැක තිබේ.

10 October 2023

ජැක්සන්ගේ දේහයට හිටපු ජනාධිපතිගේ අවසන් ගෞරවය

අභාවප්‍රාප්ත ප්‍රවීණ රංගන ශිල්පී ජැක්සන් ඇන්තනී මහතාගේ දේහයට හිටපු ජනාධිපති මහින්ද රාජපක්‍ෂ මහතා අද (10) පෙරවරුවේ ගෞරව දැක්වීය.

10 October 2023

දියේ ගිලි අතුරුදන් වූවායැයි කියන තරුණයෙක් සොයා මෙහෙයුම්

කටුවැල්ලේගම ප්‍රදේශයේ ඇළ මාර්ගයක දියනෑමට ගිය දහනව හැවිරිදි තරුණයකු ගේ අතුරුදන් වීම සම්බන්ධයෙන් ඔහු සමග දිය නෑමට ගිය සෙසු තරුණයින් දෙදෙනා ගෙන් ප්‍රශ්න කරන බව මිනුවන්ගොඩ පොලිසිය කියයි.

10 October 2023

යුද්දයට මැදි වූ ලක්කත මිය ගිහින්

පලස්තීනය සහ ඊශායලය අතර යුද්ධයේදී අතුරුදහන්ව සිටින කාන්තාව මරණයට පත්ව ඇතැයි ඊශ්‍රායල තනාපති ආරංචි මාර්ග සඳහන් කරන බවත් ඇයට හමාස් සංවිධානයේ සාමාජිකයන් තැබූ වෙඩි ප්‍රහාරයකින් සේවා ස්ථානයේදී මරණයට පත්වූ බවත් විදේශ ආරංචි මාර්ග සඳහන් කරයි.

10 October 2023

ශ්‍රී ලංකාව ලකුණු රැස්කිරීම තෝරාගනී

ලෝක කුසලාන එක්දින ක්‍රිකට් තරගාවලියේ පළමු වටයේ 8 වැනි තරගය ලෙස ශ්‍රී ලංකව සහ පාකිස්තානය අතර අහමදාබාද්හිදී දැන් පැවැත්වෙන තරගයේ කාසියේ වාසිය ලැබූ ශ්‍රී ලංකා පිලේ නායක දසුන් ශානක පළමු ලකුණු රැස්කිරීමට තීරණය කළේය.

10 October 2023

දුරකතන ආරවුල මරණයෙන් කෙලවර වෙයි

ජංගම දුරකථනයක් සම්බන්ධයෙන් ඇතිවූ ආරවුලක් දුරදිග යාමෙන් 24 හැවිරිදි තරුණයකුගේ පපුවට පිහියෙන් ඇන ඝාතනය කර ඇතැයි කොටහේන පොලීසිය කියයි.

10 October 2023

ක්‍රීඩා ඇමතිගෙන් තරුෂිට සුබ පැතුම්

ආසියානු ක්‍රීඩා උළෙලේදී වසර 21 කට පසුව මලල ක්‍රීඩා ඉසව්වකින් රන් පදක්කමක් දිනූ ශ්‍රී ලංකා මැදිදුර ධාවන ශූරී තරුෂි කරුණාරත්නට ක්‍රීඩා අමාත්‍ය රොෂාන් රණසිංහ මහතා සුබපැතුම් එක්කළේය.

10 October 2023

ගල්ල-මාතර පාසල් හෙට සිට යළි අරඹයි

ගාල්ල සහ මාතර දිස්ත්‍රික්කවල ජලයෙන් යටවි තිබෙන ප්‍රදේශවල පාසල් සහ අවතැන් කඳවුරු පවත්වාගෙන යන පාසල් හැර අනෙක් සියලුම පාසල් හෙට සිට යලි විවෘත කරන ලෙස උපදෙස් දුන් බව දකුණු පළාත් අධ්‍යාපන අමාත්‍යංශයේ ලේකම් රංජිත් යාපා මහතා පැවසිය

10 October 2023

රට ගොඩ ගන්න තියෙන්නේ ’’වස්තු’’ දෙකයි

ශ්‍රී ලංකාවට ආර්ථික සමෘද්ධිය උදාකර ගැනීමට ඇති එකම මාර්ග වන්නේ මෙරට භූගෝලීය පිහිටීම සහ මානව සම්පත පමණක් බව ජනාධිපති රනිල් වික්‍රමසිංහ මහතා පැවසීය.

10 October 2023

නසීර්ගේ පුටුව හිස් බව මැතිසබා ලේකම්වරිය මැකෝට දන්වයි

හිටපු පරිසර අමාත්‍ය පාර්ලිමේන්තු මන්ත්‍රී නසීර් අහමඩ් මහතාගේ එම මන්ත්‍රීධුරය පුරප්පාඩුවී ඇතැයි පාර්ලිමේන්තු මහ ලේකම් නීතිඥ කුෂානි රෝහණදීර මහත්මිය මැතිවරණ කොමිෂන් සභාවට ඊයේ (9) දැනුම් දුන්නාය.

10 October 2023

පොල්මට්ට අස්සේ බීඩි කොළ

ඉන්දියාවේ සිට හොර රහසේ ගෙනවිත් කොළඹට ප්‍රවාහනය කරන ලද කෝටි දෙකකට ආසන්න බීඩ කොළ තොගයක් සමග සැකකරුවෙක් අත් අඩංගුවට ගත් බව මදුරන්කුලිය පොලීසය පවසයි.

10 October 2023

වස්ගමුවේ පතල් කැපූ හතරක් මාට්ටු

පොලොන්නරුව වස්ගමුව ජාතික වනෝද්‍යානයේ අඹන්ගඟ පාලංකඩුව ප්‍රදේශයට ඇතුළත් වී නීතිවිරෝධීව අනවසරයෙන් පතල් කැණීම් සිදුකළ සිව්දෙනකු අද උදෑසන අත්අඩංගුවට ගත් බව පොලොන්නරුව වනජීවි වැටලීම් ඒකකය සඳහන් කරයි.

10 October 2023

ආයුර්වේද පනතට කතානායකගේ සහතිකය

ආයුර්වේද ක්ෂේත්‍රයේ සංවර්ධනය සඳහා විධිවිධාන ඇතුළත් ආයුර්වේද (සංශෝධන) පනත් කෙටුම්පතට කතානායකවරයා ඊයේ(9) සිය සහතිකය සටහන් කළේය.

10 October 2023

ලංකා -ඕස්ට්‍රෙිලියා ගිවිසුමක කාලය දිගු කරයි

ශ්‍රී ලංකා , ඕස්ට්‍රේලියා වෙළෙඳ හා ආයෝජන රාමු ගිවිසුම් කාලය දීර්ඝ කිරීමට කැබිනට් අනුමැතිය ලැබී ඇත.

10 October 2023

යුද හමුදාවේ 1879 කට උසස්වීම්

යුද හමුදාවේ 1879 දෙනෙකුට උසස්වීම් ලබා දී ඇති යුද හමුදාව පවසයි.

10 October 2023

චිනය එක්ක අලුත් ගිවිසුමකට කැබිනට් අනුමැතිය

ආයෝජන ප්‍රවර්ධන අමාත්‍යාංශය සහ මහජන චීන සමූහාණ්ඩුවේ ජාතික සංවර්ධන හා ප්‍රතිසංස්කරණ කොමිෂන් සභාව අතර අවබෝධතා ගිවිසුමකට එළඹීමට කැබිනට් අනුමැතිය ලැබී ඇත.

10 October 2023

කොළඹට උඩින් පියාසර කරන්න ගාස්තුව වැඩි කරයි

2023 අංක 1 දරණ ගුවන් ගමන් සංසරණ පහසුකම් ගාස්තු රෙගුලාසි සංශෝධනය කිරීමට කැබිනට් අනුමැතිය ලැබී තිබේ.

10 October 2023