එසැණ පුවත්

සචිත්‍රගේ නිවසට හොරු පැනලා

හිටපු ක්‍රිකට් ක්‍රීඩක සචිත්‍ර සේනානායක මහතාගේ පන්නිපිටිය කලල්ගොඩ ග්‍රාමෝදය මාවතේ නිවසට ඇතුළු වූ සොරුන් දේපළ රැසක් සොරාගෙන ඇතැයි තලංගම පොලිසිය කියයි.

24 June 2024

ලාංකිකයන්ගේ පළතුරු කෑම වැඩි වෙයි

2023 වසරේ දී මෙරට පළතුරු පරිභෝජනය මෙට්‍රික් ටොන් මිලියන 12.8ක් ( මෙට්‍රික් ටොන් 1,283,039) දක්වා ඉහළ ගොස් ඇතැයි කෘෂිකර්ම දෙපාර්තමේන්තුව පවසයි.

24 June 2024

ගුවන් මගියාගේ භාණ්ඩ සොරාගත් චීන්නූ දෙන්නා අත්අඩංගුවට

ඩුබායි සිට මෙරටට පැමිණියේ ගුවන් යානයක සිටි ශ්‍රී ලාංකිකයෙකුගේ ගමන් බෑගයෙ තිබූ රන් භාණ්ඩ ඇතුළු දේපළ සොරා ගැනීමේ සිද්ධියක් සම්බන්ධයෙන් චීන ජාතිකයන් දෙදෙනෙකු අත්අඩංගුවට ගත් බව ගුවන් තොටුපළ පොලිසිය පවසයි.

24 June 2024

වියාලේන්ද්‍රන් රාජ්‍ය ඇමති ධුරයක දිවුරුම් දෙයි

පාර්ලිමේන්තු මන්ත්‍රී සතාසිවම් වියාලේන්ද්‍රන් මහතා වෙළෙඳ හා පරිසර රාජ්‍ය අමාත්‍යවරයා ලෙස මීට සුළු මොහොතකට පෙර ජනාධිපති ලේකම් කාර්යාලයේදී දිවුරුම් දුන්නේය.

24 June 2024

අනවසරයෙන් මසුන් මැරූ ඉන්දිය ධීවරයෝ 22ක් අත්අඩංගුවට

නාවික හමුදාව යාපනය ඩෙල්ෆ් දුපතට ඔබ්බෙන් වූ මෙරට මුහුදු කලාපය තුළ සිදු කළ සෝදිසි මෙහෙයුමකදී මෙරට මුහුදු සීමාවට අනවසරයෙන් ඇතුළුව ධිවර කටයුතු වල නිරත වූ ඉන්දියානු ධිවර යාත්‍රා 03 ක් හා ඉන්දියානු ධිවරයින් 22 ක් අත්අඩංගුවට ගත බව නාවික හමුදාව කියයි.

24 June 2024

හොර මැණික් විකුණන්න ගිහින් පොලිස් දැලේ පැටලෙයි

ආණමඩුව නගරයේ ව්‍යාපාරිකයකුට රුපියල් කෝටියක වටිනාකමකින් යුත් මැණික් ගලක් ඇති බව අගවමින් ව්‍යාජ පාෂාණයක් අලෙවි කිරීමට සුදානම් වු දෙදෙනෙකු අත්අඩංගුවට ගත් බව ආණමඩුව පොලීසිය කියයි.

24 June 2024

‘සියලු චෝදනා ප්‍රතික්ෂේප කරනවා‘

මහරගම තරුණ සේවා සභාවේ පැවති විශ්‍රාමික පොලිස් සාමූහික රැස්වීම පිළිබඳව සමගි ජන බලවේගය ඇතුළු බොහෝ දෙනා කලබල වී එල්ල කරන චෝදනා සියල්ල ප්‍රතික්ෂේප කරන බව එම සාමූහිකයේ සභාපති අපරාධ පරීක්ෂණ දෙපාර්තමේන්තුවේ හිටපු ප්‍රධානී ජ්‍යෙෂ්ඨ නියෝජ්‍ය පොලිස්පති රවි සෙනෙවිරත්න මහතා පැවසීය.

24 June 2024

තැනින් තැන විටින් විට වැස්ස

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් විටින් විට වැසි ඇතිවන බව කාලගුණවිද්‍යා දෙපාර්තමේන්තුව කියයි.

24 June 2024

හිටපු ජනපති අපේක්ෂකයකුගේ කෝටි 25ක ඩොලර් වේයො කාලා

ජනාධිපතිවරණ හිටපු අපේක්ෂකයකුට මීට පෙර පැවැති ජනාධිපතිවරණයකදී දෙස් විදෙස් පරිත්‍යාගශීලීන්ගෙන් ලැබුණු ලංකා මුදලින් රුපියල් කෝටි 25 කට ආසන්න වටිනා ඇමෙරිකානු ඩොලර් තොගයක් මුදල් සේප්පුවක රහසිගතව තැන්පත් කර තිබියදී ඒවා වේයන් කා විනාශ වී ඇතැයි ඉතා විශ්වාස කටයුතු ආරංචි මාර්ගයකින් දැනගන්නට ඇත.

24 June 2024

රුසියාවේ ඩැගෙස්තාන් නගරවලට ත්‍රස්ත ප්‍රහාරයක්

රුසියාවේ, උතුරු කොකේසස් පළාතට අයත්, ඩැගෙස්තාන් ජනරජයේ නගර කීපයක දේවස්ථාන දෙකකට, යුදෙව් ආගමික මධ්‍යස්ථානයකට ප්‍රහාර එල්ල විය. ප්‍රහාර එල්ල කළේ ආයුධවලින් සන්නද්ධ කණ්ඩායමකි. මොවුන් ඉස්ලාමීය ත්‍රස්තවාදීන් පිරිසක් යැයි ඩැගෙස්තාන් ආරක්ෂක අංශ පවසයි.

24 June 2024

පියුමිට සම්බන්ධ කූරියර් ආයතනය ප්‍රකාශයක් දෙන්න බෑ කියයි

ප්‍රසිද්ධ නිරූපණ ශිල්පිනී පියුමි හංසමාලිගේ රූපලාවන්‍ය ආයතනයේ ක්‍රීම් වර්ග ඇතුළු රූපලාවන්‍ය භාණ්ඩ බෙදාහරිනු ලබන කුරියයර් ආයතනයට ප්‍රකාශයක් ලබාදීම සදහා අපරාධ පරීක්ෂණ දෙපාර්තමේන්තුවේ නීති විරෝධී වත්කම් කොට්ඨාසය මගින් කළ ඉල්ලීම එම ආයතනයේ ප්‍රධානීන් ප්‍රතික්ෂේප කර ඇති බව අපරාධ පරීක්ෂණ දෙපාර්තමේන්තුවේ උසස් නිලධාරීයෙක් පැවැසීය.

23 June 2024

යාපනේ කෝවිලක පූසාරි ගැටුමක්

යාපනය ප්‍රදේශයේ කෝවිලක දේපොළවලට හානි කර කාන්තාවකට පහර දුන් බව කියන පූසාරිවරයෙක් යාපනය පොලිසිය විසින් අත්අඩංගුවට ගනු ලැබීය.

23 June 2024

වේ ගඟේ ජල උමගක බිත්තියක් පුපුරයි

කහවත්ත වේ ගග විදුලි බලාගාරයේ විදුලි උත්පාදනය සදහා ජලය මුදාහරින උමගක බිත්තියක් පුපුරා ජලය කාන්දුවිමට පටන් ගෙන ඇතැයි ගම්වාසීහු පවසති.

23 June 2024

පොලිසියට ඔත්තු දුන්නැයි කසිප්පුවා තිදරු පියා මරලා

කසිප්පු පෙරන බට පොලීසියට තොරතුරු දුන්නායැයි සැකකර මරා වළ දැමූ බව කියන තිදරුපියකුගේ සිරුරක් මිද්දෙණිය පොලිසිය සොයා ගන්නා ලදී.

23 June 2024

තන්තිරිමලේ ආලෝක පූජාව අදත් බැති සිතින් ආරම්භ වේ

විජය පුවත්පත් සමාගම 21 වන වරටත් ඓතිහාසික තන්තිරිමලේ පුදබිමේ පවත්වනු ලැබූ, ’ලංකාදීප පොසොන් ආලෝක පූජාවේ’ අවසන් දිනය වූ අද දින අති උත්කර්ෂවත් අන්දමින් මීට සුළු වේලාවකට පෙර ආරම්භ කෙරිණි.

23 June 2024

ඉරාන රැප් ගායක ටුමාජ්ගේ මරණ දඬුවම කල් යයි

ඉරානයේ ප්‍රකට රැප් ගායකයකු වන ටූමාජ් සලේහිට නියම කළ මරණීය දණ්ඩනය අභියාචන විභාගය අවසන් වන තෙක් අත්හිටුවීමට එරට ශ්‍රේෂ්ඨාධිකරණය නියෝග කළ බව සලේහිගේ නීතිඥ අමීර් රයිසියාන් ප්‍රකාශ කළේය.

23 June 2024

සත්ව නිෂ්පාදන ආනයනය සීම කරයි

කුරුළු උණ රෝගය වාර්තා වන කිසිදු රටකින් සතුන් හෝ සත්ව නිෂ්පාදන මෙරටට ආනයනය කිරීමට අවසර නොදෙන බව සත්ව නිෂ්පාදන හා සෞඛ්‍ය දෙපාර්තමේන්තුව පවසයි.

23 June 2024

සුළං විදුලි බලාගාර දෙකකට කොමිසමේ අනුමැතිය නෑ

මන්නාරම සහ පුනරීන් ප්‍රදේශවල ඉදිරිකිරීමට නියමිත මෙගාවොට් 480 ක සුළං විදුලි බලාගාර ඉන්දියාවේ අදානි සමාගමට ප්‍රදානය කිරීමට අනුමැතිය දීම අත්හිටුවූ බව මහජන උපයෝගිතා කොමිසමේ උසස් නිලධාරියෙක් අද (23) පැවසීය.

23 June 2024

තව අවුරුදු 14 කින් ග්‍රහකයක් පෘථිවියේ හැපෙනවා

තව අවුරුදු 14 කින්, එනම් 2038 වසරේ ජූලි 12 වැනිදා, දැවැන්ත ග්‍රහකයක් පෘථිවියේ හැපීමට ඉඩ ඇතැයි ඇමෙරිකාවේ නාසා ආයතනය පවසයි.

23 June 2024

තුවාල ලැබූ පලස්තීනුවා ජිප් රියේ ගැට ගහලා

පලස්තීනුවන් වෙසෙන, බටහිර ඉවුරේ සිදු කළ වැටලීමකින් පසු, ඊශ්‍රායල හමුදාව, පහර දී තුවාල කර අල්ලා ගත් පලස්තීන ජාතික තරුණයකු හමුදා ජිප් රියක ඉදිරිපස ගැට ගසා ඔහු නගරය පුරා රැගෙන යන අයුරු දැක්වෙන වීඩියෝවක් විදෙස් මාධ්‍යවලට ලැබී ඇත.

23 June 2024

ජර්මන් නගරයක් පරෙවියන් මරන්නයි යන්නේ

ජර්මනියේ කුඩා නගරයක සිටින පරෙවියන් සියලු දෙනා මරා දැමීමට, එම නගරයේ බලධාරීන් තීරණය කර තිබේ. ඒ, ජනමත විමසුමක් පවත්වා නගර වැසියන්ගේ කැමැත්ත ලබා ගැනීමෙන් පසුවය.

23 June 2024

සිසුවියට හදි කළ අට දෙනා රඳවා ප්‍රශ්න කරන්න අවසර

හංවැල්ල ජල්තර ප්‍රදේශයේ දී 16 හැවිරිදි ශිෂ්‍යාවක් සමූහ දූෂණයට ලක්කළ බව කියන සිද්ධිය සම්බන්ධයෙන් අත් අඩංගුවට ගත් ඇයගේ පෙම්වතා බව කියන අයෙකු ඇතුළු තරුණයින් 08 දෙනා අධිකරණය වෙත ඉදිරිපත් කිරීමෙන් පසු පැය 48 ක කාළයක් රඳවාගෙන ප්‍රශ්න කිරීමට හෝමාගම වැඩ බලන මහෙස්ත්‍රාත් ප්‍රියංකා මද්දුම පටබැඳි මෙනෙවිය අද (23) දින නියෝග කළාය.

23 June 2024

නිල ඇඳුම්-හැදුනුම්පත් අවභාවිත කළ කොස්තාපල් අත්අඩංගුවට

සේවය අත්හැර යාමේ නියෝග නිකුත් කර සිටි ආධුනික පොලිස් කොස්තාපල්වරයෙකු නිල ඇඳුම් කොටස් භාර නොදී පොලිස් නිල හැඳුනුම්පත අවභාවිතා කරමින් සිටියදී අත්අඩංගුවට ගත් බව පිටකොටුව පොලිසිය කියයි .

23 June 2024

උඩරට දුම්රිය ධාවනය යථා තත්ත්වයට

උඩරට දුම්රිය මාර්ගයේ ගලබඩ හා ඉඟුරුඔය දුම්රිය ස්ථාන අතර පෙන්රෝස් ප්‍රදේශයේදී දුම්රිය මාර්ගයට විශාල ගසක් කඩා වැටීම හේතුවෙන් අවහිරව පැවැති උඩරට දුම්රිය මාර්ගයේ දුම්රිය ධාවනය අද (23) දහවල් වනවිට යතාතත්ත්වයට පත් කිරීමට පියවර ගෙන ඇතැයි නාවලපිටිය දුම්රිය පාලක මැදිරිය පවසයි.

23 June 2024

බෙදන්න ගෙනා හාල් කිලෝ තිස්දහසක් ආපසු හරවා යවයි

අඩු ආදායම් ලාභි පවුල් වලට බෙදාහැරිම සදහා රැගෙන විත් තිබු සහල් කිලෝ තිස්දහසකට ආසන්න ප්‍රමාණය මිනිස් පරිභෝජනයට සුදුසු මට්ටමක නොතිබිම නිසා ආපසු හරවා යැවිමට කරුවලගස්වැව ප්‍රාදේශීය ලේකම් කාර්යාලයෙ නිළධාරීන් කටයුතු කර තිබේ.

23 June 2024

මේ වසරේ සංචාරකයින් 966,604 ක් ලංකාවට ඇවිත්

සංචාරකයින් 966, 604ක් වසරේ මේ දක්වා කාළය තුළ මෙරටට පැමිණ ඇතැයි ශ්‍රී ලංකා සංචාරක සංවර්ධන අධිකාරිය පවසයි. ජුනි මාසයේ මේ දක්වා පමණක් සංචාරකයින් 69825 ක් පැමිණ ඇතැයිද එම අධිකාරිය පවසයි.

23 June 2024

සිසුවාට පහරදුන් සිසුන් අටක් අත්අඩංගුවට

පරසන්ගසවැව ප්‍රදේශයේ පාසලක අධ්‍යාපනය ලබන 15 හැවිරිදි සිසුවෙකුට මුඛයෙන් ලේ ගලන තුරුම පහර දුන්නේ යැයි කියන සිද්ධියකට එම පාසලේම සිසුන් අට දෙනෙකු අත්අඩංගුවට ගත්බව පරසන්ගස්වැව පොලිසිය කියයි.

23 June 2024

රාජකාරියට බාධා කළ පොලිස් සැරයන් අත්අඩංගුවට

මහරගම පන්නිපිටිය ප්‍රදේශයේදී කලහකාරිලෙස හැසිරි පොලිස් නිලධාරීන්ගේ රාජකාරියට ද බාධා කළ පොලිස් සැරයන්වරයෙකු අත්අඩංගුවට ගත් බව මහරගම පොලිසිය කියයි.

23 June 2024