(කේ බුද්ධික කුමාරසිරි සහ බිමල් ශ්‍යාමන් ජයසිංහ)

හංවැල්ල පහත්ගම රෝමානු කතෝලික පාසල ආසන්නයේ නිවසක දී නාදුනන පිරිසක් සිදු කළ වෙඩි තැබීමකින් දෙදෙනෙකු මිය ගොස් ඇතැයි හංවැල්ල පොලිසිය පවසයි.

මෙලෙස මිය ගොස් ඇත්තේ 43 හැවිරිදි පස් ව්‍යාපාරිකයකු සහ ඔහුගේ රියදුරු බව කියන 22 හැවිරිදි තරුණයෙකි.

යතුරුපැදියකින් නිවසට පැමිණි නාදුනන පුද්ගලයින් දෙදෙනෙකු ව්‍යාපාරිකයාගේ බිරිඳගේ හිසට ගිනි අවියක් තබා බිය කර දුරකථන ඇමතුමක් ලබා දී එම අවස්ථාවේ නිවසේ නොසිටි පස් ව්‍යාපාරිකයා නිවසට ගෙන්වාගෙන මෙලෙස ඝාතනය සිදු කර ඇති බවද පොලිසිය පවසයි.

ඝාතනය පිළිබදව මහේස්ත‍්‍රාත් පරීක්ෂණය අද (26) උදෑසන සිදු කිරීමට නියමිතය.

ඡායාරූප - බුද්ධික කුමාරසිරි