උපුල් වික්‍රමසිංහ

පසුගියදා හඳුන්වා දුන් ඒකාබද්ධ ගෙවීම් ක්‍රමවේදය (UPI) යටතේ ශ්‍රී ලංකාවට පැමිණෙන ඉන්දියානු සංචාරකයන්ට LANKAQR පහසුකම සහිත ශ්‍රී ලංකාවේ පිහිටි ඕනෑම වෙළෙඳසැලකින් ශ්‍රී ලංකා රුපියල් ලක්ෂ දෙකකට (200,000) සමාන අගයකින් යුත් ඉන්දීය රුපියල් ප්‍රමාණයක් දක්වා ගෙවීම් කළ හැකි බව ශ්‍රී ලංකා මහ බැංකුව පවසයි.

අදාළ ගෙවීම් ක්‍රමය සම්බන්ධයෙන් ඉරිදා ලංකාදීපය මහ බැංකුවේ ගෙවීම් හා පියවීම් අංශයට යොමු කළ ප්‍රශ්න කිහිපයකට පිළිතුරු දක්වමින් එම අංශය සඳහන් කරන්නේ එලෙස ගෙවීම් කිරීමේදී ඉන්දියානු සංචාරකයන්ගෙන් කිසිදු වෙනත් අය කිරීමක් නොකරන බවය.

මේ ක්‍රමය ඔස්සේ ගෙවීම් කිරීමේ දී, දේශීය ව්‍යාපාරිකයන් ගෙවීමෙහි වටිනාකමෙන් (Payment value)  සියයට 1.8ක මුදලක් ගෙවිය යුතු අතර ගනුදෙනුව සිදු කරන අවස්ථාවේ දී එම මුදල අඩු කර ගනු ලබන බව ද ශ්‍රී ලංකා මහ බැංකුව ප්‍රකාශ කරයි.