IMG-LOGO

2025 ජුලි මස 19 වන සෙනසුරාදා


රුසියන් - යුක්‍රේන යුද්ධයෙන් මියගිය ශ්‍රී ලංකීය කුලී හේවායන් ගැන තොරතුරු නෑ

උපුල් වික්‍රමසිංහ


රුසියා-යුක්රේන යුද්ධයේදී කුලී හේවායන් වශයෙන් කටයුතු කරමින් සිටියදී මියගිය ශ්‍රී ලාංකිකයන් ගැන ඒ රටවල තානාපති කාර්යාල ඔස්සේ ආරක්ෂක අමාත්‍යාංශයට මෙතෙක් කිසිදු නිල තොරතුරක් ලැබී නැතැයි එම අමාත්‍යාංශයේ මාධ්‍ය අධ්‍යක්ෂ හා මාධ්‍ය ප්‍රකාශක කර්නල් නලීන් හේරත් මහතා ඉරිදා ලංකාදීපයට පැවසීය. එම යුද්ධයේදී රුසියාව වෙනුවෙන් සටන් කළ ශ්‍රී ලාංකික සොල්දාදුවන් දෙදෙනකු මියගොස් ඇති බවට පසුගියදා අල්ජසීරා පුවත් සේවය පළ කළ වාර්තාවක් සම්බන්ධයෙන් කළ විමසීමේදී ඒ මහතා ඒ බව සඳහන් කළේය.

රුසියාව සහ යුක්රේනය වෙනුවෙන් සටන් වැදීම සඳහා ශ්‍රී ලාංකිකයන් පිරිසක් යුද කුලී හේවායන් වශයෙන් එම රටවලට ගොස් ඇත්තේ ආරක්ෂක අමාත්‍යාංශයේ අනුමැතිය ලබාගැනීමකින් තොරව බව කී මාධ්‍ය ප්‍රකාශකවරයා ඔවුන්ගෙන් වැඩි පිරිසක් හමුදා සේවයෙන් විශ්‍රාම ගත් අය බවට තොරතුරු ඇතැයි ද, සක්‍රීය හමුදා සේවයේ සිටියදී එයින් පලාගිය පිරිස් මේ ආකාරයට රුසියාවට හෝ යුක්රේනයට හෝ ගොස් ඇති බවට නිශ්චිත තොරතුරු නැති බව ද ප්‍රකාශ කළේය.
මේ ආකාරයට රුසියා - යුක්රේන යුද්ධයේදී එයින් කවර හෝ රටක් වෙනුවෙන් සටන් කිරීම සඳහා අනීතිකව ගිය ශ්‍රී ලාංකිකයන් විරැද්ධ පාර්ශ්වයේ හමුදා වෙත හසුවුවහොත් ඔවුන්ට යුද සිරකරුවන්ට හිමි වෙන වරප්‍රසාද හිමි නොවන බවත්, අදාළ රටේ නීතිය යටතේ අධිකරණයක් හමුවට ඉදිරිපත් කර දඩුවම් ලබාදෙන බවත් හේරත් මහතා වැඩිදුරටත් කීවේය. ශ්‍රී ලංකා හමුදා සොල්දාදුවන් යුද කුලී හේවායන් වශයෙන් රුසියාවේ හෝ යුක්රේනයේ හෝ හමුදා වෙනුවෙන් සටන් කිරීම සඳහා අදාළ රටවලට පිටත් කර හැරීම සම්බන්ධයෙන් ඒ රටවල් සමග කිසිදු ගිවිසුමක් ඇති කර ගෙන නැතැයි ද ප්‍රායෝගිකව ඒ ආකාරයේ ගිවිසුමකට එළැඹිය නොහැකි බවද හේරත් මහතා පැවසීය.
මේ වන විට රටවල් දෙකටම සහාය පළකිරීම සඳහා ශ්‍රී ලාංකිකකයන් සියයට වැඩි පිරිසක් එම රටවලට ගොස් ඇති බවත් තවත් සියයකට ආසන්න පිරිසක් යුද භූමිය වෙත යෑමේ බලාපොරොත්තුවෙන් සිටින බවත් වාර්තා වේ.

 



අදහස් (0)

රුසියන් - යුක්‍රේන යුද්ධයෙන් මියගිය ශ්‍රී ලංකීය කුලී හේවායන් ගැන තොරතුරු නෑ

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 405 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 564 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 232 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site