නිරූපණ ක්ෂේත්රයේ සිට පියවරෙන් පියවර රංගන ක්ෂේත්රයට පිවිසි ඇය දැන් ලොවක් හඳුනන රංගන ශිල්පිනියකි. එක් රැයකින් ජනප්රිය වී ඉතා ඉක්මනින් බැස යන කලා තරු අතර හෙමින් ගමනින් තම ඉලක්ක වෙත යන ඇයගේ සුන්දර රූ සපුවත්, පියකරු සිනහවත්, ඇයටම අනන්ය වූ දක්ෂතාවත් මේ ගමනේ ඇගේ අත්වැටයි. ඉහත පූර්විකාව මේ දිනවල කලා අඹරේ දිලෙන තරුවක් වන රංගි රාජපක්ෂ ගැනයි. මේ මෙවර සැඳැල්ලෙන් ඈ වෙනුවෙන් වෙන්කළ ඉඩකඩයි.
පාඩුවේ හිමින් ගමනක් යන කෙනෙක්. රංගන ක්ෂේත්රයට ඇවිත් ලොකු කාලයක් වුණත් තාමත් හිමින් හිමින් මගේ ඉලක්ක වෙනුවෙන් ගමන් කරමින් ඉන්නවා.
මේ දිනවල ටෙලි නාට්ය කිහිපයකම වැඩ කටයුතු කරගෙන යනවා. ස්වර්ණවාහිනී නාළිකාවේ විකාශනය වන නෙළුනි, ස්වාධීන රූපවාහිනියේ විකාශය වන RAT, සිරස නාළිකාවේ රොකී සහ දෙරණ නාළිකාවේ නිකිණි කුසුම් ටෙලි නාට්යවලට තමයි සම්බන්ධ වෙලා ඉන්නේ.
ඇත්තටම මම මේ හැම චරිතයකටම කැමතියි. මොකද ඒ චරිත එකිනෙකට වෙනස් චරිත. ඒ නිසාම මමත් ඒ හතරට වෙන වෙන විදිහට කැමතියි. මේ දවස්වල වැඩිපුරම ප්රේක්ෂක කතාබහට ලක්වෙලා තියෙන්නේ රැට් කියන ටෙලි නාට්යයේ චරිතය. මාත් සමග ඒ නිර්මාණයට සම්බන්ධ වෙලා ඉන්නේ සාරංග දිසාසේකර. ඒ චරිතයේ ස්වභාවය අනුව නම් ඒක මීට කලින් මම කරල නැති විදිහෙ චරිතයක්. ඒ නිසා ඒ චරිතය ටිකක් විශේෂයි.
ගොඩක් හොඳ ප්රතිචාර ලැබෙනවා. ඇත්තටම ගොඩක් තැන්වලට ගියාම ගොඩක් දෙනෙක් මට කතා කරන්නේ මේ චරිතවල නම්වලින්. පොඩි ළමයි එහෙම කතා කරන්නේ නෙළුනිගේ අම්මා කියල තමයි. ඉතින් ඒ ආදරේ මට හරි ලස්සනට දැනෙනවා සහ හැඟෙනවා. මම කවදාවත් ඒ ආදරේ කරදරයක් කියල හිතන්නෙ නැහැ. ප්රේක්ෂකයෝ ඇවිත් මාත් එක්ක කතා කරද්දි, ෆොටෝ එකක් ගහන්න හදද්දි මම ඒ ඉල්ලීම මට පුළුවන් විදිහට ඉෂ්ට කරනවා. මම කොයි වෙලාවකවත් ඒ අයගෙ හිත් රිද්දන්නෙ නැහැ. ඉතින් මේ ලැබෙන ආදරේ ගැන තියෙන්නේ නිහතමානී ආඩම්බරයක්.
ඇත්තටම ඒ වගේ සිහිනයක් තිබුණෙ නැහැ. මුලින්ම කළේ නිරූපණ ක්ෂේත්රයේ වැඩ කටයුතු තමයි. ඒ අතරිනුත් බ්රයිඩ්ල් ෂූට් තමයි වැඩිපුරම කළේ. එයින් පසුව මට වෙෙළඳ දැන්වීම සඳහා ආරාධනා ලැබුණා. ඒවට සම්බන්ධවෙලා ඉන්න කාලේ තමයි රාවණා ටෙලිනාට්යයට ආරාධනා ලැබුණේ. මම රංගනයෙන් දායක වුණු පළවෙනි ටෙලිනාට්යය රාවණා වුණත් පළමුවෙන්ම විකාශනය වුණේ නාලන් මෙන්ඩිස් මහත්මයාගේ සල්සපුනා ටෙලිනාට්යය. පළවෙනි නාට්යයේ ඉඳලම ක්ෂේත්රයේ ප්රවීණයෝ එක්ක වැඩ කරන්න ලැබුණු එක ඇත්තටම ලොකු වාසනාවක්. කොහොම වුණත් රංගි රාජපක්ෂ කියන චරිතය ප්රේක්ෂකයෝ වැඩි දෙනෙක් හඳුනගන්නේ රාවණා ටෙලි නාට්යයෙන් කීවොත් හරි.
මගේ පළවෙනි සිනමා නිර්මාණය ශ්රී ලංකාවේ විකාශනය වූ එකක් නෙවෙයි. ඒක මාලදිවයිනේ නිර්මාණයක්. මමයි අමිල කරුණායකයි ඒ නිර්මාණයේ වැඩ කළේ. ඒකේ ප්රිමියර් එකට අපි දෙන්නට ඒ රටෙන් ආරාධනා ලැබුණා. ඒක මගේ ජීවිතේ විශේෂ අවස්ථාවක්. පොඩි රටක් වුණත් එයාලා ගුවන්තොටුළේ අපි පිළිගත්ත තැන ඉඳන්ම ඒ ආදරේ හරි අපූරුවට දැනුණා. සිංහල සිනමාවේ නම් ටීච් මී සහ කදිර දිව්යරාජ කියන නිර්මාණවලට සම්බන්ධ වුණා.
ඔව්.
රංගන ක්ෂේත්රය හෝ වේවා වෙනත් වෘත්තියක් හෝ වේවා අපි අපේ වැඩේ හරියට කරගෙන යනවා නම් ගැටලු ඇතිවෙන්නෙ නැහැ. අපි එතන රැදෙන විදිහ, හැසිරෙන විදිහ සහ අපේ චර්යාව තමයි මෙතනදි වැදගත්. මට කියන්න සතුටුයි මගේ මේ වෘත්තීය ජීවිතය ගැන මට සෑහීමකට පත්වෙන්න පුළුවන්. මොකද මම යම් ස්ථාවරයක මේ වෙනකොට ඉන්නවා. ඒ වගේම තමයි මම දන්න විදිහට මට මේ වෙනකම්ම කටකතාවක් හෝ අයුතු යෝජනාවක් වගේ කිසිම දෙයක් ලැබිල නැහැ. ඉතින් ඇත්තමට තෘප්තිමත් වෙන්න පුළුවන්.
චරිත තෝරගන්න කොට ඒක ප්රධාන චරිතයක් වීම මට වැදගත් නැහැ. හමුවෙන චරිතය ඇතුළේ කරන්න යමක් තියෙනවා නම් ඒක කරන්න පුළුවන් කියල දැනෙනවනම් භාරගන්නවා.
ඔව්. මම දැන් විශේෂ ආදරයක් විදින කෙනෙක්.
මම හිතන්නේ ආදරය කියන්නේ අයිතිකර ගැනීමම නෙවෙයි. හැබැයි ආදරේ හැම කෙනෙක්ටම තියෙන්න ඕන දෙයක්. ඒ ආදරය හිමිවෙයි ද, නැති වෙයිද, ඒක ඇතුළේ කොච්චර ප්රශ්නද, කියන එක එකිනෙකාට අනුව වෙනස් වෙනවා. මට අනුව නම් ආදරේ කියන්නේ අපිට ජීවත් වෙන්න අත්යවශ්ය දෙයක්.
මට නර්තන හැකියාව තියෙනවා. පාසල් කාලයේ ඉඳන්ම නර්තනය හදාරලා තියෙනවා.
මගේ පවුලේ අම්මයි, තාත්තයි, අක්කයි, මල්ලියි තමයි ඉන්නේ. ඇත්තටම අපේ පවුලේ කලාවට සම්බන්ධ කිසිම කෙනෙක් නැහැ. මටත් මේක අහම්බෙන් ලැබුණු අවස්ථාවක්. මගේ අම්මා ගෘහණියක්. මම මේ ක්ෂේත්රයට සම්බන්ධ වුණාම මාත් එක්ක තැන් තැන්වලට යන්න මම ගෙදර කාටවත් කරදර කළේ නැහැ. මොකද මට ඒ දේවල් තනියම කරගන්න සහ ඒ වෙනුවෙන් හොඳ ආත්ම විශ්වාසයක් තිබුණා. මම ගැන මට වගේම ගෙදර අයටත් හොඳ විශ්වාසයක් තිබුණා. ඉතින් එයාල හැම වෙලේම ළඟින් හිටියෙ නැතත් මට මේ දීල තියන නිදහස, මම ගැන තියල තියන විශ්වාසය, මම ගැන සතුටුවෙන එකම මට ලැබෙන හොඳ සහයෝගයක්.
මම කලාවට ආදරෙයි. හැබැයි මට තියන ලොකු බලාපොරොත්තුවක් තමයි ලස්සන පවුල් ජීවිතයක් ගත කරන එක. ඒ දේ මේ රැකියාවත් එක්ක සම්බරව කරගෙන යන බොහෝ දෙනෙක් ඉන්නවා. නමුත් මම ආසයි ඒ පවුල් ජීවිතේ නිදහසේ විදින්න. ඉතින් බොහෝ දුරට මම විවාහ වුණාම කලාවෙන් සමු ගනීවි.
දුලක්ෂි ලියනගේ
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
බොහෝ දුරට විවාහයෙන් පසුව මම කලාවෙන් සමුගනීවි - රංගි රාජපක්ෂ