ප්‍රසාද් මුතුකුඩ
 
සුරතල් සුනඛයකු රැගෙන මෙරට පැමිණි කුවේට් ජාතික තරුණ යුවළක් ගුවන්තොටුපළින් පිටතට එද්දී රේගු නිලධාරියකු සමඟ ඇති වු බහින් බස් වීමකින් දුරදිග යාමෙන් රේගු නිලධාරියාට පහර දී ඇති බව ගුවන් තොටුපළ පොලිසිය පවසයි.

මොවුන් රැගෙන පැමිණි සුනඛයා ගුවන් තොටුපළින් පිටතට රැගෙන යාමට පෙර වෛද්‍ය පරික්ෂණයකට යොමු කරන ලෙස රේගු නිලධාරියා එම කුවෙට් ජාතික යුවළට පැවසීමේ දී ඔවුන් එයට විරෝධය පෑමෙන් මෙම ගැටුම ඇති වු බව පොලිසිය පවසයි.

මේ සිද්ධිය සම්බන්ධයෙන් ගුවන් තොටුපළ පොලිසිය දෙපාර්ශවයෙන්ම සාක්කි සටහන් කරගෙන ඇත.

කුවේට් ජාතික යුවළ සහ රේගු නිලධාරියා පොලිස් බාරයට ගෙන තිබේ.