(කේ. බුද්ධික කුමාරසිරි)
හෝමාගම, ගොඩගම පනාගොඩ ප්රදේශයේ බස් රථ අමතර කොටස් වෙළඳසලක අද (21) ඇති වූ ගින්නකින් එම වෙළඳසල සම්පූර්ණයෙන්ම ගිනි ගෙන විනාශ වී ඇතැයි අතුරුගිරිය පොලිසිය පවසයි.
මෙම වෙළඳසලේ පිටුපස කොටසින් දුමක් පිටවනු දැක අසල්වාසීන් ඒ පිළිබඳව වෙළඳසලෙහි අයිතිකරුවන් දැනුවත් කර පසුව අයිතිකරුවන් අතුරුගිරිය පොලිසිය දැනුවත් කර ඇත.
ඒ අනුව පොලිසියෙන් කළ දැනුම්දීමකට අනුව කොළඹ සහ කෝට්ටේ මහා නගර සබා ගිනි නිවීම් ඒකක සහ හොරණ නගර සභා ගිනි නිවීම් ඒකකයද පනාගොඩ යුධ හමුදා කඳවුරේ ජල බවුසර් රථ ද එම ස්ථානයට පැමිණ ගින්න මැඩපැවැත්වීමට කටයුතු කළද ඒ වන විටත් වෙළඳසල සම්පූර්ණයෙන්ම ගින්නෙන් විනාශ වී තිබූ බවද පොලිසිය පවසයි.
ගින්න ඇති වීමට හේතුව කඩාකප්පල්කාරී කි්රයාවක්දැයි සෙවීමට පරීක්ෂණයක් ආරම්භ කර ඇති බව අතුරුගිරිය පොලිසිය කියයි.
පනාගොඩ - ඇඹුල්ගම ප්රධාන මාර්ගය ආසන්නයේ මෙම ගින්න ඇති වූ බැවින් එම මාර්ගයේ දැඩි රථවාහන තදබදයක්ද ඇති වී තිබිණි.
සිදු වූ අලාභය පිළිබඳව මෙතෙක් ගණනය කර නැත.
සිද්ධිය සම්බන්ධයෙන් අතුරුගිරිය පොලිසිය පරීක්ෂණ පවත්වයි.
ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්රසිද්ධය. රට තු
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී සිය දීප ව්යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
ගින්නකින් ගොඩගම වෙළඳසැලක් විනාශයි
මරක්කලයා Monday, 21 October 2019 05:26 AM
අයිතිකරු මුස්ලිම් නම් විදුලි කාන්දුවක්, වෙන කෙනෙක් නම් ගින්න ඇති වීමට හේතුව කඩාකප්පල්කාරී කි්රයාවක්දැයි සොයන්න ඕන.