IMG-LOGO

නිලධාරිනිය අත්අඩංගුවට ගැනීම ස්විට්සර්ලන්තයට දන්වයි

( තිළිණි ද සිල්වා)

කොළඹ පිහිටි ස්විට්සර්ලන්ත තානාපති කාර්යාලයේ දේශිය නිලධාරිනිය අත්අඩංගුවට ගැනිමේ සිද්ධිය සම්බන්ධයෙන් විදේශ සබඳතා අමාත්‍ය දිනේෂ් ගුණවර්ධන මහතා ස්විට්සර්ලන්ත විදේශ අමාත්‍ය  ඉග්නසියෝ කැසීස් මහතා නිල වශයෙන් දැනුවත් කළ බව විදේශ කටයුතු අමාත්‍යාංශය සඳහන් කර සිටී.
 

අමාත්‍ය දිනේෂ් ගුණවර්ධන මහතා ස්විට්සර්ලන්ත විදේශ කටයුතු අමාත්‍යවරයාව දුරකථනය ඔස්සේ අමතමින් මෙම දැනුවත් කිරිම සිදු කර ඇති බවද එම අමාත්‍යාංශය නිවේදනයක් නිකුත් කරමින් කියා සිටී.

 
 මෙම දුරකතන සංවාදයේදී ස්විට්සර්ලන්ත විදේශ කටයුතු අමාත්‍යාංශ නිකුත් කර ඇති නිවේදනය පිළිබඳව අවධානය යොමු කරමින් දිනේෂ් ගුණවර්ධන මහතා ප‍්‍රකාශ කර ඇත්තේ අදාල සිද්ධිය සම්බන්ධයෙන් විමර්ශන ජාතික නීතිය සහ ජාත්යපන්තර ප‍්‍රමිතීන්ට අනුකූලව සිදු කර ඇති බවයි.
 
දණ්ඩ නීති සංග‍්‍රහයේ රජයට අප‍්‍රසාදය පල කිරිම පිළිබඳ සාපරාධී චෝදනාව මත දණ්ඩ නීති සංග‍්‍රහයේ 120 සහ 190 වගන්තිය යටතේ අදාල නිළධාරිනිය අතඅඩංගුවට ගැනීම සිදු කර ඇති බව මෙරට විදේශ අමාත්‍යවරයා ස්විස් විදේශ ඇමති වෙත මෙහිදී පෙන්වා දී ඇතැයි එම නිවේදනයේ සඳහන් වේ.
 
ස්විට්සර්ලන්ත තානාපති කාර්යාල නිධාරිනි ගානියා බැනිස්ටර් ෆ්රැයන්සිස් මහත්මිය ශ්‍රී ලාංකික පුරවැසියෙකු බවත් රටේ නීතියට අනුව ඇය සම්බන්ධයෙන් ක‍්‍රියාමාර්ග ගනු ලබන්නේ යැයි අමාත්‍ය දිනේෂ් ගුණවර්ධන මෙම දුරකතන සංවාදයේදී පවසා ඇත.
 
 ෆ‍්‍රැන්සිස් මහත්මියට සියලූ පහසුකම් ලබාදී ඇති අතර ඇයගේ අයිතිවාසිකම් ආරක්ෂා කිරිමට සහතික වන බව විදේශ සබඳතා අමාත්‍යවරයා ස්විට්සර්ලන්ත විදේශ කටයුතු අමාත්‍යවරයාට ප‍්‍රකාශ කර ඇති බවයි විදේශ සබඳතා අමාත්‍යාංශය කියා සිටී.
 
 සිද්ධිය පළමුවෙන් වාර්තා වූ දිනයේ සිට ෆ‍්‍රැන්සිස් මහත්මිය අපරාධ පරීක්ෂණ දෙපාර්තමේන්තුව වෙත ඉදිරිපත් කිරිම දක්වා කාලය තුළ ගෙන ඇති සියලූ පියවර ජාත්‍යන්තර සම්මතයන්ට අනුකූලව සිදු කර ඇති බව දිනේෂ් ගුණවර්ධන අමාත්‍යවරයා වැඩිදුරටත් පෙන්වා දී ඇත.
 

දෙරට අතර ඇති ද්විපාර්ශක සබඳතා සැලකිල්ලට ගනිමින් අදාල ක‍්‍රියාවලිය කඩිනම් කිරිම සඳහා ගත හැකි සෑම සහයෝගක්ම ලබා දෙන බව ස්විසර්ලන්ත විදේශ කටයුතු අමාත්‍ය  ඉග්නිෂියෝ කැසීස් මහතා මෙම දුරකතන සංවාදයේදී ප‍්‍රකාශ කළ බව විදේශ සබඳතා අමාත්‍යාංශය සඳහන් කර සිටී.



අදහස් (0)

නිලධාරිනිය අත්අඩංගුවට ගැනීම ස්විට්සර්ලන්තයට දන්වයි

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 96 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 642 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 130 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site