(විනීතා එම්. ගමගේ)

ඒකාබද්ධ විපක්ෂයේ ඉන්න සියලූ දෙනාගෙන් ද ශ්‍රීලනිපයේ ඉන්න ගෞරවනීය නායකයින්ගෙන් ද පක්ෂයේ එකමුතුකම තබා ගන්නැයි ඉල්ලා සිටින බව ශ්‍රී ලංකා නිදහස් තරුණ පෙරමුණේ සභාපති ශාන්ත බණ්ඩාර මහතා ප‍්‍රකාශ කළේය.

පිරිසක් සුබවාදීව දෑත් දිගු කරද්දි සම්මුතිවාදි ආණ්ඩුව එක්ක බැහැ කියා  තවත් පිරිසක් පවසන බවත් එජාපයේ ඇමති ධූර දැරු අය ද මේ අතර සිටින බවත් හෙතෙම ප‍්‍රකාශ කළේය. 

කොළේ ඉරාගෙන ඇඟේ හළාගෙන පස්සෙ පසුතැවිලි වෙන්නේ නැතිව රටේ දැවැන්තම පක්ෂය ලෙස රට හදමු යැයි සියලූ දෙනාගෙන් ඉල්ලන බවද ඔහු කීය.

ශ්‍රී ලංකා නිදහස් පක්ෂ මුලස්ථානයේ අද(28) පැවති එහි තරුණ පෙරමුණේ මාධ්‍ය හමුවක් ඇමතූ බණ්ඩාර මහතා මෙසේ ද පැවැසිය.

‘‘මේ ඡන්දෙදි ඉදිරිපත් වෙන්නේ මෛත‍්‍රි මහත්තයාවත් මහින්ද මහත්තයාවත් අනෙක් නායකයන්වත් නොවෙයි, ගමේ නායකයිනුයි. ග‍්‍රාමිය නායකයන් පරදවලා ගෙවල්වලට කොටු කරන්න එපා කියලා මම ඉල්ලා සිටිනවා. ශ්‍රීලනිපය කියන්නේ අන්ත අසරණ දේශපාලන පක්ෂ්‍යක් නොවෙයි. මම ඉවත්වෙද්දි එතනට වෙන එන්න කෙනෙක් ඉන්නවා. සභාපති අයින්වෙද්දි එතනට එන්න කෙනෙක් ඉන්නවා. කවුරු කෑ ගැහුවත් වැඩක් නැහැ.’’