(*** ඩයනා උදයංගනී සහ *** ක්රිෂාන් ජීවක ජයරුක්)
ඉකුත් මහ මැතිවරණයේදී ගෝඨාභය - මහින්ද සුසංයෝගයට විශ්මිත ජනවරමක් ලබාදෙමින් මෙරට පුරවැසියන් බලාපොරොත්තු වූ විනයගරුක, ශීලාචාර හා දියුණු රටක් ගොඩනැගීමට නම් පළමුව කළ යුත්තේ පාර්ලිමේන්තුව ශීලාචාර කිරීම යැයි හිටපු අමාත්ය ඩලස් අලහප්පෙරුම මහතා පැවසීය.
පාර්ලිමේන්තුව උත්තරීතර ආයතනයක් ලෙස ආණ්ඩුක්රම ව්යවස්ථාවේ දක්වා තිබුණත් එය මහපොළවේ නොපිළිගන්නා බව පිළිගත යුතු යැයි කී අලහප්පෙරුම මහතා රට නීතිගරුක කිරීමට පෙර පාර්ලිමේන්තුව නීතිගරුක ස්ථානයක් කළ යුතු යැයි ද සඳහන් කළේය.
පාර්ලිමේන්තුව ශීලාචාර කිරීමේ පළමු පියවර මෙම වෛරක්කාරී නාස්තිකාර මැතිවරණ ක්රමය වෙනස් කිරීම විය යුතු යැයි කී හිටපු අමාත්යවරයා එල්.ටී.ටී.ඊ. ත්රස්තවාදයෙන් රට බේරාගත්තාට වඩා වැඩි පිනක් ‘මනාප යුද්ධයෙන්’ රට බේරාගත්තොත් ලැබෙන බව ද කීවේය.
ඩලස් අලහප්පෙරුම මහතා මේ බව පැවසුවේ කඹුරුපිටිය වලානේ දී ඉකුත් 8 වැනිදා පැවති ජන හමුවක් අමතමිනි.
මහ මැතිවරණයේදී ශ්රී ලංකා පොදුජන පෙරමුණට ඉහළම ඡන්ද ප්රතිශතය ලබාදුන් කඹුරුපිටිය ජනතාවට කෘතවේදීත්වය පළකිරීමේ අරමුණින් මෙම ජන හමුව සංවිධානය කර තිබිණි.
එහිදී අදහස් දැක්වූ හිටපු අමාත්යවරයා මෙසේ ද කියා සිටියේය.
“අගෝස්තු 5 වැනිදා ජනවරම මෙරට දේශපාලන ඉතිහාසයේ ඓතිහාසික ජන වරමක්. මෙය සම කළ හැක්කේ 1956 මැතිවරණ ප්රතිඵලයට පමණයි. ඉකුත් ජනාධිපතිවරණයේදී තම ප්රතිවාදියාට වඩා ඡන්ද 13,65,500කින් ජයග්රහණය කළ ගෝඨාභය රාජපක්ෂ මහතාට මාස 9කට පසු වැඩි ඡන්ද 38 ලක්ෂයක් ලබාදුන්නේ ඇයිදැයි අපි සිතිය යුතුයි.
ඡන්දය පාවිච්චි කරනු ලැබූ ප්රතිශතය පවා සීයට 8 ක් අඩුව තිබියදී මෙතරම් විශාල වැඩි ඡන්ද සංඛ්යාවක් ලබාදීම සඳහා පොහොට්ටුවේ පාක්ෂිකයින් පමණක් නොව මෙරට මැදිහත් බුද්ධිමත් ජනතාවද එජාප ජවිපෙ සාමාජිකයින්ද විශාල වශයෙන් එකතුවූ බව අප අමතක නොකළ යුතුයි.
මේ විශ්මිත ජනතා වරමින් පුරවැසියන් බලාපොරොත්තු වන්නේ විනයගරුක, ශීලාචාර දියුණු රටක් ගොඩනැගීමයි. එය ගෝඨාභය-මහින්ද සුසංයෝගයට කළ හැකි යැයි රටේ විශාල විශ්වාසයක් තියෙනවා. අද ජනාධිපතිතුමාට පැවරෙන ලොකුම අභියෝගය මෙම විශ්වාසය සුරැකීමේ වගකීමයි. ඒ සඳහා රට ශීලාචාර කිරීමට ප්රථම පාර්ලිමේන්තුව ශීලාචාර කළ යුතුයි. රට නීතිගරුක කිරීමට පෙර පාර්ලිමේන්තුව නීතිගරුක ස්ථානයක් බවට පත් කළ යුතුයි. ආණ්ඩුක්රම ව්යවස්ථාවේ පාර්ලිමේන්තුව උත්තරීතර ලෙස සඳහන් වුවත් මහපොළොව එය පිළිගන්නේ නැති බව තේරුම් ගැනීමට අප කිසිවෙක් මැළිවිය යුතු නැහැ.
මෙම මැතිවරණ ක්රමය වෙනස්කිරීම සහ කොට්ඨාස ක්රමය මත පදනම් වූ සමානුපාතික නියෝජනයේ සාධනීය ලක්ෂණ රැකගත් නව ක්රමයක් නිර්මාණය කිරීම ගෝඨාභය ජනාධිපතිතුමාටත්, මහින්ද අගමැතිතුමාටත් පැවරෙන අත්හැරිය නොහැකි වගකීමක් වෙනවා. පාර්ලිමේන්තුව ශීලාචාර කිරීමේ පළමු පියවර මෙම වෛරක්කාරී නාස්තිකාර මැතිවරණ ක්රමය වෙනස් කිරීමයි. එල්.ටී.ටී.ඊ. ත්රස්තවාදයෙන් රට බේරාගත්තාට වඩා වැඩි පිනක් ‘මනාප යුද්ධයෙන්’ රට බේරාගත්තොත් මෙම නායකයන්ට ලැබෙනවා ඒකාන්තයි.
එමෙන්ම රට දියුණුකිරීමේ යතුර අධ්යාපනයයි. රටපුරා සියලු මාවත්, අධිවේගී මාවත් කළ ද රටේ අධ්යාපනය නූතනවාදී ශිෂ්ය කේන්ද්රීය නොකරන්නේ නම් ශ්රී ලංකාවේ ආර්ථික හා සමාජීය දියුණුව ළඟා කරගත නොහැකියි. අපේ විභාග ක්රමය, ප්රතිඵලදීම සඳහා ගතවන කාලය, පාඨමාලා තුළ ඇති පුරාතනික බව මෙන්ම ගුරු ප්රජාව තුළ ඇති බරපතළ ගැටලු සහ භෞතික පහසුකම් අධ්යාපනයේ වහා විසඳිය යුතු ගැටලු බව ජනාධිපතිතුමා අවබෝධකරගෙන අවසන්. හෝටලයක කොත්තු ගසන කොත්තු බාස් කෙනෙකුට ලැබෙන වැටුපවත් ගුරුවරයෙකුට ලැබෙන්නේ නැහැ. අපි වහා මෙය වෙනස් කොට ගුරුවරයා වචනයේ පරිසමාප්ත අර්ථයෙන්ම වෘත්තිකයකු බවට පත්කරනවා. එය සෞභාග්යයේ දැක්ම පොරොන්දුවක්.
කඹුරුපිටිය ආසනයේ ජනතාව ගෝඨාභය රාජපක්ෂ ජනාධිපතිවරයාට ඉහළ විශ්වාසය පළ කළා පසුගිය ජනාධිපතිවරණයේදී. මෙවර නැවතත් ශ්රී ලංකාවේ ඉහළම ඡන්ද ප්රතිශතය ජනාධිපතිතුමාට හා අගමැතිතුමාට ලබාදී තිබෙනවා. ඒ අනුව කඹුරුපිටිය නූතන නගරයක් ලෙස තිහගොඩ යටියන කිරින්ද පුහුල්වැල්ල උප නගර සමගින් ගොඩනැගීම ගෝඨාභය ජනාධිපතිතුමාගේ බලාපොරොත්තුවයි.”
පාර්ලිමේන්තු මන්ත්රී කංචන විජේසේකර, හිටපු පළාත් සභා අමාත්ය බිංදු වීරසිංහ, හිටපු පළාත් සභා මන්ත්රී චන්දන සිරිබද්දන යන මහත්වරු ද මෙම ජන හමුවට සහභාගි වූහ.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අසීරුවෙන් ආරක්ෂා කරගත් රටේ ආර්ථිකය තවදුරටත් ගොඩනැගීම සඳහා ජනතාව ගැන සිතා ආණ්ඩුව සමඟ ගිවිසුමකට එන්නැයි සජබ ,ජනතා විමුක්ති පෙරමුණ ඇතුළු සියලු පක්ෂවලට
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වෛරක්කාරී ඡන්ද ක්රමය ශීලාචාර කළ යුතුයි