(රොමේෂ් මධුෂංඛ)

දකුණේ ඇතැම් බලවේග හා දේශපාලනය තුළින් උතුරු නැගෙනහිර දෙමළ ජනතාවට ඔවුන්ගේ අයිතිවාසිකම් නොලැබුණද  අයිතිවාසිකම් ලබා ගැනීමේ අරමුණින් දෙමළ තරුණයින් යළිත් වරක් අවි ආයුධ අතට ගැනීමට සැරසෙන්නේ නම් එය මුරුංගා අත්තක නැඟීමට වඩා වෙනසක් නැති බව උතුරු පළාත් ප්‍රධාන අමාත්‍ය සී.වී.විග්නේශ්වරන් මහතා පවසයි.

“පොදු අරමුණු ඉටු නොවන අවස්ථාවලදී  ඒ වෙනුවෙන් කෙටි කලක් බලා සිට පසුව එම අරමුණු සපල කරගැනීම සඳහා අවි අතට ගැනීම ඉතිහාසය පුරාම ලංකාව තුළ දැකිය හැකි කරුණක් වුවත් උතුරේ හෝ දකුණේ ආයුධවලින් සන්නද්ධවූවන්ට ලබාගත හැකිවූ කිසිඳු ජයග්‍රහණයක් නැහැ. විසඳුම් වෙනුවෙන් දමිළ තරුණයින් ආයුධ අතට ගන්නේ නම් එය මුරුංගා අත්තක නැගීමක් වැනි නිෂ්ඵල ක්‍රියාවක්

එමෙන්ම රජය ව්‍යවස්ථා සංශෝධනයක් තුළින් උතුරු නැගෙනහිර දෙමළ ජනතාවගේ අයිතිවාසිකම් සුරක්ෂිත කරන බවට වූ පොරොන්දුව ඉටුනොවන තත්ත්වයක් තවමත් පෙනෙන්නට නොමැති නිසා රජයේ එම ස්ථාවරය වෙනස් නොවීමට ඉඩ නොතබා දෙමළ ප්‍රජාව හා දේශපාලනඥයින් අරගල කළ යුතුයි“යැයි ඒ මහතා ප්‍රකාශ කරයි.