(නිමල කොඩිතුවක්ක)
පළාත් පාලන මැතිවරණයෙන් සමගි ජන බලවේගයට අති විශිෂ්ට ජයක් ලැබෙන බව දන්නා ආණ්ඩුව මුදල් නොමැති බව කියමින් මැතිවරණය මඟ හැරීමට කටයුතු කරන බව විපක්ෂ නායක සජිත් ප්රේමදාස මහතා ප්රකාශ කළේය.
ජනතාව පිට අධික බදු බරක් පටවමින් බඩු මිල වැඩි කරමින් මැතිවරණය නොපවත්වන්නට කටයුතු කරන ආණ්ඩුවේ උත්සාහය පරාජය කරන බවත් විපක්ෂ නායකවරයා පැවසීය. බණ්ඩාරගම නගරයේ පැවැති ජන හමුවකට එක්වෙමින් අදහස් දැක්වූ විපක්ෂ නායක සජිත් ප්රේමදාස මහතා තවදුරටත් මෙසේද කීවේය.
“වර්තමාන රාජපක්ෂ සෙවනැලි අලි කපුටු පොහොට්ටු ආණ්ඩුව විදුලි බිල වැඩි කරන බදු ගසන, මිනිසුන් විනාශ කරන, බඩු මිල වැඩි කරන, ජනතා විරෝධී මේ ආණ්ඩුවට මැතිවරණය තිබ්බොත් බඩුත් අරන් ගෙදර යන්න සිද්ධ වෙනවා. අද මේ අලි පොහොට්ටු ආණ්ඩුවේ එකම අරමුණ ඡන්දය කල් දැමීම පමණයි. මැතිවරණයට බාධා කරන සියලුම ක-ුමන්ත්රණකාරීන් අධිකරණය හමුවට ගෙන ඒමට අපි කටයුතු කරනවා.
අද රටේ ප්රශ්න දිහා බැලුවම ඒවා විසදන්න පුළුවන් කාටද කියන එකට උත්තරය සමගි ජන බලවේගයයි. නිර්මාණශීලී වැඩපිළිවෙළක් තුළින් සුපුරුදු රාමවකට කොටු නොවී අලුතින් සිතා ජාත්යන්තරය එක්ක ධනවත් රටවල් සමග එකතු වී රටට සම්පත් ලබා ගෙන සමාජ ප්රජාතන්ත්රවාදී ක්රමයක් ක්රියාත්මක කරන සමගි ජන බලවේගයේ මැද මාවත තමයි මේ රට ගොඩ ගන්න පුලුවන්.
ජනතා විමුක්ති පෙරමුණේ වෙබ් අඩවියට ගියාම මේ රටේ නිෂ්පාදනය ධනය උත්පාදනය ව්යාපාර සියල්ලක්ම කරන්න පුළුවන් රාජ්යයට විතරයි කියා එහි සඳහන් වෙනවා. ඒ අනුව දැන් මේ නගරයේ කඩ ටික, ඉඩකඩම්, සම්පත් පවා රජයට අයිතියි. අපේ රටේ අති මහත් බහුතරයක් රාජ්ය ව්යාපාර පාඩු ලබන ආයතන බවට ඔප්පු වෙලා. මේ රටේ ජනතාවගේ බදු මුදල් කෝටි ප්රකෝටි ගණනක් වියදම් කරන ඒ ආයතන නඩත්තු කරනවා දැනටමත්. ඒ නිසා මේ වගේ ක්රමයකින් රටක් ලෙස ඉදිරියට යන්න පුළුවන්ද කියලා මම අහනවා. සමහර අය හිත හිටියා නම් ජනතා විමුක්ති පෙරමුණ තමයි රටට විසදුම කියලා මේ ප්රතිපත්ති වලින්ම ඒ පිළිබඳ අවබෝදයක් ලබා ගත හැකිය.
අද අපේ තාරුණ්යය ක්රමයේ වෙනසක් ඉල්ලා සිටියත් පාර්ලිමේන්තුව ඇතුළේ රට කෑව හොරු 134ක් එකතු වෙලා රට කාපු රාජපක්ෂ හොර නඩය රකින පුද්ගලයකු ජනාධිපති ලෙස පත් කළා. කිසිම සිස්ටම් චේන්ජ් එකක් වුණේ නැහැ. එකම දෙයයි වුණේ රාජපක්ෂලා විනාශ කළ රටේ වන්දි ගෙවන්න වුණේ ලක්ෂ 220ට. ඔවුන් ඉහළ මාලයේ සිට ජනතාවට කියනවා වන්දි ගෙවන්න කියලා. මේ රටේ ලක්ෂ 220ක් වූ ජනතාවට සැනසීමක් නැහැ. දුවා දරුවන්ට පොත් ටික, පාසැල් උපකරණ අරන් දෙන්න නැහැ. රට කාපු රාජපක්ෂලාට මේ ප්රශ්න නැහැ. ඔවුන් සුරසැප ජීවිතයක් ගත කරනවා. රටේ ජනතාවට හෙන ගැහුවත් කමක් නැහැ රාජපක්ෂ රජ පවුල ආරක්ෂා කරන්න ඕන කියන එකයි මේ රජය හිතන්නේ
කිසිම හිතක් පපුවක් නැතිව විදුලි බිල සියයට 250කින් ඉහළ දමනවා.”මේ ජන පීඩිත ආණ්ඩුව පන්නා දැමීමට ක්රමයේ වෙනසක් ආරම්භ කිරීමට අපි දැන්වත් පටන් ගමු. අපිට අහිමි කරන්න යන පළාත් පාලන මැතිවරණ කෙසේ හෝ පවත්වා ගෙන එහි විශිෂ්ට ජයක් ගෙන මේ ක්රමයේ වෙනසක ඇති කරමු” යැයිද විපක්ෂ නායකවරයා එහිදී කීවේය.
හිටපු පාර්ලිමේන්තු මන්ත්රී අජිත් පී. පෙරේරා සහ බණ්ඩාරගම ආසන සංවිධායක නයනක රන්වැල්ල යන මහත්වරුන් ඇතුලු පිරිසක් මේ සඳහා එක්ව සිටියහ.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අසීරුවෙන් ආරක්ෂා කරගත් රටේ ආර්ථිකය තවදුරටත් ගොඩනැගීම සඳහා ජනතාව ගැන සිතා ආණ්ඩුව සමඟ ගිවිසුමකට එන්නැයි සජබ ,ජනතා විමුක්ති පෙරමුණ ඇතුළු සියලු පක්ෂවලට
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘ඡන්දයක් තිබ්බොත් ආණ්ඩුවට ඇපත් නෑ‘‘